வகையினம்

தமிழ் செய்திகள் / பொழுதுபோக்கு / Kanguva: ரூ. 200 கோடிக்கு மேல் நஷ்டம்.. எதிர்மறை விமர்சனங்களை மீறி ஆஸ்கர் ரேஸில் கங்குவா இடம்பிடித்தது எப்படி?

Kanguva: ரூ. 200 கோடிக்கு மேல் நஷ்டம்.. எதிர்மறை விமர்சனங்களை மீறி ஆஸ்கர் ரேஸில் கங்குவா இடம்பிடித்தது எப்படி?

Muthu Vinayagam Kosalairaman HT Tamil Updated Jan 09, 2025 07:10 PM IST

எங்களை பின் தொடரலாம்

Muthu Vinayagam Kosalairaman HT Tamil

Updated Jan 09, 2025 07:10 PM IST

Kanguva in Oscar: பாக்ஸ் ஆபிஸில் ரூ. 200 கோடிக்கும் மேல் நஷ்டமடைந்த கங்குவா படம், ஆஸ்கர் ரேஸில் இடம்பிடித்திருப்பது பலருக்கு ஆச்சர்யம் அளிப்பதாகவே உள்ளது. இந்த படம் ஆஸ்கர் ரேஸில் இடம்பிடித்திருக்கும் பின்னணியை பார்க்கலாம் 2025

ரூ. 200 கோடிக்கு மேல் நஷ்டம்.. எதிர்மறை விமர்சனங்களை மீறி ஆஸ்கர் ரேஸில் கங்குவா இடம்பிடித்தது எப்படி?

எங்களை பின் தொடரலாம்

சூர்யா நடிப்பில் மிக பெரிய எதிர்பார்ப்புடன் வெளியான கங்குவா படம் எதிர்மறையான விமர்சனங்களால் படுதோல்வியை சந்தித்து. ஆனால் கடந்த இரு நாள்களுக்கு முன் ஆஸ்கர் விருதுக்கான பரிந்துரை லிஸ்டில் இந்த படம் இடம்பிடித்திருந்தது அனைவரையும் ஆச்சர்யத்தில் ஆழ்த்தியது.

பல்வேறு பிரிவுகளில் விருதுக்காக போட்டியிடும் 323 படங்கள் லிஸ்டை ஆஸ்கர் விருது கமிட்டி வெளியிட்டது. இதில் சிறந்த படத்துக்கான போட்டி பிரிவில் இடம்பிடித்திருக்கும் 207 படங்களில் சூர்யாவின் கங்குவா படமும் இருந்தது. இந்த படத்துடன் மலையாளத்தில் ப்ருத்விராஜ் நடிப்பில் வெளியான ஆடுஜீவிதம், இந்தி படமான சந்தோஷ் உள்பட சில இந்திய படங்களும் இந்த லிஸ்டில் இருந்தன

ஆஸ்கர் ரேஸில் கங்குவா வந்தது எப்படி

ஆஸ்கர் விருதுக்கான போட்டியில் சிறந்த வெளிநாட்டு மொழி திரைப்பட விருதுக்கான பிரிவில், இந்தியா சார்பில் அதிகாரப்பூர்வாக தேர்வு செய்யப்பட்ட படமாக லபாட்டா லேடீஸ் படம் உள்ளது. ஆனால் ஆஸ்கர் விருதுக்கான பிற பிரிவுகளுக்கான போட்டியில் பல ஆயிரம் டாலர்களை கட்டணமான செலுத்தி, விண்ணப்பிக்கலாம். இந்த வழிமுறையை பின்பற்றி சிறுத்தை சிவா இயக்கித்தில் சூர்யா நடித்த கங்குவா படம் ஆஸ்கர் ரேஸுக்கு விண்ணப்பிக்கப்பட்டு இருக்கிறது.

