‘ஓடிடி- ல சீக்கிரம் வந்ததுதான் பிரச்சினையே.. இல்லனா அந்தப்படம் பெரிய வெற்றி பெற்றிருக்கும்’ - அமீர் பேட்டி!

லாபத்தா லேடீஸ் திரைப்படம் மார்ச் 1, 2024 அன்று திரையரங்குகளில் வெளியிடப்பட்டது. ஏப்ரல் 26, 2024 அன்று நெட்ஃபிளிக்ஸில் ஸ்ட்ரீமிங் ஆக தொடங்கியது.

ஏன் பெரிய வசூல் இல்லை

இது குறித்து பேசிய அவர், ‘எடுத்துக்காட்டாக, நெட்ஃபிளிக்ஸ் தளத்தில் 8 வாரங்களில் ரிலீஸ் ஆகாமல் இருந்திருந்தால் லாபத்தா லேடீஸ் படம் இன்னும் நன்றாக ஓடியிருக்கும். காரணம், படம் குறித்தான மக்கள் கருத்து நன்றாக இருந்தது.

என்னைப் பொறுத்தவரை, இது இவ்வளவு சீக்கிரம் நெட்ஃபிளிக்ஸில் ஒளிபரப்பாமல் இருந்திருந்தால் அந்தப்படம் இன்னும் பெரிய வெற்றியைப் பெற்றிருக்கும்.

Sacnilk.com படி, இந்தியாவில் இப்படம் 24.31 கோடி வசூலித்த நிலையில், உலகளவில் 27.06 கோடி வசூலித்தது. கிரண் ராவ் இயக்கத்தில் உருவான இந்தப்படமானது அமீர்கான் புரொடக்ஷன்ஸ், கின்ட்லிங் பிக்சர்ஸ் மற்றும் ஜியோ ஸ்டுடியோஸ் ஆகியவற்றின் கீழ் தயாரிக்கப்பட்டது. இப்படத்தில் நிதான்ஷி கோயல், பிரதிபா ரந்தா, ஸ்பார்ஷ் ஸ்ரீவஸ்தவா, சாயா கதம் மற்றும் ரவி கிஷன் ஆகியோர் நடித்திருந்தனர்.

அமீர்கான் நடிப்பில் உருவாகி இருக்கும் சித்தாரே ஜமீன் பர் ஜூன் 20 அன்று திரையரங்குகளில் வர திட்டமிடப்பட்டுள்ளது. சித்தாரே ஜமீன் பர் என்பது அமீரின் வெற்றிப் படமான தாரே ஜமீன் பர் படத்தின் அடுத்த பாகம் ஆகும்.

இப்படத்தில் அமீர்கான் ஒரு கூடைப்பந்து பயிற்சியாளராக நடிக்கிறார். ஜெனிலியா டிசோசா மற்றும் பல நடிகர்களுடன் சேர்ந்து. ஆர்.எஸ்.பிரசன்னா இயக்கத்தில் உருவாகி இருக்கும் இப்படத்தை அமீர்கான் மற்றும் அபர்ணா புரோஹித் தயாரித்து இருக்கின்றனர்.