வாயில் இருந்து ஒழுகிக் கொண்டு.. அந்த நடிகரால் அவ்வளவு தொந்தரவு- உண்மையை உடைத்த மலையாள நடிகை
போதைப் பொருள் பயன்படுத்தும் நடிகர்களுடன் நான் வேலை செய்ய மாட்டேன் என்று கூறியதற்கான காரணத்தை மலையாள நடிகை வின்சி அலோஷியஸ் தெளிவுபடுத்தியுள்ளார்.
2024 ஆம் ஆண்டில், மலையாள திரையுலகில் போதைப் பொருள் புழக்கம் அதிகரித்துள்ளதாக பல செய்திகள் வெளியாகின. இது பல நாட்களுக்கு இது தலைப்புச் செய்திகளில் இடம்பெற்றன. இந்த சமயத்தில் தான், மலையாள நடிகை வின்சி அலோஷியஸ், போதைப் பொருள் பயன்படுத்தும் நடிகர்களுடன் வேலை செய்ய மாட்டேன் என்று கூறி தற்போது பேசுபொருளைகியுள்ளார்.
நடிகை வின்சியின் அறிக்கை
நாளுக்கு நாள் இதுகுறித்த பேச்சுகள் அதிகமானதை அடுத்து தற்போது நடிகை வின்சி தனது நிலைப்பாட்டை தெளிவுபடுத்தியுள்ளார். போதைப் பொருள் பயன்படுத்திய இணை நடிகர் அவரை தொந்தரவு செய்ததால் இந்த முடிவை எடுத்ததாக அவர் கூறியுள்ளார்.
கே.சி.ஒய்.எம். எர்ணாகுளம்-ஆங்காமாளி மையத் திருச்சபையின் 67வது செயல்பாட்டு ஆண்டின் தொடக்க விழா பல்லிப்புரம் தேவாலயத்தில் சமீபத்தில் நடைபெற்றது. இதில், பேசிய வின்சி, "யாராவது போதைப் பொருள் பயன்படுத்துவதாக எனக்குத் தெரிந்தால், அவர்களுடன் நான் எந்தப் படத்திலும் நடிக்க மாட்டேன்" என்று அறிவித்தார்.
வீடியோ வெளியிட்டு விளக்கம்
இப்படி கூறியதற்கு பின் வின்சி தன் இன்ஸ்டாகிராம் பக்கத்தில் ஒரு வீடியோவைப் பகிர்ந்து பேசினார். அதில், “சில நாட்களுக்கு முன்பு, போதைப் பொருள் எதிர்ப்பு பிரச்சார நிகழ்ச்சியில், போதைப் பொருள் பயன்படுத்தும் நபர்களுடன் நான் மீண்டும் படங்களில் நடிக்க மாட்டேன் என்று கூறினேன். இந்த அறிக்கைக்குப் பிறகு, பல கருத்துகள் வந்தன. அந்தக் கருத்துகளைப் படித்தபோது, ஏன் அப்படி ஒரு அறிக்கையை வெளியிட்டேன் என்பதைத் தெளிவுபடுத்த வேண்டும் என்று நினைத்தேன்.
போதைப் பொருள் பயன்படுத்தி தவறாக நடந்த நடிகர்
“ஒரு படத்தில் நடித்துக் கொண்டிருந்தேன். அதில் முக்கிய நடிகர்களில் ஒருவர் போதைப் பொருள் பயன்படுத்தி, சரியில்லாத நடந்து கொண்டார். அவரோடு வேலை செய்வது எளிதாக இல்லை. எனது உடையில் ஒரு பிரச்சனை இருந்தது, அதை சரி செய்யப் போய்க் கொண்டிருந்தேன். எதிர்பாராதவிதமாக, அவர் என்னுடன் வர வற்புறுத்தினார், ‘நான் அதைத் தயார் செய்ய உதவலாம்’ என்று கூறினார். இது அனைவரின் முன்னிலையிலும் கூறப்பட்டது, இது சூழ்நிலையை இன்னும் மோசமாக்கியது,” என்று அவர் கூறினார்.
வெள்ளை நிற பொருள்
மேலும் அவர் நினைவுகூர்ந்ததாவது: “ஒரு காட்சியின் பயிற்சியின் போது, அவரது வாயில் இருந்து வெள்ளை நிறப் பொருள் மேஜையில் சிந்தியது. அவர் செட்டில் போதைப் பொருள் பயன்படுத்திக் கொண்டிருந்தது மிகவும் தெளிவாகத் தெரிந்தது, இது சுற்றியுள்ள அனைவருக்கும் தொந்தரவை ஏற்படுத்தியது. தனிப்பட்ட வாழ்க்கையில் போதைப் பொருள் பயன்படுத்துவது ஒரு விஷயம், ஆனால் அது தொழில் சூழலை பாதிக்கும் போது, அது ஏற்றுக்கொள்ள முடியாததாகிவிடும். அப்படி வேலை செய்ய நான் விரும்பவில்லை.
முடிவில் உறுதியாக இருக்கிறேன்
மற்றவர்களின் மீது தனது செயல்களின் தாக்கத்தை உணராமல் இருக்கும் ஒருவருடன் நான் வேலை செய்ய விரும்பவில்லை. இது என்னுடைய தனிப்பட்ட அனுபவத்தை அடிப்படையாகக் கொண்ட ஒரு முடிவு, அதில் நான் உறுதியாக இருக்கிறேன். இது அனைவருக்கும் தெரியும்; இயக்குநர் கூட அவரிடம் பேசினார்.” தனது அறிக்கையின் காரணமாக, திரைப்படங்களில் வாய்ப்புகளை இழக்க நேரிடும் என்றும் அவர் கூறினார்.
வின்சியின் படங்கள்
வின்சி கடைசியாக மாரிவில்லின் கோபுரங்கள் படத்தில் நடித்தார். ரேகா படத்தில் அவரது சிறப்பான நடிப்புக்காக 2022 ஆம் ஆண்டில் கேரள மாநில திரைப்பட விருது சிறந்த நடிகைக்கான விருதைப் பெற்றார். அடுத்ததாக சீன் டாம் சாக்கோ மற்றும் தீபக் பரம்போல் நடிக்கும் சூத்திரவாக்யம் படத்தில் நடிக்க உள்ளார்.
Malavica Natarajan