வாக்கெடுப்பு மூலம் தேர்வு

இப்போது நீண்ட பட்டியலில் உள்ள படங்களை இறுதிச் சுற்றுக்காக சுருக்கக் கூடிய ஆஸ்கர் பரிந்துரைப் பட்டியல் தேர்வுக்கான வாக்கெடுப்பு ஜனவரி 8 முதல் ஜனவரி 12 நடைபெறவுள்ளது. இதன் பின்னர் ஜனவரி 17ஆம் தேதி சிறந்த படம் ஆஸ்கர் விருதுக்கான பரிந்துரை பட்டியல் வெளியிடப்படும்.

இதற்கிடையே தோல்வி படமான கங்குவா உலகின் கெளரமிக்க விருதாக கருதப்படும் ஆஸ்கர் ரேஸில் இடம்பிடித்திருப்பதையே பெருமையாக கருதுகிறார்கள். இந்த லிஸ்டில் இடம்பிடித்திருப்பதன் மூலம் படம் உலக அளவில் தமிழ் சினிமாக்களின் மீதான கவனத்தை பெற வைக்கும் என சூர்யாவின் ரசிகர்கள் கருத்துகளை பகிர்ந்து வருகிறார்கள்.

கங்குவா படம்

பேண்டஸி ஆக்‌ஷன் த்ரில்லர் பாணியில் உருவாகியிருக்கும் கங்குவா படம் கடந்த ஆண்டு நவம்பர் மாதம் பான் இந்தியா படமாக ரிலீஸ் ஆனது. ஆனால் படத்தின் முதல் நாளில் இருந்த வெளியான எதிர்மறையான விமர்சனங்ளால் பாக்ஸ் ஆபிஸ் வசூலில் சறுக்கியது. ரூ. 350 கோடி பட்ஜெட்டில் பிரமாணடமாக உருவான இந்த படம் ரூ. 100 கோடி வரை மட்டுமே வசூலித்துள்ளது. படம் ஒரு மாதத்துக்கு பின்னர் ஓடிடியில் வெளியான நிலையில், அதிலும் பெரிய தாக்கத்தை ஏற்படுத்த தவறியது.

ஆஸ்கருக்கு தேர்வான தமிழ் படங்கள்

இந்த ஆண்டுக்கான ஆஸ்கர் விருது 97வது ஆஸ்கர் விருதாக இருந்து வரும் நிலையில் மார்ச் 3ஆம் தேதி விருது நிகழ்ச்சி நடைபெற உள்ளது. இந்த ஆண்டின் ஆஸ்கர் விருதுக்கு இந்தியா சார்பில் மொத்தம் 29 படங்கள் பரிந்துரை லிஸ்டில் இடம்பிடித்தன. இதில் வாழை, ஜமா, கொட்டுக்காளி, ஜிகர்தண்டா 2, தங்கலான், மகாராஜா என ஆறு படங்கள் இடம்பிடித்திருந்தன. ஆனால் இந்தியா சார்பில் ஆஸ்கருக்கு பாலிவுட் படமான லபாட்ட லேடீஸ் அனுப்பப்பட்டுள்ளது.

இதற்கிடையே தமிழிலில் இருந்து முதல் முறையாக ஆஸ்கர் சென்ற படமாக சிவாஜி கணேசன் நடித்து 1969இல் வெளியான தெய்வமகன் படம் உள்ளது. இதன்பின்னர் 1987இல் கமல்ஹாசன் நடிப்பில் வெளியான நாயகன், 1990இல் மணிரத்னம் இயக்கிய அஞ்சலி, 1992இல் கமல்ஹாசன் நடித்த தேவர் மகன், 1995இல் கமல்ஹாசன் நடித்து வெளியான குருதிப்புனல், 1996இல் கமல்ஹாசன் நடித்த இந்தியன், 1998இல் பிரசாந்த் நடித்த ஜீன்ஸ், 2000ஆவது ஆண்டில் கமல்ஹாசன் நடித்த ஹேராம், 2016இல் வெற்றிமாறன் இயக்கிய விசாரணை, 2019இல் பார்த்திபன் இயக்கிய ஒத்த செருப்பு ஆகிய படங்கள் உள்ளன.