'பிள்ளைகளின் தனிப்பட்ட விவகாரங்களில் தலையிடமாட்டேன்.. பிரிதிவிராஜுக்கு என்னை யூஸ் செய்ய தெரியும்’: மோகன் லால்

அப்படம் குறித்தான புரொமோஷனில் ஈடுபட்டிருக்கும் நடிகர் மோகன் லால், நீயா நானா கோபிநாத்துக்கு அளித்த பேட்டியின் தொகுப்பு இதோ..

''உங்களுக்கு ஒரு பையன், ஒரு பொண்ணு. பெண் பிள்ளைகள் தான் அப்பாவுக்கு ரொம்ப நெருக்கம் என்று சொல்வார்கள். உங்கள் வீட்டில் எப்படி?

இரண்டு பேரையுமே பிடிக்கும். இரண்டு பேருக்கும் என்னைப் பிடிக்கும். அப்பா பிள்ளைகள் மாதிரி கிடையாது. நண்பர்கள் மாதிரி இருப்போம். எல்லோருக்குமே ஒரு மரியாதை இருக்கும். நானும் அந்த மரியாதையுடன் இருப்பேன். அவங்களுடைய தனிப்பட்ட விஷயங்களில் நான் தலையிட மாட்டேன். சின்னப் பசங்கள் ஒன்னும் இல்லை. ஒரு ஆளுக்கு 32. இன்னொருத்தவங்களுக்கு 27. நல்ல முறையில் படிச்சிருக்காங்க. அவங்களுக்கு நல்ல வாழ்க்கை இருக்கு.நான் அதனால் தலையிடுவதில்லை.

சினிமாவில் ரொம்ப ஸ்ட்ராங்காக வாங்கனு உங்க பையன் பிரணவ்கிட்ட சொல்றதில்லையா?

அவருக்கு அவரோட முடிவுகளை எடுக்கிறதுக்கு, அறிவு இருக்கு. அவருடைய வாழ்வின் முடிவுகளை அவர் மட்டும் தான் எடுப்பார். வேறு ஒன்னுமே செய்யமுடியாது.

நம் தந்தையின் பாரம்பரியத்தை வளர்க்கணும் என்று நினைப்பார்கள். அப்படி ஒன்றும் இல்லை. நான் கூட அப்படி விரும்பவில்லை. என்னுடைய அப்பாவும் அப்படி எல்லாம் இல்லை. படிப்பை முடித்தவுடன், அவங்க என்ன விரும்புறாங்களோ, அதைச் செய்யட்டும்.

துல்கர் மலையாளப் படங்களில் லால் ஏட்டன் படத்துக்குப் போறேன்னு சொல்றார். கேரளாவில் எல்லோருக்கும் உங்களைப் பிடிச்ச மாதிரி எப்படி அமைச்சிருக்கு.

அதுக்கு நான் என்ன சொல்லமுடியும்(சிரிக்கிறார்). நான் அவர்களை விரும்புகிறேன். அவர்கள் என்னை விரும்புகிறார்கள். எனக்கு எல்லோரையும் தெரியுமே. நான் யார் கூடயும் பிரச்னையோடு இருக்கமாட்டேன்.

மோகன் லாலின் நண்பர்கள் எப்படி?

எல்லோருமே ஃப்ரெண்ட்ஸ் தான். நல்லது நினைக்கிற நண்பர்கள் கொஞ்சம் பேரு தான் இருக்காங்க.

எனக்கு நல்ல நண்பர்கள் சர்க்கிள் இருக்கு. நான் சினிமாவில் நடிக்கத் தொடங்கிய காலகட்டத்தில் இருந்தவர்கள் கூட எல்லாம் நட்புடன் இருக்கிறேன்.

நட்பினை பராமரிக்கிறது எப்படி? அதற்கென்று மெனக்கெடல் இருக்குமா?

மெனக்கெடல் எல்லாம் இல்லை. அவருக்கு ஒரு பிரச்னை வந்தால் உதவுவோம். இது வந்து காதல் மாதிரி தான்.

மம்மூட்டி மற்றும் மலையாள பிற நடிகர்களுடனான நட்பு பற்றி?

நிறையப் படங்கள் மம்மூட்டியுடன் சேர்ந்து நடிச்சிருக்கேன். இப்போது 54ஆவது முறையாக மீண்டும் சேர்ந்து நடிக்கிறேன். மலையாளத்தில் கொஞ்சம் ஆட்கள் தானே நடிக்கிறதுக்கு. கொஞ்சம்பேர் நம்மளை விட்டுப்போயாச்சு. ஒரு நல்ல படம் செய்யும்போது நிறைய நல்ல நடிகர்கள் இறந்த வெறுமை தெரியும்.

ஒரு வீடியோவில் மம்மூட்டியுடன் ஜாலியாக டான்ஸ் ஆடிக்கொண்டு இருந்தீங்க. அது எப்பவும் நடக்குமா?

எப்போதும் மம்மூட்டிக்கு போன் செய்துபேசமாட்டேன். பார்க்கும்போது நல்லமுறையில் நட்பு பாராட்டுவேன். நான் நடிக்கும் படங்களைப் பற்றி கேட்பார். நான் அவருடைய படங்கள் பற்றி கேட்பேன். இது எனக்கும் மம்மூட்டிக்கும் மட்டுமல்ல. அம்மா என்கிற அமைப்பு மூலம் பழகும் எல்லோருடனும் அப்படி தான். சிலருக்கு மாதம் ரூ.5 ஆயிரம் தருவோம், வீடு தந்திருக்கோம், அப்படி நிறைய விஷயங்கள் எங்களுக்குள்ள செய்துக்குவோம்.

லூசிஃபர் படம் ஒரு ஃபேன் பாய் எடுத்தது. அவரை எப்படி எவ்வளவு பிடிக்கும்?

பிரித்விராஜின் அப்பாவோடு நிறையப் படங்களில் நடித்திருக்கிறேன். எனக்கு அவரை சிறு வயதில் இருந்து நன்கு தெரியும். அவருக்கு சினிமாவைப் பற்றி நன்கு தெரியும். அவருக்கு என்னை எப்படி யூஸ் செய்வது என்பது பற்றி நன்கு தெரியும். டைரக்டராக ரொம்ப மேம்பட்டிருக்கார். சொல்றதை காப்பாற்றும் பெரிய டைரக்டர்''என நடிகர் மோகன் லால் தெரிவித்திருக்கிறார்.

நன்றி: பிஹைண்ட்வுட்ஸ் டிவி