Namitha: நீங்களுமா.. தனுஷ் பெயரை நம்பி போன நமீதா.. கடைசியில் காத்திருந்த பெரும் ஏமாற்றம்!
Namitha: நடிகை நமீதா சமீபத்தில் அளித்த பேட்டி ஒன்றில் தனக்கு தனுஷ் படத்தில் நடிக்க வாய்ப்பு கிடைத்த நிலையில் கடைசியில் அது ஏமாற்றத்தில் முடிந்ததாக கூறினார்.
Namitha: குஜராத் மாநிலம், சூரத்தில் வசிக்கும் பஞ்சாபி மொழி பேசும் தொழில் அதிபர் முகேஷ் வங்கவாலாவின் ஒரே மகள் நமீதா. இவர் குஜராத் மாநிலம், சூரத்தில் 1981ஆம் ஆண்டு, மே 10ஆம் தேதி பிறந்தார்.
தனது 17 வயதில் மிஸ் சூரத் பட்டம் வென்றதும் ஊடக வெளிச்சத்துக்கு வந்த நமீதா, அதன் பின்னர், படிப்பில் கவனம் செலுத்தி, ஆங்கில இலக்கியத்தைப் படித்து முடித்தார். இதற்கிடையே, மும்பையில் குழந்தைகளுக்கு நீச்சல் கற்றுக்கொடுக்கும் பணியில் ஈடுபட்டுக்கொண்டே, மாடலிங்கில் வாய்ப்புத் தேடினார்.
மாடலிங் துறையில் இருந்த ஆர்வத்தால்,2001ஆம் ஆண்டு நடைபெற்ற ‘மிஸ் இந்தியா’ அழகிப்போட்டியில் பங்கேற்று நான்காவது இடம்பிடித்தார்.
அப்போது ’மிஸ் இந்தியா’ போட்டியில் கிடைத்த புகழ் வெளிச்சத்தால் அருண் ஐஸ்கிரீம், நீல் ஹெர்பல் சாம்பூ, ஹிமானி கிரீம் ஆகியவற்றின் விளம்பரங்களில் நடித்தார்.
அர்ஜூனா அர்ஜூனா
2004 ஆம் ஆண்டில், இயக்குநர் ஷக்தி சிதம்பரத்தின் இயக்கத்தில் நடிகை நமீதா, ’மகா நடிகன்’ படத்தில் நடிகர் சத்யராஜூடன் ஜோடி போட்டு கிளாமர் மற்றும் மாடர்ன் ரோலில் நடித்தார். அதன்பின், நமீதாவின் மார்க்கெட் கிராஃப் தமிழில் எகிறியது. அடுத்த படமான ‘ஏய்’ படம், நமீதாவுக்கு நடிகர் சரத் குமாருடன் மிக நல்ல கெமிஸ்ட்ரியை ஒர்க் அவுட் செய்தது. இப்படத்தில் வந்த ‘அர்ஜூனா அர்ஜூனா’ பாடலால் இளசுகள் முதல் பெருசுகள் வரை கவர்ச்சிக் கட்டழகியாகப் பிரபலம் ஆனார், நமீதா.
இந்நிலையில் நடிகை நமீதா சமீபத்தில் அளித்த பேட்டி ஒன்றில் தனக்கு கிடைத்த பட வாய்ப்பு குறித்து பகிர்ந்துள்ளார்.
தனுஷ் பெயர் வைத்து ஏமாற்றம்
கடந்த 2006 ஆம் ஆண்டு நான் ஒரு படத்தில் நடிக்க ஒப்பந்தமாகியிருந்தேன், அந்தப் படத்தில் நீங்கள் தனுஷ் கதாநாயகனாக நடிக்கப் போகிறீர்கள் என்று முதலில் என்னை முன்பதிவு செய்தனர் . ஆனால் படம் தொடங்கிய பிறகு, தனுஷ் நடிக்கவில்லை என்று தெரியவந்தது. ஆனால் வேறு ஒரு நடிகர் நடிக்கிறார், படத்தின் பெயரை நான் சொல்ல விரும்பவில்லை.
தயாரிப்பாளர்கள் சங்கத்தில் புகார்
அதன்பிறகு படத்தை பாதியில் விட்டுவிட்டு தயாரிப்பாளர்கள் சங்கத்திலும் புகார் அளித்திருந்தேன். ஆனால் எப்படியோ என்னை படத்தில் நடிக்க வைத்தார்கள்"
நடிகர் ஜித்தன் ரமேஷ் நடிப்பில் கடந்த 2006 ஆம் ஆண்டு வெளியான நீ வேணுண்டா செல்லம் படம் தான் இருக்குமோ என நெட்டிசன்கள் கருத்து தெரிவித்து வருகின்றனர் .
தனது 13 வருட காதலரான வீரேந்திர செளத்ரியுடன் நமீதா, திருப்பதியில் வைத்து 2017ஆம் ஆண்டு திருமணம் செய்துகொண்டார். இத்தம்பதியினருக்கு 2022ஆம் ஆண்டு இரட்டை ஆண் குழந்தைகள் பிறந்தன. சில ஆண்டுகளுக்கு முன் பாஜகவில் சேர்ந்த நமீதா, சமீபத்திய தேர்தல் பரப்புரைகளில் கூட கலந்துகொண்டு வாக்குசேகரித்தார்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.
டாபிக்ஸ்