என்னது ஜன நாயகன் பட டீசர் ரிலீஸா? இண்டர்நெட்டில் அதிரி புதிரி செய்யும் விஜய் ரசிகர்கள்.. உண்மை என்ன?

விஜய் பிறந்தநாள் ட்ரீட்

நடிகர் விஜய்யின் பிறந்தநாள் ஜூன் 22 ஆம் நாள் கொண்டாடப்படும் நிலையில், அந்த நாளில் நிச்சயம் படக்குழு ஏதேனும் ஸ்பெஷல் அறிவிப்பை வெளியிட வாய்ப்புள்ளது என்பதால் இந்த செய்தி இணையதளம் முழுவதும் சுற்றி வருகிறது. ஆனால், படக்குழு தரப்பில் இருந்து தற்போது வரை எந்த செய்தியும் உறுதி செய்யப்படவில்லை. இதனால், இணையத்தில் பரவும் வதந்திகளை பார்த்து யாரும் நம்பி ஏமாற வேண்டாம்.

ஜன நாயகன்

நடிகர் விஜய் முழு நேர அரசியலில் ஈடுபடவுள்ள நிலையில், அவரது கடைசி படமான தளபதி 69ல் ஒரு நட்சத்திர பட்டாளமே நடித்து வருகிறது. இந்தப் படத்தில் விஜய்க்கு ஜோடியாக மீண்டும் பூஜா ஹெக்டே நடிக்க ஒப்பந்தம் ஆகியுள்ளார். வில்லனாக பாலிவுட் நடிகர் பாபி தியோலும் நடிக்கின்றனர்.

மேலும் படிக்க| 'Brocode'உடன் வரும் ரவி மோகன்.. வெளியான வெயிட்டான அப்டேட்.. புதிய அவதாரத்தில் புதிய அறிவிப்பு..

மேலும் இந்தப் படத்தில், பிரேமலு நடிகை மமிதா பைஜூ, பிரியாமணி, கௌதம் வாசுதேவ் மேனன், நரேன், பிரகாஷ் ராஜ் போன்றவர்கள் நடிக்க உள்ளதாக தளபதி 69 படத்தின் தயாரிப்பு நிறுவனமான கேவிஎன் புரொடக்ஷன்ஸ் அறிவித்தது.

ஜன நாயகன் ரிலீஸ் அப்டேட்

நடிகர் விஜய்யின் கடைசி படமான ஜன நாயகன் படத்தின் அப்டேட்கள் எதுவும் வெளியாகத நிலையில், விஜய் ரசிகர்கள் பலரும் ஜன நாயகன் படம் குறித்து பல்வேறு தகவல்களை கூறி வருகின்றனர். இந்த நிலையில் தான் படத்தின் தயாரிப்பு நிறுவனமான கேவிஎன் புரொடக்ஷன்ஸ், ஜன நாயகன் படத்தின் ரிலீஸ் தேதியை தற்போது அறிவித்துள்ளது.

இதுதொடர்பாக வெளியிட்ட எக்ஸ் தள பதிவில், " அடியும் ஒதயும் கலந்து வச்சு விடிய விடிய விருந்து வச்சா ஜன நாயகன் பொங்கல் என ஹிண்ட் கொடுத்து, பின் வரும் ஜனவரி 9 ஆம் தேதி முதல் உலகெங்கும் ஜன நாயகன் படம் வெளியாகும் என அறிவித்துள்ளது.

கவனம் ஈர்த்த போஸ்டர்

விஜய்யின் கடைசி மற்றும் 69வது படத்தின் பெயர் 'ஜன நாயகன்' எனப் பெயரிடப்பட்டுள்ளது. இந்தப் படத்தின் போஸ்டரே கவனம் ஈர்க்கும் வகையில் அமைந்துள்ளது. விஜய் அரசியலுக்கு வந்த நிலையில், அவர் பொது இடத்தில் நின்று செல்ஃபி எடுப்பது போன்றும் அவருக்கு பின் ஆயிரக் கணக்கானோர் நின்று கோஷமிட்டு குரல் எழுப்பது போன்றும், எம்ஜிஆர் ஸ்டைலில் சாட்டையை சுழற்றி அதில் நான் ஆணையிட்டால் என எழுதிய போஸ்டர்கள் வெளியானது. இந்த போஸ்டர்கள் ரசிகர்களை பெரிதும் கவர்ந்தது.

மேலும் படிக்க| குபேரா ரிலீஸ் தாமதமானால்.. இடியை இறக்கிய ஓடிடி நிறுவனம்.. தயாரிப்பாளர் சொன்ன ஷாக் நியூஸ்

ஹெச். வினோத் விளக்கம்

இதனால், விஜய்யின் கடைசி படமான ஜனநாயகத்தின் கதை அரசியலைத் தொடர்பு கொண்டு தான் இருக்கும் என ரசிகர்கள் கருத்து தெரிவித்து வருகின்றனர். அந்த சமயத்தில் ஜன நாயகன் படம் பற்றி பேசிய இயக்குநர் ஹெச். வினோத், விஜய் அரசியலுக்கு வந்ததால் இது அரசியல் சம்பந்தமான படமா என்ற கேள்வி எழுந்து வருகிறது. ஆனால், இது அரசியல் படமல்ல. இந்தப் படம் எடுக்கும் போதே, என்னுடைய படத்த எல்லா வயசுல இருக்கவங்களும் பாப்பாங்க, எல்லா அரசியல் கட்சிகளும் பார்ப்பாங்க. அதனால இது எல்லாருக்குமான படமா இருக்கணும்ன்னு சொன்னாரு.

200% தளபதி படம்

அதனால, இது அரசியல் கட்சியையோ அரசியல் தலைவரகளையோ தாக்கும் படமாக இருக்காது. இது சில சின்ன சின்ன விஷயங்களை வச்சி எடுத்த 100 சதவீத கமர்சியல் படமா தான் இருக்கும். இது 200 சதவீதம் தளபதி படமா இருக்கும். இது கமெர்சியலாக எல்லாரும் பார்க்கும் வகையிலான படமாக இருக்கும் என்றார்" என்றார்.