ஹாப்பி 82..! ரசிகர்களுடன் பிறந்தநாள் கொண்டாடி வரும் இசைஞானி இளையராஜா! வாழ்த்து மழையில் இசை நாயகன்!
Published Jun 02, 2025 10:49 AM IST
தமிழ் ரசிகர்கள் மட்டுமின்றி, இந்திய ரசிகர்களால் இசை நாயகனாக கொண்டாடப்பட்டு வரும் இசைஞானி இளையராஜா இன்று தன் ரசிகர்களின் வாழ்த்து மழையில் நனைந்தவாறு தனது 82வது பிறந்தநாளைக் கொண்டாடி வருகிறார்.
ஹாப்பி 82..! ரசிகர்களுடன் பிறந்தநாள் கொண்டாடி வரும் இசைஞானி இளையராஜா! வாழ்த்து மழையில் இசை நாயகன்!
தமிழ் சினிமாவின் முன்னணி இசையமைப்பாளராக வலம் வருபவர் இளையராஜா. 80-90 களின் காலகட்டத்தில் தமிழ் சினிமாவில், பல படங்களுக்கு இசையமைத்து பல ஹிட் பாடல்களை கொடுத்த இவர், தனது 82வது பிறந்தநாளை அவரது ரசிகர்களுடன் கொண்டாடி வருகிறார்.
1000 படங்களைக் கடந்த அபூர்வ இசையமைப்பாளர்
1976-ம் ஆண்டு வெளியான அன்னக்கிளி என்ற படத்தின் மூலம் இசையமைப்பாளராக அறிமுகமானார். பின், மக்களோடு மக்களாக அவரின் இசை கலக்கத் தொடங்கி மக்கள் மனங்களில் மிகவும் நெருக்கமான இசையமைப்பாளராக மாறினார் இளையராஜா. இசையமைக்க வந்த 3 ஆண்டுகளிலேயே 100 படங்களுக்கு இசையமைத்து அனைவரின் வாயிலும் விரலை வைக்க தொடங்கினார். பின், அவரது சாதனையை அவரே முறியடித்து அடுத்த இரண்டு ஆண்டுகளில் அடுத்த 100 படங்களுக்கு இசையமைத்தார்.