தமிழ் செய்திகள்  /  பொழுதுபோக்கு  /  Madrasapattinam : போராட்ட களத்தில் பூத்த காதல்! பரிதிக்காக காத்திருக்கும் தொரையம்மா! மயிலிறகால் வருடிய மதராசப்பட்டினம்!

Madrasapattinam : போராட்ட களத்தில் பூத்த காதல்! பரிதிக்காக காத்திருக்கும் தொரையம்மா! மயிலிறகால் வருடிய மதராசப்பட்டினம்!

Priyadarshini R HT Tamil
Jul 09, 2024 05:15 AM IST

Madrasapattinam : போராட்ட களத்தில் பூத்த காதல்! பரிதியை தேடிவரும் தொரையம்மா, மயிலிறகால் வருடிய மதராசப்பட்டினம் படம் கால் நூற்றாண்டை நெருக்கும் வேளையில் அதுகுறித்து பார்க்கலாம்.

Madrasapattinam : போராட்ட களத்தில் பூத்த காதல்! பரிதிக்காக காத்திருக்கும் தொரையம்மா! மயிலிறகால் வருடிய மதராசப்பட்டினம்!
Madrasapattinam : போராட்ட களத்தில் பூத்த காதல்! பரிதிக்காக காத்திருக்கும் தொரையம்மா! மயிலிறகால் வருடிய மதராசப்பட்டினம்!

ட்ரெண்டிங் செய்திகள்

அடையாளமாய் தாலி 

அந்த தாலியை இளம்பரிதி அவர்களின் காதலின் அடையாளமாக அவருக்கும் பரிசளித்திருப்பார். ஆனால், அவர்களின் காதல் பிரிட்டிஷ்க்காரர்களுக்கு தெரிந்துவிடும். அவர்கள் இந்தியாவைவிட்டுச் செல்லும்போது இவர்களின் காதல் பிரிக்கப்பட்டிருக்கும். அவர் லண்டன் சென்றுவிட்டு வேறு ஒருவரை மணந்து அவருக்கு குழந்தைகளும் பிறந்து, பேத்தியுடன் இந்தியாவில் அவர் விட்டுச்சென்ற காதலை தேடி வந்திருப்பார்.

இளம்பரிதி ஒரு சலவைத் தொழிலாளி, எமிக்கும் இவருக்கும், இந்தியாவில் அவர் தங்கியிருந்த காலத்தில் காதல் மலர்ந்திருக்கும். பரிதியாக ஆர்யா, எமியாக ஏமி ஜாக்சன் இருவரும் நடித்திருப்பார்கள். இவர்களின் காதல் காட்சிகள், எமிக்காக பரிதி ஆங்கிலம் கற்பதும், பரிதிக்காக எமி தமிழ் கற்பதும் என அவர்களின் காதல் வளர்ந்துகொண்டே செல்லும்.

இதனிடையே மெட்ராஸ் மாகாணத்தின் கவர்னரின் மகளான எமியை மணக்க, ஒரு அதிகாரியும் விரும்புவார். அவருக்கும், பரிதிக்கும் சலவைத்தொழிலாளர்களின் இடத்தில் பிரிட்டிஷ்காரர்கள் கால்ஃப் மைதானம் அமைக்க திட்டமிடுவார்கள். ஆனால் அதை சலவைத் தொழிலாளர்கள் அனுமதிக்க மறுப்பார்கள்.

காதலும் கைகூடுமோ?

அப்போது பிரிட்டிஷ் தொழிலாளியுடன் மோதி யார் வெற்றி பெறுகிறார்களோ அவர்களுக்கு சாதகமாக தீர்ப்பு இருக்கும் என்று கூறப்பட்டது. இந்நிலையில் பரிதி வெற்றி பெற்றதை அடுத்து பிரிட்டிஷ் அதிகாரிக்கு அவமானமாகிவிடும். இதைப் பார்த்த எமி, பரிதியின் மீது காதல் வயப்படுவார். இவர்களின் காதலுக்கு கடும் எதிர்ப்பு இருக்கும். அந்த நேரத்தில் தான் இந்தியாவுக்கு சுதந்திரம் அறிவிக்கப்பட்டு, பிரிட்டிஷ்காரர்கள் இந்தியாவை விட்டு வெளியேற உத்தரவு வரும். இதையடுத்து, எமி கட்டாயமாக அழைத்துச்செல்லப்படுவார்.

ஆனால் பரிதியுடன் செல்ல முயலும் எமியை, அவரிடம் தோற்ற அதிகாரி பிரிக்க நினைப்பார். அப்போது ஏற்படும் கடும் சண்டையில் அந்த அதிகாரி கொல்லப்படுவார். எமியும், பரிதியும் படுகாயமடைந்துவிடுவார்கள். அப்போது பரிதியை, எமி பிரியவேண்டிய நிலை ஏற்படும். அதன் பின்னர் பரிதி குறித்த விவரங்கள் எதுவும் எமிக்கு தெரியாது.

பின்னர் 60 ஆண்டுகளுக்கு முன் எடுக்கப்பட்ட பரிதியின் படத்தை எடுத்துக்கொண்டு தற்போது வந்து பரிதியை தேடிக்கொண்டிருப்பார். பல நாட்களின் மாறிவிட்ட சென்னை நகரில், பரிதியை, எமி கண்டுபிடிப்பாரா என்பதுதான் கிளைமேக்ஸ். எமியை தொரையம்மா என்றுதான் மரியாதையாக பரிதி அழைப்பார்.

இவர்களின் காதல் காட்சிகளும், பிரியும் தருணமும் கண்ணில் நீரை வரவழைக்கும். பூக்கள் பூக்கும் தருணம், வாம்மா தொரையம்மா, உள்ளிட் அனைத்து பாடல்களும் படுஹிட். இந்தப்படத்தை இயக்குனர் விஜய் இயக்கியிருப்பார். இந்தப்படத்தில் அந்தக் கால மதராசப்பட்டினத்தை அப்படியே செட்டில் கொண்டுவந்து இருப்பார்கள்.

இந்தப்படத்தின் காதல் காட்சிகள் மயிலிறகால் வருடுவதைப்போல் அமைக்கப்பட்டிருக்கும். படம் முழுவதும் பழைய மெட்ராசும், புதிய சென்னையும் மாறி மாறி காட்டப்பட்டிருக்கும். அதன் இடையே ஓடும் மெல்லிய காதலும், சுதந்திர போரின் உத்வேகமும், காட்சிகளால் நம்மை கட்டுப்போட்டு வைக்கும் படம்.

WhatsApp channel

டாபிக்ஸ்

தமிழ்த் திரைப்பட செய்திகள், டிவி தொடர்கள், OTT செய்திகள், திரைப்பட விமர்சனங்கள், பாலிவுட், ஹாலிவுட் படங்கள் தொடர்பான சமீபத்திய அப்டேட்களை, பொழுதுபோக்கு பிரிவில் பார்க்கலாம்.