தக் லைஃப் படத்திற்கு முட்டுக்கட்டைப்போடும் கர்நாடகா.. நீதிமன்றம் நாடிய கமல்ஹாசன்! - மனுவில் குறிப்பிட்டது என்ன?

சென்னையில் நடந்த தக் லைஃப் ஆடியோ வெளியீட்டு விழாவில் பேசிய கமல்ஹாசன் ‘கன்னடம் தமிழில் இருந்து பிறந்தது" என்று கூறினார். இவரது பேச்சு சர்ச்சையை ஏற்படுத்திய நிலையில், கர்நாடகாவில் கமலுக்கு எதிராக போராட்டம் நடத்தப்பட்டன. தக் லைஃப் பேனர்கள் கிழிக்கப்பட்டன. கமலின் புகைப்படம் எரிக்கப்பட்டன.

மேலும் படிக்க | ’நான் மன்னிப்பு கேட்க மாட்டேன்’ மநீம தலைவரும், நடிகருமான கமல்ஹாசன் பேட்டி!

கமல்ஹாசனின் பேச்சுக்கு கர்நாடக திரைப்பட வர்த்தக சபை (கே.எஃப்.சி.சி) கர்நாடக ரக்ஷன வேதிகே அமைப்பு உட்பட பல அமைப்புகள் கமல்ஹாசனை மன்னிப்புக்கேட்க கோரியது. ஆனால், கமல்ஹாசன் மன்னிப்புகேட்க மறுத்து, அரசியல் வாதிகள் மொழிப்பிரச்சினையில் தலையிட வேண்டாம். அன்பு ஒரு போது மன்னிப்புக் கேட்காது என்றார். அதனைதொடர்ந்து கர்நாடகாவில் தக் லைஃப் படத்திற்கு தடை விதிக்கப்பட்டது.

அண்மையில், சென்னையில் உள்ள திமுக தலைமை அலுவலகத்திற்கு வெளியே செய்தியாளர்களிடம் இந்த விவகாரம் குறித்து பேசும் போதும் அவர் மன்னிப்புக்கேட்க மறுத்து விட்டார். ‘ இது ஜனநாயகம். நான் சட்டம் மற்றும் நீதியை நம்புகிறேன். கர்நாடகா, ஆந்திரா, கேரளா ஆகிய மாநிலங்கள் மீது நான் வைத்திருக்கும் பாசம் உண்மையானது; நல்லெண்ணம் கொண்ட யாரும் அதை சந்தேகிக்க மாட்டார்கள். நான் தவறு செய்திருந்தால் மன்னிப்பு கேட்டுக் கொள்கிறேன். இல்லையென்றால் மாட்டேன் என்றார் கமல்ஹாசன்.

கடந்த காலங்களில் இதேபோன்ற அச்சுறுத்தல்களை எதிர்கொண்டு இருக்கிறேன். ஆனால் அரசியல் அழுத்தம் அல்லது உணர்ச்சி ரீதியான வற்புறுத்தலுக்கு அடிபணிய மாட்டேன் என்று கூறினார்.