நாக சைதன்யா -சோபிதா திருமணம்.. சமந்தா போட்ட இன்ஸ்டா ஸ்டோரி.. ஆறுதல் சொல்லும் ரசிகர்கள்!

புகைப்படங்கள் மற்றும் வீடியோக்கள் வெளிவரவில்லை

நாக சைதன்யா மற்றும் சோபிதா துலிபாலா கடந்த இரண்டு ஆண்டுகளாக டேட்டிங் செய்த நிலையில், இந்த ஆண்டு ஆகஸ்ட் மாதம் நிச்சயதார்த்தம் செய்து கொண்டனர். நேற்று அவர்கள் மிகச் சில விருந்தினர்கள் மற்றும் நெருங்கிய நண்பர்கள் முன்னிலையில் திருமணம் செய்து கொண்டுள்ளனர். திருமணத்தின் டிஜிட்டல் உரிமையை ஓடிடி நிறுவனமான நெட்ஃபிளிக்ஸ் ஆடம்பரமான விலையில் வாங்கியுள்ளது. எனவே, திருமண மண்டபத்திலிருந்து அதிக புகைப்படங்கள் மற்றும் வீடியோக்கள் வெளிவரவில்லை.

நாக சைதன்யா மற்றும் சோபிதா துலிபாலாவின் திருமணத்தில் மெகா ஸ்டார் சிரஞ்சீவி, அல்லு அர்ஜுன், பிரபாஸ், ஜூனியர் என்.டி.ஆர் மற்றும் பலர் இருந்ததாக டோலிவுட் வட்டாரங்கள் தெரிவிக்கின்றன. இயக்குனர் ராஜமௌலி மற்றும் சில கதாநாயகிகளும் கலந்து கொண்டதாக செய்திகள் வெளியாகியுள்ளன. 

நாக சைதன்யா -சோபிதா துலிபாலாவுடன் திருமணம்

இந்நிலையில் தனது முன்னாள் கணவர் நாக சைதன்யா சோபிதா துலிபாலாவுடன் திருமணம் செய்து கொள்வதற்கு சில மணி நேரங்களுக்கு முன்பு சமந்தா ஒரு இன்ஸ்டா ஸ்டோரியைப் பகிர்ந்துள்ளார். இதுபலரது கவனத்தை ஈர்த்துள்ளது.

அந்த பதிவில், “அமெரிக்க நடிகையும் தயாரிப்பாளருமான வயோலா டேவிஸ் முதலில் வெளியிட்ட வீடியோவை சமந்தா தனது பக்கத்தில் பகிர்ந்துள்ளார். அந்த வீடியோவில் ஒரு சிறுமி தனது எதிரியான சிறுவனுடன் சண்டையில் ஈடுபடும் காட்சி இடம்பெற்றுள்ளது.

சிறுவன் அழுது கண்ணீர் சிந்த, சிறுமி சண்டையில் வெற்றி பெறுவதுடன் வீடியோ கிளிப் முடிகிறது. #Fight Like A Girl (ஒரு பெண்ணைப் போல சண்டையிடுங்கள்) என்ற ஹேஷ்டேக்குடன் சமந்தா இந்த வீடியோவைப் பகிர்ந்துள்ளார். இந்த வீடியோ அவரது முன்னாள் கணவரின் இரண்டாவது திருமணத்திற்கு மறைமுகமான எதிர்வினையா என்று ரசிகர்கள் கேள்வி எழுப்பி வருகின்றனர்.

முன்னதாக, கடந்த வாரத்தில் நடிகை சமந்தாவின் தந்தை காலமானார். ஒரு பக்கம் தந்தை காலமான துயரம், மற்றொரு பக்கம் தனது முன்னாள் கணவருக்கு திருமணம் என்று நடிகை சமந்தா பெரும் துயரத்தை சமாளித்து வருகிறார் என இணைய வாசிகள் கருத்து தெரிவித்து வருகின்றனர்.

2021ஆம் ஆண்டு விவாகரத்து

சமந்தாவும் நாக சைதன்யாவும் கடந்த 2017ஆம் ஆண்டு காதலித்து திருமணம் செய்து கொண்டனர். அதன் பின்னர் 2021ஆம் ஆண்டு இவர்கள் இருவரும் பிரிந்தனர். இதற்கிடையில் நாக சைதன்யா குறித்து தனது இன்ஸ்டாகிராம் பக்கத்தில் சமந்தா பல்வேறு பதிவுகளைப் பகிர்ந்துள்ளார். குறிப்பாக இன்ஸ்டாகிராமில் போஸ்ட்டாக அவர் பதிவிட்டது, இப்போதும் அவரது அக்கவுண்டில் உள்ளது. இதில் காதலித்த காலம் முதல் விவாகரத்துக்கு முன்னர் வரையிலான பதிவுகள் உள்ளன.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.