Snehan: ‘நாம் வாழ்ந்த வாழ்வுக்கு சான்றானது இன்னொரு உயிர்தானடி..’ ஆனந்த கண்ணீரில் சினேகன் - கன்னிகா

சினேகன் திருமணம்

சீரியல் நடிகையான கனிகாகவுடன் சினேகனுக்கு ஏற்பட்ட காதல். அதன் பின் அவர்கள் திருமணம் செய்து கொண்டது. இன்று வரை புதுமணத் தம்பதிகள் போல உலா வருவது என டோட்டலாக சினேகனின் வாழ்க்கை மாறிவிட்டது. அடிக்கடி கிராமத்திற்கு செல்வது குடும்பமாக சேர்ந்து ஒரு விஷயங்களை என்ஜாய் செய்வது என இவர்களை பார்த்து பலரும் பொறாமை படும் அளவில் வாழ்ந்து வருகிறார்கள். 

இதனிடையே திருமணம் முடிந்து மூன்று வருடங்கள் கடந்த நிலையில் சினேகன், கன்னிகா தம்பதி இடையே பலரும் குழந்தை தொடர்பான கேள்விகளை முன் வைத்தனர். அதை முதலில் இருவரும் கண்டு கொள்ளாமல் இருந்த நிலையில் சமீபத்தில் தாய், தந்தையாக மாற நாங்கள் தயாராகிவிட்டோம் என்றார் கன்னிகா. 

கன்னிகா சொன்ன ஹேப்பி நியூஸ்

இந்நிலையில் கன்னிகா தற்போது கர்ப்பம் ஆக இருப்பதாக மகிழ்ச்சியான அறிவிப்பை வெளியிட்டு உள்ளார். இது தொடர்பாக அவர் வெளியீட்டு இருக்கும் பதிவில், “ நாங்க அப்பா அம்மா ஆகபோறோம்.. உங்கள் எல்லோருடைய அன்பும் வாழ்த்தும் வேண்டும்

அன்புடன்

சினேகன்
கன்னிகா சினேகன் “ என குறிப்பிட்டு உள்ளார்.

சினேகன், கன்னிகா தம்பதிக்கு ரசிகர்கள் தற்போது வாழ்த்து மழை பொழிந்து வருகின்றனர்.

காதல் கதை

கன்னிகா,சினேகன் உடன் காதல் ஏற்பட்ட கதையை முன்பு பேட்டியில் கூறி இருந்தார், “ ஒரு நாள் ஒரு திரைப்படத்தின் ஆடிஷனுக்காக நான் சென்றிருந்தேன். அங்கு, எனக்கு தங்கை கதாபாத்திரம் என்று சொன்னதோடு, என்னை ஆடிஷன் செய்வதற்காக சினேகன் என்பவர் வருவார் என்று சொன்னார்கள்.

நானோ யாராக இருந்தால் நமக்கென்ன ஆடிஷன் செய்யப்போகிறார்கள். வாய்ப்பு இருந்தால் கொடுக்கப்போகிறார்கள் என்று நினைத்து சென்றேன். அப்போதுதான் சினேகன் என்பவர் இந்த பாடல்களை எல்லாம் எழுதி இருக்கிறார் என்று சொல்லி என் கையில் ஒரு லிஸ்ட்டை கொடுத்தார்கள்.

நல்ல சந்திப்பு கனி

அந்த லிஸ்டில் உள்ள பாடல்கள் அனைத்துமே நான் சிறுவயதில் அடிக்கடி கேட்டு கடந்து வந்த பாடல்கள். அது தெரிந்த பின்னர் அவரை சந்திக்கும் முன்னர் இதயம் படப்படத்தது. அதை மறைத்துக்கொண்டு அவரின் தங்கையாகவும் நடித்தேன். எல்லாம் முடிந்து வெளியே வந்த பின்னர், அவர் எனக்கு நல்ல சந்திப்பு கனி என்று ஒரு மெசேஜ் அனுப்பினார்.

தாலிக்கயிறு கொடுத்து காதல்

அதன் பின்னர்தான் முதன்முறையாக நாங்கள் பழக ஆரம்பித்தோம். பழகிய கொஞ்ச நாட்களிலேயே அவர் என்னிடம் காதலை சொல்லிவிட்டார். நான் அதற்கு அப்போது பதில் எதுவுமே சொல்லவில்லை. எனக்கு விருப்பம் இருந்த போதும், நான் உடனடியாக சொல்லாமல் கொஞ்ச காலம் எடுத்துக் கொண்டேன். ஒரு கார்த்திகை அன்று கடையில் மஞ்சள் கிழங்கு தாலிக்கயிறு உள்ளிட்டவற்றை வாங்கினேன். அதை பார்த்த அந்த கடைக்காரப் பெண் அதில் கொஞ்சம் குங்குமம் வைத்துக்கொடுத்தார். அன்றைய தினம்தான் விளக்குகள் மத்தியில் அவரிடம் நான் காதலை சொன்னேன் “ என்றார்.