சத்தமில்லாமல் ஓடிடிக்கு பார்சலான தக் லைஃப்.. எங்கு, எப்போது பார்க்கலாம்! இதுவரையிலான பாக்ஸ் ஆபிஸ் வசூல்

மேலும் படிக்க: ரஜினியத்தான் பிடிக்கும்.. நானும் அவரும் சேர்ந்து நடிக்க வேண்டிய படம் முள்ளும் மலரும்! கமல்ஹாசன் பேட்டி

தக் லைஃப் ஓடிடி டீல்

தக் லைஃப் திரைப்படம் பாக்ஸ் ஆபிஸில் தோல்வியடைந்ததால், தயாரிப்பாளர்கள் தரப்பில் ஏராளமான நிதி இழப்பு ஏற்பட்டுள்ளது. படத்தின் வசூல் லாபகரமானதாக அமையாத நிலையில், ஒப்பந்தத்துக்கு மாறாக, படத்தை முன்கூட்டியே ஓடிடியில் கொண்டு வந்ததற்காக வடமாநில விநியோகஸ்தர்களுக்கு ரூ. 25 லட்சம் இழப்பீடு வழங்க வேண்டியிருந்தது.

இதை தவிர, நெட்ஃபிக்ஸ் நிறுவனத்தாரும், தயாரிப்பாளர்களுடன் முன்பு கையெழுத்திட்ட ஒப்பந்தத்தை வெகுவாக குறைத்துள்ளது. படம் வெளியாவதற்கு முன்பு ரூ. 135 கோடி ஒப்பந்தம் கையெழுத்தானதாக கூறப்பட்ட நிலையில், ரிலீசுக்கு பின் எதிர்மறையான விமர்சனங்களைப் பெற்றது மற்றும் பாக்ஸ் ஆபிஸில் தோல்வியடைந்தது, தற்போது ரூ. 110 கோடியாக குறைத்ததாக சொல்லப்படுகிறது.

நெட்ஃபிக்ஸ் உண்மையில் ரூ. 90 கோடி மட்டுமே செலுத்துவதாகத் தெளிவுபடுத்தியிருந்தாலும், தயாரிப்பாளர்கள் அதை ரூ. 110 கோடியாக உயர்த்திதாகவும் பேசப்படுகிறது.திரையரங்குகளில் பேரழிவை ஏற்படுத்திய தக் லைஃப் திரைப்படம் நெட்ஃபிளிக்ஸில் வரவேற்பை பெறுமா என்கிற எதிர்பார்ப்பும் ஏற்பட்டுள்ளது. மாறாக திரையரங்கு ரிலீஸ் போல் ஓடிடியிலும் எதிர்மறையான விமர்சனங்களைப் பெறுமா என்பதை பொறுத்திருந்து தான் பார்க்க வேண்டும்.

மேலும் படிக்க: பப்ளிசிட்டிக்காக பேசினா படத்தை தடை செய்வீங்களா.. தக் லைஃப் பட விவகாரம்.. உச்சநீதிமன்றம் சரமாரி கேள்வி

தக் லைஃப் பாக்ஸ் ஆபிஸ்

கமல்ஹாசன், சிம்பு, த்ரிஷா, அபிராமி, ஐஸ்வர்யா லட்சுமி, ஜோஜு ஜார்ஜ், நாசர், சஞ்சனா கிருஷ்ணமூர்த்தி உள்பட பெரும் நட்சத்திர பட்டாளமே நடித்து வெளியாகியிருக்கும் தக் லைஃப் படம் சுமார் ரூ. 200 கோடிக்கு மேல் பட்ஜெட்டில் உருவாகியுள்ளது. இதையடுத்து படம் ரிலீசாக ஒரு மாதம் நெருங்கியிருக்கும் நிலையில் தற்போது வரை ரூ. 97 கோடி வரை வசூலித்திருப்பதாக பாக்ஸ் ஆபிஸ் வசூல் நிலவரங்களை வெளிப்படுத்தும் sacnilk.com தெரிவித்துள்ளது.

கமல்ஹாசனின் முந்தைய படமான இந்தியன் 2 பாக்ஸ் ஆபிஸில் தோல்வியை சந்தித்த நிலையில், தற்போது தக் லைஃப் படமும் தோல்வியடைந்துள்ளது.

மேலும் படிக்க: ஆஸ்கர் குழு.. கமல்ஹாசன், ஆயுஷ்மான் குர்ரானாவுக்கு அழைப்பு 

தக் லைஃப் ரிலீசுக்கு முன் புரொமோஷன் நிகழ்ச்சியின் போது கன்னட மொழி குறித்து கமல்ஹாசன் பேசியது சர்ச்சைக்குள்ளான நிலையில், படத்தின் ரிலீசுக்கு கன்னட அமைப்புகளால் எதிர்ப்பு தெரிவிக்கப்பட்டது. இதனால் தக் லைஃப் படம் கர்நாடக மாநிலத்தில் ரிலீசாகவில்லை.