Madha Gaja Raja Review: 12 வருட காத்திருப்பு.. விஷால் 8 பேக்ஸ்.. சந்தானம் காமெடி.. மதகஜராஜா படம் எப்படி?
விஷால் நடிப்பில் சுந்தர் சி இயக்கத்தில் இன்று வெளியாக இருக்கும் மதகதராஜா படத்தின் பரஸ் ஷோ சென்னையில் நடந்தது

சுந்தர் சி- விஷால் கூட்டணியில் உருவாகி, கிட்டத்தட்ட 12 ஆண்டுகளுக்கு பிறகு இந்த ஆண்டின் பொங்கல் ரிலீஸாக மதகதராஜா திரைப்படம் இன்று வெளியாகி இருக்கிறது.
ஆக்ஷன் த்ரில்லர் பாணியில் உருவாகியிருக்கும் இந்த படத்தின் ப்ரிவியூ ஷோ நேற்று (ஜனவரி 11) மாலை நடைபெற்றது. இந்த நிலையில், அந்தப்படம் குறித்து நெட்டிசன்கள் கூறிய கமெண்டுகளை பார்க்கலாம்.
முன்னதாக, மதகஜராஜா பத்திரிகையாளர் சந்திப்பில் பேசிய விஷால் கைநடுக்கத்துடன் காணப்பட்டார். இதையடுத்து அவரது உடல் கடுமையாக நலிவுற்றதாகவும், அவன் இவன் படத்தில் அவர் மாறுகண் வைத்து நடித்ததும், அதன் காரணமாக முளைத்த கெட்ட பழக்க வழக்கங்களுமே இதற்கு காரணம் என்றும் சொல்லப்பட்டது.
இந்த நிலையில் நேற்றைய தினம் மதகஜராஜா ப்ரஸ் ஷோவில் கலந்து கொண்ட விஷால், செய்தியாளர்களை சந்தித்தார். அப்போது பேசிய அவர் "எல்லோருக்கும் வணக்கம். 12 வருஷம் கழிச்சு 12ஆம் தேதியே படம் வெளியாகுது.
இது 12 வருஷத்துக்கு முன்னாடி இருக்குற படம் மாதிரியே தெரியல. புதுப்படம் மாதிர இருக்கு. எல்லோருக்கும் பொங்கல் வாழ்த்துகள். எல்லோரும் நல்லபடியா குடும்பத்துடன் சந்தேஷமா கொண்டாடுங்க. முக்கிய இந்த படத்த பத்தி சொல்றதை விட இன்னொரு விஷயத்தை சொல்ல விரும்புறேன்.
எனது உடல்நிலையில் எந்த பிரச்சினையும் இல்ல
தமிழ்நாடு மட்டுமல்ல கனடாவில் இருந்து கூட எனக்கு போன் கால் வந்தது. நான் அப்போலோவில் அட்மிட் ஆகியிருக்கேன்னு என் உடலநிலை குறித்து தப்பான தகவல்கள் வெளிவந்தது. அப்படிலாம் ஒன்னும் இல்லை.
எனக்கு கடுமையான காய்ச்சல் தான். அன்னைக்கு என்னால முடியல. ஆனாலும் இத்தனை வருஷம் கழித்து படம் வருது. சுந்தர் சி சார் முகம் பார்க்கனும், அந்த பங்கஷனை மிஸ் செய்ய கூடாதுன்னு எப்படியாவது முடிஞ்ச அளவு அட்டெண்ட் செஞ்சேன்.
எனது உடல்நிலையில் எந்த பிரச்னையும் இல்லை. நண்பர்கள், பேன்ஸ் என எல்லோரும் பிரார்த்தனை செய்துள்ளார்கள். அனைவருக்கும் நான் கடமைபட்டிருக்கிறேன். நன்றியை தெரிவித்துக்கொள்கிறேன்.
பொதுமக்கள், மீடியாவை பொறுத்தவரைக்கும் என்னால் யூகிக்க முடியல. இன்னும் ஏராளமான மெசேஜ்க்கு ரிப்ளை கொடுக்கனும். எல்லா ஸ்டேட்டில் இருந்து போன் செய்து உடல் நிலை குறித்து கேட்டார்கள்.
Get well soon, Come back என கேட்டபோது இப்போது சொந்த காலில் நிற்கிறேன்.அனைத்து ஊடக நண்பர்களுக்கு நன்றிகள். நான் வார்த்தையால் சொல்ல முடியாது. படங்கள் மூலமாதான் சொல்ல முடியும்.
முகத்தை பார்த்தாலே தெரிகிறது
நானும், சுந்தர் சி சாரும் இந்த படத்துக்கான கதவு எப்போ திறக்கும்னு பல வருஷமாக பேசியிருக்கோம். கனவு நனவாகியிருப்பது உண்ர்ச்சிகரமான தருணம்.
எல்லோருக்கும் படம் பிடித்திருக்கிறது அவர்கள் முகத்தை பார்த்தாலே தெரிகிறது. இந்த வெற்றி சுந்தர் சி சாரையே சேரும். அவர் சிறந்த கமர்ஷியல் படம் இயக்குநர். எங்களது காம்பினேஷில் இந்த படம் பொங்கலுக்கான சரியான படமாக இருக்கும். காசு செலவு செஞ்சதுக்கு சந்தோஷமா குடும்பத்துடன் பார்க்கும் படமாக இருக்கும்.
முதல் காட்சி முடஞ்சதும் படம் நல்லா இருக்குன்னு எல்லோரு சொல்வாங்க. சண்டகோழிக்கு பின்னர் மதகஜராஜா என்னோட பேவரிட் படம். ஒரு பெஸ்டிவலில் பெஸ்டிவல் படத்தை கொடுத்தது கடவுளா அமைச்சு கொடுத்தது.
எட்டு நாள் லீவு இருக்கிறது, குடும்பத்துடன் படம் பார்க்க நினைப்பவர்களுக்கு தரமான படமாக இருக்கும் என நம்புகிறேன். நீங்கள் கொடுத்த அன்பு, ஆதரவை மனசில் ஏற்றிக்கொண்டேன். பொறுப்பும் வந்திருக்கு. என்னாலே முடிந்தால் ஒவ்வொருத்தரையு் கட்டிப்புடித்து நன்றி சொல்வேன்" என்றார்

டாபிக்ஸ்