முள்ளும் மலரும் ஏன் அண்ணந் தங்கை பாசம் பற்றி பேசும் படம் கிடையாது தெரியுமா? மகேந்திரன் மகன் பேட்டி!
Published May 03, 2025 06:31 AM IST
இத்தனை பேர் சொல்லியும் அண்ணன்தான் வேண்டும் என்று என்னிடம் தங்கை ஓடி வந்து அனுமதி கேட்கிறாள் அல்லவா.. அந்த திமிரில் இந்த கல்யாணத்துக்கு நான் ஒத்துக் கொள்கிறேன் என்று காளி கூறுவான்.
முள்ளும் மலரும் ஏன் அண்ணந் தங்கை பாசம் பற்றி பேசும் படம் கிடையாது தெரியுமா? மகேந்திரன் மகன் பேட்டி!
ரஜினிகாந்த், ஷோபா, சரத்பாபு உள்ளிட்ட பலரது நடிப்பில் இயக்குநர் மகேந்திரன் இயக்கத்தில் 1978 ம் ஆண்டு வெளியான திரைப்படம் ‘முள்ளும் மலரும்’. பலரால் இன்று அண்ணன் தங்கை பாசத்திற்கு உதாரணமாக பார்க்கப்படும் இப்படம், அந்த ஜானர் படம் கிடையாது என்பது உங்களுக்குத் தெரியுமா? ஆம், இதனை படத்தின் இயக்குநர் மகேந்திரனே சொல்லி இருக்கிறார். இது குறித்து மகேந்திரனின் மகன் ஜான் மகேந்திரன் டூரிங் டாக்கீஸ் யூடியூப் சேனலுக்கு பேசி இருக்கிறார்.
என்ன சொல்கிறார் மகேந்திரன்?
இது குறித்து அவர் பேசும் போது, ‘முள்ளும் மலரும் படத்தை பார்க்கும் நபர்கள் அண்ணன் தங்கை பாசம் என்றால், முள்ளும் மலரும் திரைப்படம்தான் என்பார்கள்.