மர்மங்கள் நிறைந்த பயணம்..மர்மதேசம் தொடர் டச்சில் வெளியாகியிருக்கும் ஐந்தாம் வேதம் ட்ரெய்லர்! எப்போது எங்கு பார்க்கலாம்?

இதையடுத்து தற்போது இந்த த்ரில்லர் சீரிஸின் ட்ரெய்லர் வெளியாகியுள்ளது. தமிழ் மற்றும் தெலுங்கு ஆகிய இரு மொழிகளிலும் இந்த சீரிஸ் ஜீ5 ஓடிடி தளத்தில் வரும் 25ஆம் தேதி முதல் ஸ்டிரீமிங் ஆக இருக்கிறது.

முன்னதாக, "ஆயிரம் வருசத்துக்கு ஒரு முறை குரு, சுக்கிரன், சனி, செவ்வாய் ஆகிய 4 கிரகங்களும் சூரியனை பார்த்தது போல் ஒரே நேர்கோட்டில் நிற்கும். அப்போது ஒரு அதிசயம் நடக்கும் என்பது ஐதீகம். வேதம் என்பது ஒன்று அதில் பல பாகங்கள் இருக்கிறது. இதில் ஐந்தாம் பாகம் தற்போது வெளியாக போகிறது" என வாய்ஸ் ஓவர் ஒலிக்க இதன் போஸ்டர் வெளியிடப்பட்டுள்ளது.

தற்போது இதே வாய்ஸ் ஓவரில் ட்ரெய்லரும் தொடங்குவதோடு, பரபர திடுக் திருப்பங்கள் நிறைந்த காட்சிகளுடன் இடம்பிடித்துள்ளது.

ஐந்தாம் வேதம் நடிகர்கள்

பெரிதும் எதிர்பார்ப்பை ஏற்படுத்தியிருக்கும் இந்த சீரிஸில் சாய் தன்ஷிகா, சந்தோஷ் பிரதாப், தேவதர்ஷினி, கிரிஷா குருப், ஒய்ஜி மகேந்திரன், ராம்ஜி, பிரஜ்னா ரவி, பொன் வண்ணன் பிரதான கதாபாத்திரங்களில் நடித்துள்ளார்கள்.

தமிழ் லேட்டஸ்ட் வெப் சீரிஸ்கள்

தமிழில் லேட்டஸ்டாக வந்த ஓடிடி சீரிஸ்களில் அமேசான் ப்ரைம் ஓடிடி தளத்தில் வெளியாகியிருக்கும் தலைவெட்டியான்பாளையம் இருந்து வருகிறது. அபிஷேக் குமார், சேத்தன், தேவதர்ஷினி பிரதான கதாபாத்திரங்களில் நடித்திருக்கும் இந்த சீரிஸ் இந்தியில் வெளியாகி பிரபலமான பஞ்சாயத் சீரிஸின் ரீமேக்காக உருவாகியுள்ளது.

கல்லூரி படிப்பை முடித்த இளைஞரான அபிஷேக் குமார், தனக்கு கிடைத்த பஞ்சாயத்து செகரட்டரி வேலையில் சேருவதற்காக வேண்டா வெறுப்பாக குக்கிராமம் ஒன்றுக்கு வருகிறார். அந்த ஊரின் முன்னாள் பஞ்சாயத்து தலைவர் சேத்தன், தனது மனைவி தேவதர்ஷினி பஞ்சாயத்து தலைவராக்கி, அந்த வேலையை தானே பார்த்துக் கொண்டிருக்கிறார். நகர சூழலில் வளர்ந்த சித்தார்த் அந்த கிராமத்து சூழலுக்கு ஏற்ப எப்படி தன்னை தகவமைத்துக் கொண்டார் என்பதே இந்த சீரிஸின் கதை.

இதேபோல் கார்த்திக் சுப்பராஜ் தயாரிப்பில் உருவாகியிருக்கும் ஸ்னேக் அண்ட் லேடர் என்ற த்ரில்லர் வெப்சீரிஸ் அமேசான் ப்ரைமில் வெளியாகியுள்ளது. நவீன் சந்திரா, வேட்டை முத்துக்குமார், மனோஜ் பாரதிராஜா, ஸ்ரீரிண்டா, ஸ்ரீஜித் ரவி, பிரதான கதாபாத்திரத்தில் நடித்துள்ளனர்.

மலைப்பாங்கான நகரத்தில் வசிக்கும் நான்கு பள்ளிச் சிறுவர்கள் பற்றிய கதையாக ஸ்னேக் அண்ட் லேடர் உள்ளது. சிறுவர்களில் ஒருவன் தனது வீட்டில் ஒரு திருடனை தற்செயலாகக் கொல்ல, பிறகு அவர்கள் ஒரு பெரிய பிரச்னையில் சிக்க நேரிடுகிறதுகிறது. இறந்த திருடனை கிரிமினல் கும்பல் தேட, ​​சிறுவர்கள் தங்கள் குற்றத்தை எப்படி மறைக்கிறார்கள் என்பதுதான் இந்த சீரிஸின் கதையாக உள்ளது.