தொடங்கிய திருமண வைபோகம்.. பன் கொண்டை, "கிட்டி" பெயர் பொறித்த ஆடை - மணப்பெண்ணாக மாறும் கீர்த்தி சுரேஷ்

சமீபத்தில் கீரித்தியின் திருமண பத்திரிகை ஒன்று சமூக வலைத்தளங்களில் வைரலானது. அதில் "உறவினர்கள் மற்ரும் நெருக்கமானவர்கள் பங்கேற்க எங்கள் மகளுக்கு டிசம்பர் 12ஆம் திருமணம் நடைபெறவுள்ளது என்பதைத் தெரிவித்துக் கொள்வதில் மகிழ்ச்சி அடைகிறோம். உங்கள் ஆசீர்வாதங்களை நாங்கள் உயர்வாகக் கருதுகிறோம், அவற்றை உங்கள் எண்ணங்களிலும் பிரார்த்தனைகளிலும் வைத்திருப்பீர்கள் என்று நம்புகிறோம்.

கீர்த்தி சுரேஷ் - ஆண்டனி தாட்டில் ஆகியோர் ஒன்றாக இணைந்து தங்கள் வாழ்க்கையின் புதிய அத்தியாயத்தைத் தொடங்க உங்கள் ஆசீர்வாதங்களைப் பொழிய வேண்டுகிறோம். அன்புடன் அன்புடன் ஜி சுரேஷ் குமார் மற்றும் மேனகா சுரேஷ் குமார்" என குறிப்பிடப்பட்டிருந்தது

இதையடுத்து முன்னணி நடிகையாக இருந்து வரும் கீர்த்தி சுரேஷை திருமணம் செய்ய போகும் ஆண்டனி தட்டில், கேரளாவில் புகழ் பெற்ற ரிசார்ட் செயின்களின் உரிமையாளராக இருந்து வருகிறார்.

கீர்த்தி - ஆண்டனி உறவு

கடந்த இரு வாரங்களுக்கு முன்னர் ஆண்டனி தட்டில் உடனான தனது உறவை இன்ஸ்டா பதிவு மூலம் உறுதிபடுத்தினார் கீர்த்தி சுரேஷ். தீபாவளி இருவரும் ஜோடியாக இணைந்து பட்டாசு வெடிக்கும் புகைப்படத்தை பகிர்ந்து, "15 ஆண்டும் மற்றும் மேலும் எண்ணிக்கொண்டிருக்கிறோம். எப்போது AntoNY x KEerthy என்ற குறிப்பிட்டு ஸ்மைல் எமோஜியும் பகிர்ந்திருந்தார்.

கல்லூரி காலத்தில் இருந்தே இவர்கள் இருவரும் பழகி வரும் நிலையில், தற்போது மணமக்கள் ஆக இருக்கிறார்கள். திருமணத்துக்கு பின்பு கீர்த்தி படங்களில் நடிப்பாரா அல்லது கணவருடன் பிஸினஸ் என்று பிஸியாகி விடுவாரா என்பது குறித்து தகவல் எதுவும் தெரியவில்லை. 2024ஆம் ஆண்டு நிறைவடைய இருக்கும் தருவாயில் ஸ்டார் தம்பதிகளாக ஜொலிக்கவுள்ளார்கள் கீர்த்தி - ஆண்டனி ஜோடி. அதுவும் சூப்பர் ஸ்டார் ரஜினிகாந்த் பிறந்தநாளான டிசம்பர் 12ஆம் தேதி இவர்களின் திருமணம் நடைபெற இருப்பது மற்றொரு சிறப்பான விஷயமாக அமைந்துள்ளது.