மலையாள சினிமா பிரியர்களே.. நடிகர் டொவினோ தாமஸின் 8 அதிரடி த்ரில்லர் படங்கள்! எந்த ஓடிடியில் பார்க்கலாம்?

மேலும் படிக்க| 'குறைந்தபட்ச புரிதல் இருக்கிறதா..?' ஐஸ்வர்யா ராஜேஷை ட்ரோல் செய்யும் நெட்டிசன்கள்! காரணம் இதுதான்..

2018 - சோனி லிவ் ஓடிடி

இந்த வருடத்தின் ʻஎல்2; எம்புரான்ʼ, கடந்த வருடத்தின் ʻமஞ்சுமெல் பாய்ஸ்ʼ படத்திற்கு முன்பு அதிக வசூல் செய்த மலையாள படம் 2018. டொவினோ தாமஸ் முக்கிய கதாபாத்திரத்தில் நடித்துள்ள இந்த படம் கேரளாவில் ஏற்பட்ட வெள்ளத்தின் பின்னணியில் உருவான த்ரில்லர் கதை. இந்த படம் சோனி லிவ் ஓடிடியில் பார்க்க கிடைக்கிறது.

நாரதன் - அமேசான் பிரைம்

நாரதன் 2022-ல் வெளியான த்ரில்லர் படம். இதில் டொவினோ தாமஸ் சந்திரபிரகாஷ் என்ற பத்திரிகையாளர் கதாபாத்திரத்தில் நடித்துள்ளார். இந்த படம் அமேசான் பிரைம் வீடியோ மற்றும் ஆஹா வீடியோ ஓடிடியில் ஸ்ட்ரீமிங் ஆகிறது.

ஐடென்டிட்டி - ஜீ5 ஓடிடி

டொவினோ தாமஸ் மற்றும் த்ரிஷா கிருஷ்ணன் முக்கிய கதாபாத்திரத்தில் நடித்துள்ள ʻஐடென்டிட்டிʼ படம், இந்த வருடம் ஜனவரியில் வெளியான ஹிட் படங்களில் ஒன்று. இந்த படத்தில் ஸ்கெட்ச் ஆர்டிஸ்ட் கதாபாத்திரத்தில் அவர் நடித்துள்ளார். இன்வெஸ்டிகேட்டிவ் த்ரில்லர் பாணியில் உருவான இந்த படம், ஜீ5 ஓடிடியில் பார்க்கலாம்.

ஃபாரன்சிக் - நெட்பிளிக்ஸ்

மலையாளத்தின் ʻஃபாரன்சிக்ʼ படமும் ஒரு த்ரில்லர் படம். இதில் டொவினோ தடயவியல் நிபுணர் கதாபாத்திரத்தில் நடித்துள்ளார். சிறு குழந்தைகளை குறிவைத்து கொலை செய்யும் தொடர் கொலைகாரனின் வழக்கை துரத்தி, எப்படி அந்த கொலைகாரனை கண்டுபிடிக்கிறார்கள் என்பதே இந்த படம். இந்த படம் நெட்பிளிக்ஸ் ஓடிடியில் பார்க்க கிடைக்கிறது.

மேலும் படிக்க| 'இவங்க எல்லாம் டாக்டர் ஹீரோயின்ஸ்ங்க': மருத்துவக் கல்வி பெற்ற இந்திய நடிகைகள் பற்றிய விவரம்!

வாஷி - நெட்பிளிக்ஸ்

மலையாளத்தின் வாஷி படத்தில் கீர்த்தி சுரேஷ் மற்றும் டொவினோ தாமஸ் கணவன் மனைவியாக நடித்துள்ளனர். இருவரும் வக்கீல்களாக நடித்துள்ளனர். ஒரு இளம் பெண்ணின் பாலியல் வன்கொடுமை வழக்கில் டொவினோ அரசு வழக்கறிஞராகவும், கீர்த்தி டிஃபன்ஸ் வக்கீலாகவும் நடித்துள்ளனர். இது ஒரு கோர்ட் ரூம் டிராமா த்ரில்லர் படம். இந்த படம் நெட்ஃபிலிக்ஸில் உள்ளது.

வைரஸ் - ஜீ5 ஓடிடி

கேரளாவை உலுக்கிய நிபா வைரஸ் பின்னணியில் ʻவைரஸ்ʼ படம் எடுக்கப்பட்டது. இதில் டொவினோ தாமஸுடன் குஞ்சாக்கோ போபன் மற்றும் இந்திரஜித் சுகுமாரன் முக்கிய கதாபாத்திரத்தில் நடித்துள்ளனர். இந்த படம் கேரளாவில் நிபா வைரஸ் எப்படி உருவானது என்பதன் கதை. இதை ஜீ5 ஓடிடியில் பார்க்கலாம்.

மேலும் படிக்க| 'நான் ஒரு மனைவியாகப் பேசவில்லை.. ஒரு தாயாகப் பேசுகிறேன்': பொதுவெளியில் தோழியுடன் தோன்றிய ரவி.. ஆர்த்தி பரபரப்பு அறிக்கை!

அன்வேஷிப்பின் கண்டேத்தும் - நெட்பிளிக்ஸ்

டொவினோ தாமஸ் நடித்த சிறந்த த்ரில்லர் படங்களில் முதன்மையானது அன்வேஷிப்பின் கண்டேத்தும் என்று சொல்லலாம். இது நெட்பிளிக்ஸ் ஓடிடியில் தெலுங்கிலும் ஸ்ட்ரீமிங் ஆகிறது. இரண்டு சிறுமிகளின் கொலை வழக்கை சுற்றி இந்த படம் நகர்கிறது. எஸ்ஐ ஆனந்த் கதாபாத்திரத்தில் டொவினோ நடித்துள்ளார். இந்த படம் யூகிக்க முடியாத திருப்பங்களுடன் பார்ப்பவர்களை சீட்டின் நுனியில் உட்கார வைக்கும்.

மேலும் படிக்க|

கானேக்கானே - சோனி லிவ் ஓடிடி

சோனி லிவ் ஓடிடியில் கிடைக்கும் மற்றொரு மலையாள த்ரில்லர் படம் கானேக்கானே. டொவினோ தாமஸுடன் சூரஜ் வெஞ்சரமூடும் முக்கிய கதாபாத்திரத்தில் நடித்துள்ளார். மனு அசோகன் இந்த படத்தை இயக்கியுள்ளார்.