'தெளிவான மனசாட்சியுடன் கூறுகிறேன்..' கன்னட மொழி விவகாரத்தில் வைரலாகும் கமல் எழுதிய கடிதம்..
கமலின் கன்னட மொழி கருத்து நாளுக்கு நாள் அதிகப்படியான சர்ச்சைகளை சந்தித்து வரும் நிலையில், கமல் கர்நாடக திரைப்பட வர்த்தக சபைக்கு கடிதம் ஒன்றை எழுதியுள்ளார்.
கமலின் கன்னட மொழி கருத்து நாளுக்கு நாள் அதிகப்படியான சர்ச்சைகளை சந்தித்து வரும் நிலையில், கமல் கர்நாடக திரைப்பட வர்த்தக சபைக்கு கடிதம் ஒன்றை எழுதியுள்ளார். அந்தக் கடிதத்தில், கர்நாடக மக்கள் மீது ஆழ்ந்த மரியாதையுடன், நான் நேர்மையுடன் பின்வருவனவற்றை வழங்குகிறேன் எனக் கூறி தன் கருத்துகள் குறித்த விளக்கங்களை அளித்துள்ளார்.
வேதனை அளிக்கிறது
"புகழ்பெற்ற டாக்டர் ராஜ்குமாரின் குடும்பத்தினர், குறிப்பாக சிவ ராஜ்குமார் மீது உண்மையான பாசத்துடன் பேசப்பட்ட தக் லைஃப் ஆடியோ வெளியீட்டு விழாவில் நான் கூறியது தவறாகப் புரிந்து கொள்ளப்பட்டு, சூழலில் இருந்து எடுக்கப்பட்டது எனக்கு வேதனை அளிக்கிறது. நான் சொன்ன வார்த்தைகள், நாம் அனைவரும் ஒரே குடும்பத்தைச் சேர்ந்தவர்கள் என்பதையும், கன்னடத்தை எந்த வகையிலும் குறைத்து மதிப்பிடுவது அல்ல என்பதையும் மட்டுமே வெளிப்படுத்தும் நோக்கம் கொண்டவை. கன்னட மொழியின் வளமான பாரம்பரியத்தில் எந்த சர்ச்சையோ விவாதமோ இல்லை.