Aparna Balamurali: அபர்ணா பாலமுரளியிடம் தவறாக நடந்த மாணவர் சஸ்பெண்ட்!

தங்கம் படத்தின் புரமோஷன் நிகழ்ச்சிக்காக சட்டக் கல்லூரிக்கு வந்திருந்தார் அபர்ணா பாலமுரளி. அவருடன் நடிகர் வினீத் சீனிவாசன், இசையமைப்பாளர் பிஜிபால் மற்றும் சில பிரபலங்களும் கலந்து கொண்டனர். அவர்கள் அனைவரும் மேடையில் அமர்ந்திருக்க திடீரென்று பூ ஒன்றுடன் மேடை மீது ஏறிய மாணவர் ஒருவர், அங்கிருந்த அபர்ணாவிடம் அந்தப்பூவை கொடுத்ததோடு, அவரது கையை பிடித்து இழுத்து, அவர் தோள் மீது கை போட்டு புகைப்படம் எடுக்க முயன்றார். 

ஆனால், அபர்ணா அதற்கு அனுமதிக்கவில்லை. இது தொடர்பான வீடியோ சமூகவலைதளங்களில் வெளியாகி வைரலானது. இந் வீடியோவை பார்த்த  பலரும் தவறாக நடந்து கொண்ட மாணவர் மீது நடவடிக்கை எடுக்க வேண்டும் என்ற கோரிக்கை வைத்தனர். அந்தக்கோரிக்கையை ஏற்ற சட்டக்கல்லூரி பணியாளர் கவுன்சில் நடிகையிடம் அத்துமீறிய மாணவரை ஒருவாரம் சஸ்பெண்ட் செய்து உத்தரவிட்டுள்ளது.

மேலும், இந்த சம்பவம் தொடர்பாக அறிக்கை வெளியிட்ட எர்ணாகுளம் சட்டக் கல்லூரி யூனியன் நடிகையிடம் மன்னிப்புக்கோரியுள்ளது. 

இது தொடர்பாக வெளியான அறிக்கையில், “திரைப்பட நடிகையை நடந்த சம்பவமானது மிகவும் வருந்தத்தக்க செயல். இதற்காக நாங்கள் வருந்துகிறோம். இந்த சம்பவததை மிகவும் தீவிரமான பிரச்சினையாக நாங்கள் பார்க்கிறோம்” என்று அதில் குறிப்பிடப்பட்டுள்ளது

முன்னதாக, சூரரைப் போற்று படத்தில் அபர்ணா பாலமுரளி தனது சிறப்பான நடிப்பிற்காக தேசிய விருது பெற்றார். அதனைத்தொடர்ந்து நித்தம் ஒரு வானம் படத்தில் நடித்து பாராட்டை பெற்றார். இந்த நிலையில அவர் நடிப்பில் உருவாகி இருக்கும் தங்கம் திரைப்படம் வரும் வரும் 26 ஆம் தேதி வெளியாக உள்ளது. அதனால் படக்குழுவினர் மிகவும் பிஸியாக விளம்பர பணியில் ஈடுபட்டு வருகின்றனர் மலையாளத்தில் தொடர்ந்து பிஸி ஹீரோயினாக வலம் வரும் அபர்ணா பாலமுரளி தற்போது ஃபஹத் ஃபாசிலுக்கு ஜோடியாக ஹோம்பலே பிலிம்ஸ் தயாரிக்கும் தூம் படத்தில் நடித்து வருகிறார். இந்தப் படத்துடன் மேலும் ஆறு படங்களை ஒப்புக்கொண்டுள்ளார் அபர்ணா பாலமுரளி.