Theatre Released Movies: செப்டம்பர் மாதம் திரையரங்குகளில் ரிலீசான படங்கள் - ஒரு பார்வை

டிடி ரிட்டர்ன்ஸ் படத்திற்குப் பிறகு சந்தானம் தனது அடுத்த படமான 'கிக்' இந்த மாதம் செப் 1 ஆம் தேதி திரையரங்குகளில் வெளியானது. பிரசாந்த் ராஜ் இயக்கத்தில் சந்தானம், தன்யா ஹோப் மற்றும் பிரம்மானந்தம் ஆகியோர் முக்கிய வேடங்களில் நடித்தனர்.

பரம்பொருள்

'பரம்பொருள்' படத்தில் அமிதாஷ், ஆர். சரத்குமார் மற்றும் காஷ்மீர் பர்தேஷி ஆகியோர் முக்கிய வேடங்களில் நடித்துள்ளனர், இப்படத்திற்கு யுவன் ஷங்கர் ராஜா இசையமைத்துள்ளார். அரவிந்த் ராஜ் எழுதி இயக்கியிருக்கும் இப்படம் செப் 1 ஆம் தேதி திரையரங்குகளில் வெளியானது.

லக்கி மேன்

துணை வேடங்களில் நடித்து வரும் யோகி பாபு, தொடர்ந்து படங்களில் முக்கிய வேடங்களில் நடித்து வருகிறார். அடுத்ததாக பாலாஜி வேணுகோபால் இயக்கத்தில் உருவான, 'லக் மேன்' படத்தில் முக்கிய வேடத்தில் நடிக்கிறார். செப் 1 ஆம் தேதி திரையரங்குகளில் வெளியானது.

கருமேகங்கள் கலைகின்றன

தங்கர் பச்சான் இயக்கத்தில் பாரதிராஜா, அதிதி பாலன், கவுதம் வாசுதேவ் மேனன், யோகி பாபு, சாரல், மகானா சஞ்சீவி ஆகியோர் நடித்த

கருமேகங்கள் கலைகின்றன படம், செப் 1 ஆம் தேதி திரையரங்குகளில் வெளியானது. பாரதி ராஜா மற்றும் கௌதம் மேனன் தந்தை மற்றும் மகனாக நடித்துள்ளனர்,

குஷி

விஜய் தேவரகொண்டா மற்றும் சமந்தா ஆகியோர் முக்கிய வேடங்களில் நடித்துள்ள 'குஷி' திரைப்படம் செப் 1 ஆம் தேதி திரையரங்குகளில் வெளியானது. இப்படம் கலவையான விமர்சனங்களை பெற்றது.

ஜவான்

ஷாருக்கானின் நடிப்பில் உருவாகியுள்ள படம், ஜவான். இதில் நயன்தாரா ஜோடியாக நடித்துள்ளார். இதில் விஜய் சேதுபதி, பிரியாமணி, தீபிகா படுகோன் உள்ளிட்ட பலர் நடித்துள்ளனர். படம் செப்டம்பர் 7 ஆம் தேதி திரையரங்குகளில் வெளியானது.

மிஸ் ஷெட்டி மிஸ்டர் போலிஷெட்டி

அனுஷ்கா நீண்ட நாட்களுக்கு பிறகு நடித்த் மிஸ் ஷெட்டி மிஸ்டர் போலிஷெட்டி செப்டம்பர் 7 ஆம் தேதி திரையரங்குகளில் வெளியானது. தெலுங்கில் வெளியாகும் இந்த படத்தை தமிழ் டப்பிங்கிலும் ரிலீஸானது.

மார்க் ஆண்டனி

நடிகர் விஷால் நடிப்பில் உருவாகி இருக்கும், மார்க் ஆண்டனி படத்தை ஆதிக் ரவிச்சந்திரன் இயக்கியுள்ளார். செப்டம்பர் 15 ஆம் தேதி தமிழ், தெலுங்கு, இந்தி என 3 மொழிகளில் ரிலீஸானது.

ஆர் யூ ஓகே பேபி

லட்சுமி ராமகிருஷ்ணன் இயக்கத்தில் உருவாகி உள்ள திரைப்படம் ஆர் யூ ஓகே பேபி. இதில் சமுத்திரக்கனி, மிஷ்கின் ஆகியோர் முதன்மை கதாபாத்திரத்தில் நடித்து உள்ளனர். இப்படம் செப்டம்பர் 22 ஆம் தேதி தேதி திரையரங்குகளில் ரிலீஸானது.

சந்திரமுகி 2

பி வாசு இயக்கத்தில் ரஜினிகாந்த் மற்றும் ஜோதிகா முக்கிய வேடங்களில் நடித்த திகில் காமெடியின் தொடர்ச்சி சந்திரமுகி 2 ஆகும். இப்படத்தில் ராகவா லாரன்ஸ், கங்கனா ரணாவத், லட்சுமி மேனன், ஸ்ருஷ்டி டாங்கே, ராதிகா சரத்குமார், வடிவேலு உள்ளிட்டோர் முக்கிய வேடங்களில் நடித்துள்ளனர். இப்படத்திற்கு எம்.எம்.கீரவாணி இசையமைத்துள்ளார். இப்பம் செப் 28 ஆம் தேதி திரையரங்குகளில் வெளியானது.

இறைவன்

ஐ அகமது இயக்கத்தில் ஜெயம் ரவி, நயன்தாரா மற்றும் ராகுல் போஸ் ஆகியோர் முக்கிய வேடங்களில் நடித்துள்ள படம், இறைவன். ஜெயம் ரவி 12 சிறுமிகளைக் கொன்ற ஒரு தொடர் கொலைகாரனைப் பிடித்த பிறகு தானே நீதியை நிலைநாட்ட முயற்சிக்கும் அதிகாரியாக நடிக்கிறார். இப்படம் செப்டம்பர் 28 ஆம் தேதி திரையரங்குகளில் வெளியானது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9