கடற்கரை டூ கல்யாணமண்டபம்.. ரெட்ரோ 15 நிமிட சிங்கிள் ஷாட் காட்சி எடுக்கப்பட்டது எப்படி தெரியுமா? -கார்த்திக் பேட்டி!

நான் ஜிகர்தண்டா திரைப்படத்திலும், மகான் திரைப்படத்திலும் அதை முயற்சி செய்திருந்தேன். ஒரு கட்டத்தில் படங்களில் சிங்கிள் ஷாட் வைக்க வேண்டும் என்று வைக்காமல், அதற்கு ஒரு வலுவான காரணம் இருந்தால் மட்டும் அதனை பயன்படுத்தலாம் என்று நினைத்திருந்தேன்.

மேலும் படிக்க | ரெட்ரோ விமர்சனம்: ‘புண்ணுக்கு மருந்தா.. பார்வைக்கு விருந்தா?’ சூர்யாவுக்கு ‘கம் பேக்’ தருமா ரெட்ரோ?

உண்மையில் ரெட்ரோ திரைப்படத்தில் இடம் பெற்ற அந்த கல்யாண மண்டப காட்சியானது முதலில் சிங்கள் ஷாட்டாக எடுப்பதற்கான திட்டம் இல்லை. அந்தக்காட்சி 2 சீன்களாகத்தான் இருந்தது; அதாவது, முதலில் கல்யாணத்துக்கான வரவேற்பு நிகழ்ச்சி நடக்கும். அப்படியே அங்கு கனிமா பாடல் தொடங்கும். அதன் பின்னர் சூர்யாவும் அவர் அப்பாவும் பேசிக்கொள்வார்கள்; அதன் பின்னர் சண்டை என்பதாகத்தான் எழுதப்பட்டிருந்தது.

மீண்டும் அந்தக்காட்சியை எழுதும் பொழுது, தான் காதலித்த பெண்ணை கல்யாணம் செய்து கொண்டு எல்லாவற்றையும் விட்டுவிட்டு சந்தோஷமாக வாழ நினைக்கும் ஒருவனை வாழ்க்கை எந்த கட்டத்திற்கும் கொண்டு செல்லும் என்பதை விளக்கும் விதமாக அந்த காட்சி எனக்கு பட்டது. அந்தக்காட்சி படத்தில் 15 நிமிடமாக வரவேண்டும் என்று திட்டமிட்டு இருந்தேன்.

இந்த நிலையில்தான் அந்த காட்சியை 15 நிமிட சிங்கள் ஷாட்டாக எடுத்து விடலாமே என்று தோன்றியது. காரணம், அதன் பின்னர் அந்த காட்சியில் நடக்கும் பிரச்சினைகளை சரிசெய்வதற்கான காட்சிகள்தான் அடுத்தடுத்து நடக்கும். ஆகையால், அது சிங்கள் ஷாட்டாக எடுக்கப்படலாம் என்று தோன்றியது.

முதலில் அந்தக் காட்சியை நாங்கள் கடற்கரையில் தான் எடுக்கலாம் என்று நினைத்திருந்தோம். ஆனால், கடற்கரையில் எடுக்கும் பொழுது எல்லாமே அருகருகே இருக்கும். அப்படி எடுக்கப்படும் பொழுது கேமரா மூவ்மெண்ட் அனைத்தும் ஒரே ஃப்லோவில் இருக்கும்.

மேலும் படிக்க | “நல்ல நேரம் ஆரம்பம்" ரெட்ரோ பட வெற்றியால் மகிழ்ச்சியில் இருக்கும் இயக்குனர் கார்த்திக் சுப்புராஜ்!

ஆனால், எனக்கு மாடிக்குச் சென்று திரும்பி வந்து காட்சி எடுக்கப்பட வேண்டும் என்ற எண்ணம் இருந்தது. அதனை தொடர்ந்துதான் கல்யாண மண்டபத்தில் காட்சியை எடுக்கலாம் என்று முடிவு எடுத்தேன். அதற்கு ஏற்றப்படியான மண்டபத்தையும் தேடினோம்.

அந்தக் காட்சியை எடுக்கும் பொழுது எல்லோருமே உற்சாகமாக இருந்தார்கள். காரணம் சவால்கள் தானே எதையும் உற்சாகமாக மாற்றும். அந்தக்காட்சிக்காக தொழில்நுட்ப குழு முதலில் சென்று ஒத்திகை பார்த்தது. அதன் பின்னர் நடிகர்கள் அனைவரும் சேர்த்து ஒத்திகை பார்த்தோம். தொடர்ந்து காட்சிகளுக்கான ஆடைகள் அனைத்தையும் போட்டுக்கொண்டு மீண்டும் ஒரு முறை ஒத்திகை பார்த்தோம். அதன் பின்னர்தான் அந்தக்காட்சி எடுக்கப்பட்டது’ என்று பேசினார்.