Ileana: கிசுகிசுக்கள் உண்மை தான்.. இரண்டாவது கர்ப்பத்தை சஸ்பென்ஸ் வைத்து உறுதிப்படுத்திய இலியானா

தமிழில் ஷங்கர் இயக்கத்தில் நடிகர் விஜய் ஹீரோவாக நடித்த ‘நண்பன்’ திரைப்படம் மூலம் தமிழ்நாட்டின் பட்டிதொட்டியெங்கும் பிரபலமானவர், நடிகை இலியானா.

இவர் தற்போது மைக்கேல் டோலன் என்னும் நபருடன் திருமணம் செய்துகொண்டு, குடும்ப வாழ்க்கையை அனுபவித்து வருகிறார். இத்தம்பதியினருக்கு கடந்த 2023-ம் ஆண்டு ஆண் குழந்தை பிறந்தது. இதன்மூலம் இலியானா மற்றும் அவரது வாழ்க்கை துணைவர் மைக்கேல் டோலன் 2023ஆம் ஆண்டு ஆகஸ்ட் மாதம் தங்கள் குழந்தைக்கு பெற்றோர் ஆனார்கள்.

நடிகை இலியானா தனது மகனின் புகைப்படங்களை அவ்வப்போது சமூக ஊடகங்களில் பகிர்ந்துள்ளார். அவர் தாய்மையை எவ்வளவு ரசிக்கிறார் என்பதை விளக்கும் சில கருத்துகளையும் பதிவு செய்வார். இந்நிலையில் நடிகை இலியானா மீண்டும் கர்ப்பமாக இருப்பதாக சில நாட்களாக திரையுலகில் கிசுகிசுக்கப்பட்டு வந்தன.

கர்ப்பத்தை உறுதிப்படுத்திய இலியானா:

இந்நிலையில் நடிகை இலியானா இரண்டாவது முறையாக வித்தியாசமான முறையில் கர்ப்பமாக இருப்பதாகக் கூறினார்.

அவள் அதை நேரடியாக உறுதிப்படுத்தாமல் சற்று வித்தியாசமான முறையில் உறுதிப்படுத்தினார்.

பிப்ரவரி 15ஆம் தேதியான இன்று தனது இன்ஸ்டாகிராம் ஸ்டோரியில் பஃப் கார்ன் தின்பண்டங்கள் மற்றும் ஆன்டாசிட் சூயிங்கம் பாக்கெட்டுகளுடன் இருக்கும் படத்தை நடிகை இலியானா வெளியிட்டிருந்தார்.

அதில், "நீங்க கர்ப்பமா இருக்கீங்கன்னு சொல்லாமல், நீங்கள் கர்ப்பமாக இருக்கிறீர்கள் என்று சொல்ல வேண்டும்’’ என்று நடிகை இலியானா எழுதியிருந்தார். இதன்மூலம் நடிகை இலியானா தான் கர்ப்பமாக இருப்பதை மறைமுக வார்த்தை விளையாட்டுக்கள் மூலம் உறுதிப்படுத்தியிருக்கிறார்.

நடிகை இலியானாவின் பதிவுக்கு நெட்டிசன்கள் பலரும் எதிர்வினையாற்றி வருகின்றனர். ஒரு பயனர், இலியானாவின் இரண்டாவது குழந்தை 2025ஆம் ஆண்டில் வருகிறது என்று கருத்து தெரிவித்தார்.

மற்றும் ஒரு பயனரோ, ‘’நேரடியாக ஏதாவது சொல்ல முடியாதா.. ஏன் இந்த சஸ்பென்ஸ்? நாம் சரியாக புரிந்து கொண்டோமா? என்று கேள்வி எழுப்புகிறார். நடிகை இலியானா இதன்மூலம், அந்தப் பதிவில் முழு விஷயத்தையும் மறைமுகமாக சொல்லி கொஞ்சம் சஸ்பென்ஸ் வைத்திருக்கிறார்.

ஆரம்பத்தில் இருந்தே சஸ்பென்ஸ் அணுகுமுறை:

நடிகை இலியானா தனது நீண்ட நாள் காதலர் மைக்கேல் டோலனை, அவரது திருமணத்துக்கு முன் பல சஸ்பென்ஸுக்குப் பின்னே சமூக வலைதளத்தில் அறிமுகப்படுத்தினார்.

2023ஆம் ஆண்டில், நடிகை இலியானா தான் திருமணம் செய்யாமலேயே கர்ப்பமாக இருப்பதாக அறிவித்தார். இதன்மூலம் இலியானாவின் பார்ட்னர் யார் என்பதை அறிய ரசிகர்கள் ஆர்வம் காட்டினர்.

பின்னர், மைக்கேல் டோலனின் முகத்தைக் காட்டாமல் சில புகைப்படங்களை வெளியிட்டு, குழப்பினார், இலியானா. இதனால் அந்த நபர் யார் என்ற விவாதம் எழுந்தது. சிறிது காலம் கழித்து இறுதியாக மைக்கேல் டோலனை உலகிற்கு அறிமுகப்படுத்தினார் இலியானா.

ஒரு நேர்காணலில், இலியானா தனது கணவர் டோலன் கடினமான காலங்களில் தனக்கு மிகவும் ஆதரவாக இருந்தார் என்று கூறியிருந்தார்.

ஆகஸ்ட் 1, 2023 அன்று பீனிக்ஸ் டோலன் என்று பெயரிடப்பட்ட ஆண் குழந்தையைப் பெற்றெடுத்த இலியானா, அக்குழந்தையுடன் இருக்கும் புகைப்படங்களை சமூக ஊடகங்களில் அடிக்கடி பகிர்ந்து, தான் குழந்தையுடனான உன்னத நினைவுகளை சமூக வலைதளங்களில் எழுதுவார். இந்நிலையில் நடிகை இலியானா இரண்டாவது முறையாக கர்ப்பம் தரித்திருப்பது அவரை இன்னும் மகிழ்ச்சியில் ஆழ்த்தும் என்பதில் எள் அளவிலும் சந்தேகமில்லை.

மேலும் படிக்க: நண்பன் படத்தின் கதை என்ன?

மேலும் படிக்க; நடிகை இலியானா யார்?

மேலும் படிக்க: நடிகை இலியானாவின் சுவாரஸ்யமான பேட்டி

புகழின் உச்சியில் இருந்த இலியானா:

ஒரு காலத்தில் தமிழ், தெலுங்கு சினிமாவில் கோலோச்சிய நடிகை இலியானா, அதன்பின் பாலிவுட்டுக்குச் சென்றார். போர்த்துக்கீசிய மொழிப்படங்களிலும் நடித்து வருகிறார்.

இலியானா ஒரு காலத்தில் டோலிவுட்டில் நட்சத்திர ஹீரோயின் ரேஞ்சில் சேர்ந்து, பின்னர் பாலிவுட்டுக்கு சென்றார். இவர் கடைசியாக கடந்த ஆண்டு தோ அவுர் தோ பியார் என்னும் இந்தி படத்தில் நடித்திருந்தார். இந்நிலையில் இரண்டாவது குழந்தைக்கு தாயாகப்போகும் நடிகை இலியானா, சிறிது காலம் சினிமாவுக்கு பிரேக் எடுப்பார் என அறியப்படுகிறது.