Idly Kadai Update: இட்லி கடையில் இருந்து வந்த ஸ்வீட்.. எல்லாமே இருக்கு நல்லாவே இருக்கு..

இந்தப் படத்தில் தனுஷ், நித்யா மேனனுடன் அருண் விஜய், ஷாலினி பாண்டே, பிரகாஷ் ராத், சமுத்திரகனி, ராஜ்கிரண் உள்ளிட்டோர் முக்கிய கதாப்பாத்திரத்தில் நடித்து வருகின்றனர். இது தனுஷ் இயக்கும் 4வது திரைப்படம் என்பது குறிப்பிடத்தக்கது.

தனுஷிற்கு உடல் நலம் பாதிப்பு

இட்லி கடை படத்தின் படப்பிடிப்பு தென்காசியில் பரபரப்பாக நடைபெற்று வந்த நிலையில், அங்கு நெருப்புடன் நடந்த சண்டைக் காட்சி ஒன்றில் நடிகர் தனுஷ் பாதிக்கப்பட்டதாகவும், அதனால் சில நாட்கள் படப்பிடிப்பு ரத்தானதாகவும் தகவல்கள் வெளியாகின.

இந்நிலையில், தனுஷ் படத்தின் போஸ்டர்களை ரிலீஸ் செய்தார். இன்னொரு புறம் இசையமைப்பாளர் ஜி.வி.பிரகாஷ் குமார் இட்லி கடை படத்தின் பாடல்கள் குறித்த அறிவிப்பை வெளியிட்டுள்ளார்.

ஜி.வி. பிரகாஷ் கொடுத்த ஸ்வீட்

இட்லி கடை படத்தில் மனதை வருடும் பல கிராமிய பாடல்கள் இடம்பெற்றிருப்பதாக அவர் தனது எக்ஸ் தளப் பக்கத்தில் குறிப்பிட்டுள்ளார்.

திருச்சிற்றம்பலம் படத்திற்கு பின், தனுஷ், நித்யா மேனன், பிரகாஷ் ஆகியோர் இந்தக் கூட்டணியில் இணைந்துள்ளதால் படத்தின் எதிர்பார்ப்பு அதிகரித்துள்ளது.

போட்டிக்கு நிற்கும் அஜித்

இருப்பினும், தனுஷின் இட்லி கடை படம் வெளியாகும் அதே நாளில் தான் மகிழ் திருமேனி இயக்கத்தில் அஜித் குமார் நடித்த விடாமுயற்சி படமும் வெளியாகிறது எனக் கூறியுள்ளனர். விடாமுயற்சி படத்தின் ரிலீஸ் தேதி இன்னும் இறுதி செய்யப்படவில்லை என்றால் இந்த 2 படத்திற்குமே மக்கள் மத்தியில் வரவேற்பு அதிகளவில் இருக்கிறது.

தற்போது விடாமுயற்சி படம், ஜனவரி இறுதியிலேயே வெளியாகும் என பலரும் கூறி வரும் நிலையில், அந்தத் தகவல் உண்மையானால் தனுஷின் இட்லி கடை படம் பாக்ஸ் ஆபிஸில் நல்ல ஹிட் அடிக்கும் என்பதில் சந்தேகமில்லை.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.