கெனிஷாவுடன் மாலையும் கழுத்துமாக பூஜை.. பின் ரவி மோகன் எடுத்த புதிய அவதாரம்.. என்ன நடக்கிறது?

ரவி மோகன் ஸ்டூடியோஸ்

பின், நேற்று ஜூன் 5 ஆம் தேதி வியாழக்கிழமை, ரவி தனது புதிதாகத் தொடங்கப்பட்ட ஸ்டுடியோ, ரவி மோகன் ஸ்டுடியோஸின் லோகோவையும் அறிமுகப்படுத்தினார். "இந்த சுப தினத்தில், #RaviMohanStudios இன் லோகோவை வெளியிடுவதில் மகிழ்ச்சி அடைகிறேன்!!! விரைவில் உற்சாகமான புதுப்பிப்புகள் வரும்... காத்திருங்கள் @Ravimohanstudios," என்றார்.

மேலும் படிக்க| ஆமீர் கானுக்கு சூப்பர் ஹீரோ சப்ஜெக்ட்டை தயார் செய்யும் லோகி.. எல்சியூவில் இணைகிறாரா ஆமீர் கான்?

அந்தப் பதிவில், நீல பின்னணியில் ஒரு பொன்னிற சிங்கத்தின் லோகோவைப் பகிர்ந்து கொண்டார். ரசிகர்கள் அவரது பதிவில் வாழ்த்துச் செய்திகளை அனுப்பி, அவரது ஸ்டுடியோ புதிய திறமைகளை அறிமுகப்படுத்தும் என்று நம்பிக்கை தெரிவித்தனர்.

திருமணமும்- விவாகரத்தும்

கடந்த ஆண்டு செப்டம்பரில் ரவி தனது மனைவி ஆர்த்தி ரவியிடமிருந்து பிரிந்து வாழ உள்ளதாக அறிவித்தார். இந்த தம்பதியினர் 2009 ஆம் ஆண்டில் திருமணம் செய்து கொண்டனர். இவர்களுக்கு இரண்டு மகன்கள் உள்ளனர். ரவியின் பிரிவு அறிவிப்பு தனக்கு அதிர்ச்சியை அளித்ததாக ஆர்த்தி கூறினார்.

அவதூறு கருத்துகள்

இது தொடர்பான கருத்துகள் ரவி மற்றும் ஆர்த்தி தரப்பு தொடர்ந்து சமூக ஊடகங்களிலும், நீதிமன்றத்திலும் கையாண்டு வந்த நிலையில், நடிகர் ரவி மோகன் மற்றும் அவரது தோழியும் பாடகியுமான கெனிஷா பிரான்சிஸ் இணைந்து சமீபத்தில் சென்னையில் நடந்த தயாரிப்பாளர் ஐசரி கணேஷின் மகளின் திருமணத்தில் கலந்து கொண்டது பிரச்சனையை மேலும் பெரிது படுத்தியது.

மேலும் படிக்க| தக் லைஃப் பட பாக்ஸ் ஆபிஸ்: கர்நாடக எதிர்ப்பும் மக்களின் ஆதரவும்.. முதல் நாளில் தக் லைஃப் வசூல் என்ன?

நீதிமன்றம் கண்டனம்

கெனிஷா தான் தங்கள் உறவைப் பிரித்தார் என்றும் ரவி மோகன் சொல்லும் காரணங்கள் அத்தனையும் பொய் எனக் கூறியதோடு, ரவிமோகனிடம் அடுக்கடுக்கான கேள்விகளையும் எழுப்பினார். இவர்கள் இருவரின் சமூக வலைதள பதிவுகளால் கடுப்பான நீதிமன்றம் இதுபற்றி இருவரும் பொது வெளியில் பேசக் கூடாது எனக் கூறினர்.

ஆர்த்தியின் கோரிக்கை

இதையடுத்து, ஆர்த்தி ரவி தனக்கு ஜீவனாம்சம் மற்றும் மாத செலவுகளுக்காக 40 லட்சம் வழங்க வேண்டும் என நீதிமன்றத்தில் வாதிட்டது பெரும் பேசுபொருளானது. இத்தகைய சூழலில் ரவி மோகனும் கெனிஷாவும் இணைந்து தற்போது தயாரிப்பு நிறுவனத்தை தொடங்கியுள்ளனர்.