‘காசே வாங்காது பண்ணித்தர்றேன்னாரு.. யோகி பாபுவுக்கு எந்தக்காலத்திலும் மனச்சோர்வு வரக்கூடாது’: கலைப்புலி எஸ். தாணு

‘ஜோரா கையத் தட்டுங்க’ என்னும் படத்தினுடைய முன்னோட்டமும் பாடல்களும் ஏற்கனவே கண்டுகளித்து பேருவுவகை கொண்டேன். நீங்கள் இப்போது பார்த்திருப்பீர்கள். கண்டுகளித்திருப்பீர்கள்.

மேலும் படிக்க: ஆற்றில் குளிக்கும் போது பறிபோன உயிர்.. ‘ஜூனியர் நடிகர் இறந்தது காந்தாரா படப்பிடிப்பில் அல்ல’ - படக்குழு விளக்கம்!

’யோகிபாபு நல்ல மனிதர்’: கலைப்புலி எஸ்.தாணு

எல்லோருக்கும் நல்லவனாகத் தான் தம்பி யோகிபாபு இருக்கிறார். எந்தச்சூழ்நிலையிலும் நான் ஒரு போன் பண்ணினால், என்ன செய்யணும்னுவார். புரொடியூசருக்கு ஒரு நாள் எக்ஸ்ட்ரா டேட் கொடுப்பாங்க.

காசே வாங்காது பண்ணித்தர்றேன்னாரு. அப்படிப்பட்ட ஒரு நல்ல மனிதர் தம்பி யோகி பாபு.

அப்படிப்பட்ட யோகி பாபுவுக்கு எந்தக்காலத்திலும் மனச்சோர்வு வரக்கூடாது. எந்தச்சூழ்நிலையிலும் மனச்சோர்வு வரக்கூடாது. ஏனென்றால், யோகி பாபு திரையுலகுக்கு அவசியம் தேவை.

’ஜோரா கையத்தட்டுங்க’ என்கிற இந்தத் திரைப்படம் பிரமாதமான கமர்சியல் திரைப்படம். ’ஜோரா கையைத்தட்டுங்க’,திரைப்படத்தின் இயக்குநரும் படத்தின் தயாரிப்பாளரும் அடிக்கடி எங்கள் அலுவலகத்துக்கு வருவாங்க.

மேலும் படிக்க: ‘சிலை வச்சதே பெரிய விஷயம் அதுக்குள்ள மணிமண்டபமா?’ - சிவாஜி சிலை திறப்பில் பிரபு எமோஷனல் பேச்சு!

’ஜோரா கையத்தட்டுங்க திரைப்படத்தயாரிப்பாளரின் பெயர் தெரியாது’: கலைப்புலி எஸ். தாணு

இந்த நிமிஷம் வரைக்கும் அவங்களுடைய பெயர் தெரியாது. உண்மையிலேயே தெரியாது. ஆனால், அவங்க வந்தால், வரவேற்று உபசரித்து என்ன செய்யணுமோ, அதைச்செய்து, வேணும்கிறதைப் பண்ணித்தருவேன்.

அந்தமாதிரி திரையுலகத்துக்கு மிகப்பெரிய நல்லது செய்யணும்கிறதுக்காக, முயற்சி எடுப்பதில் தம்பி தனஞ்ஜெயனும் ஒருத்தர். அப்படி எல்லோரும் நலம் பெறணும். வளம் பெறணும். இந்தப் படம் மாபெரும் வெற்றியடைய வாழ்த்துகள்’’ எனத் தெரிவித்துக்கொண்டார்.

மேலும் படிக்க: “நீ நடிகனா இருக்க லாயக்கு இல்ல" யோகி பாபுவை வெளுத்து வாங்கிய பட தயாரிப்பாளர்! பட விழாவிற்கு வராததால் கோபம்!

யோகி பாபுவைக் குறை கூறிய கஜானா திரைப்பட தயாரிப்பாளர்

முன்னதாக, சில நாட்களுக்கு முன்பு, கஜானா படத்தின் புரோமோஷன் நிகழ்ச்சிக்கு யோகி பாபு செல்லவில்லை. இதனை தயாரிப்பாளர் ராஜா கடுமையாக விமர்சித்தார். அப்போது பெரிதாகப்பேசப்பட்டது.

அந்த நிகழ்ச்சியில் அவர் பேசியதாவது, “ தற்போது தமிழ் சினிமாவில் இயக்குநர்கள், தயாரிப்பாளர்கள் போன்றவர்களுக்கு பஞ்சம் உள்ளது. இது ஒரு சிறந்த படமாக இருக்கும். வெளியான பின்னர் பெருமளவு பேசப்படும். இயக்குநர் சிறப்பாக இந்த படத்தினை எடுத்துள்ளார்” எனக் கூறினார்.

மேலும் ’யோகி பாபு வந்துள்ளாரா?’ எனக் கேள்வி கேட்டு விட்டு, ’அவர் வரவில்லை என்றால் அவருக்கு 7 லட்சம் போடவில்லை என்று அர்த்தம். இந்த 7 லட்சத்தை போட்டு இருந்தால் நிச்சயம் வந்து இருப்பார். இது ஒரு கேவலமான விஷயம். ஒரு நடிகனுக்கு இந்த பொறுப்பு இல்லையென்றால் நடிகனாக இருக்கவே லாயக்கு இல்லை" எனக் கடுமையாகத் திட்டினார்.

இந்நிலையில், நடிகர் யோகி பாபு குறித்து, முக்கியத் தயாரிப்பாளர்களில் ஒருவரான கலைப்புலி எஸ்.தாணு பேசியிருப்பது அவரைப் புகழும் வகையில் இருந்தது.