Vijay: நடிகர் விஜய் அரசியல் பிரவேசம் - அமைச்சர் உதயநிதி, திருமாவளவன் சொன்னது இதுதான்!
நடிகர் விஜய்யின் அரசியல் பிரவேசம் குறித்து அமைச்சர் உதயநிதி மற்றும் திருமாவளவன் சொன்ன கருத்துகள் பற்றிக் காண்போம்.
நடிகர் விஜய் தமிழக வெற்றிக் கழகம் என்னும் கட்சியைத் தொடங்குவதாக அறிவித்துள்ளார். இதுதொடர்பாகப் பல்வேறு அரசியல் கட்சியினரும் கருத்துத் தெரிவித்துள்ளனர்.
இதுதொடர்பாக திமுக இளைஞரணிச் செயலாளரும் அமைச்சருமான உதயநிதி ஸ்டாலின் கூறியதாவது, '' இந்திய ஜனநாயகத்தில் எவருக்கும் அரசியல் இயக்கம் தொடங்கும் உரிமையுள்ளது. நடிகர் விஜய் இந்த முடிவை எடுத்துள்ளார். அவருக்கு நம் அனைவரின் சார்பில் பாராட்டுகள். மக்கள் பணி சிறக்கட்டும்’’ என்றார்.
அதேபோல் விடுதலைச் சிறுத்தைகள் கட்சி சார்பில் அக்கட்சியின் பொதுச்செயலாளர் தொ.திருமாவளவன், நடிகர் விஜய்யின் அரசியல் வருகைக்கு வரவேற்பு தெரிவித்துள்ளார். இதுதொடர்பாக அவர் செய்தியாளர்களிடம் கூறியதாவது, ''நடிகர் விஜய் அவர்கள் அரசியலுக்கு வருவதுபற்றிக் கருத்துக் கூறும்போது, வரவேற்கிறோம். ஜனநாயகத்தில் மக்கள் தொண்டாற்றுவதற்கு, எந்த கட்டுப்பாடும் இல்லை. யாரும் எந்த நேரத்திலும் அரசியலுக்கு வரலாம். பொதுமக்களுக்குத் தொண்டாற்றலாம். அது தான் ஜனநாயகம்.