நெட்ஃபிளிக்ஸ் வெளியிட்ட அதிரடி அனொன்ஸ்மெண்ட்.. த்ரில் சீரிஸ் வென்ஸ்டேவின் 2வது சீசன் எப்போ ரிலீஸ் தெரியுமா?

தொடர் கொலைகாரனின் பிடியில் வென்ஸ்டே

இந்த வீடியோவில், வென்ஸ்‌டே என்ற பெண் ஒரு நாற்காலியில் கட்டப்பட்டிருப்பதைப் பார்க்கலாம். தான் ஒரு தொடர் கொலைகாரனின் பதுங்குமிடத்தில் இருப்பதாகவும், அடுத்த இலக்கு தான்தான் என்று அந்த கொலைகாரன் நினைப்பதாகவும் அவள் குரல் ஒலிக்கிறது. அந்த காட்சி முடிந்து, ஆறு வாரங்கள் முன்னதாக செல்கிறது. அவளுக்கு அந்த நிலைமை ஏன் ஏற்பட்டது என்பதை விளக்கும் ஃபிளாஷ்பேக் அது.

வென்ஸ்‌டே 2வது பாகம் எப்போது?

வென்ஸ்‌டே இரண்டாம் பாகத்தின் ட்ரெய்லர் ஏற்கனவே வெளியிடப்பட்டது. அப்போதே இந்த புதிய பாகத்தின் ஸ்ட்ரீமிங் தேதிகளை நெட்ஃபிளிக்ஸ் அறிவித்தது. இந்தத் தொடரின் முக்கிய கதாபாத்திரமான வென்ஸ்‌டே ஆடம்ஸ், இந்த புதிய பாகத்தில் மிகவும் ஆபத்தானவளாக மாறி பயமுறுத்த வருகிறாள் என்பதை ட்ரெய்லர் காட்டுகிறது.

மேலும் படிக்க| 'நான் இப்படி எல்லாம் படம் எடுத்தா எப்போவோ சினிமாவ விட்டு போயிருப்பேன்' ஷாக் கொடுத்த புஷ்பா டைரக்டர்

“உங்கள் காலண்டரை இப்போதே காலியாக்கி வையுங்கள். வென்ஸ்‌டே 2வது பாகம் ஆகஸ்ட் 6 ஆம் தேதி அன்று நெட்ஃபிளிக்ஸில் வெளியாகிறது” என்று கூறும் டைட்டிலுடன் அப்போது ட்ரெய்லர் வெளியிடப்பட்டது. வென்ஸ்‌டே இரண்டாம் பாகம் இரண்டு பகுதிகளாக வெளியாகிறது என்பது குறிப்பிடத்தக்கது. முதல் பகுதி ஆகஸ்ட் 6 முதல் ஸ்ட்ரீமிங் செய்யப்படும். இரண்டாம் பகுதி செப்டம்பர் 3 அன்று வெளியாகும் என்று நெட்ஃபிளிக்ஸ் தெரிவித்துள்ளது.

வென்ஸ்‌டே வெப் சீரிஸ்

வென்ஸ்‌டே என்பது ஒரு அமெரிக்க சூப்பர்நேச்சுரல் திகில் நகைச்சுவை தொடர். சார்லஸ் ஆடம்ஸ் உருவாக்கிய வென்ஸ்‌டே ஆடம்ஸ் என்ற கதாபாத்திரத்தை மையமாகக் கொண்ட தொடர் இது. ஜென்னா ஆர்டெகா இந்த கதாபாத்திரத்தில் நடித்துள்ளார். அவருக்கு சில அமானுஷ்ய சக்திகள் உள்ளன. தனது சகோதரனை பாய்ஸ் போலோ அணியினர் துன்புறுத்தியதை அறிந்து, அவர்களை நீச்சல் குளத்தில் தள்ளி பிராணிகளை விட்டு விடுகிறாள்.

மேலும் படிக்க| மனுஷி பட விவகாரம்: கோர்ட்டுக்கு போன வெற்றிமாறன்.. சென்சார் போர்டுக்கு குட்டு வைத்த உத்தரவு..

ஆவலில் ரசிகர்கள்

இதை அறிந்த பள்ளி நிர்வாகம் அவளை பள்ளியில் இருந்து நீக்குகிறது. அங்கிருந்து அவள் வெர்மாண்டில் உள்ள ஜெரிகோவில் உள்ள நெவர்மோர் அகாடமிக்கு செல்கிறாள். அங்கு கூட அவளது நடத்தை மற்ற மாணவர்களுக்கு வித்தியாசமாகத் தெரிகிறது. ஆனால், தனது சக்திகளைப் பயன்படுத்தி அங்கு நடக்கும் ஒரு கொலை மர்மத்தை தீர்க்கிறாள். முதல் பாகம் ரசிகர்களிடம் நல்ல வரவேற்பைப் பெற்றது. இதனால் ஆகஸ்டில் வெளியாகவிருக்கும் வென்ஸ்‌டே இரண்டாம் பாகத்திற்காக ரசிகர்கள் ஆவலுடன் காத்திருக்கின்றனர்.