Jayam Ravi and Aarti Photo: இந்த புகைப்படத்தை எடுத்தது உங்கள் விஜய்! ரகசியம் பகிர்ந்த ஜெயம் ரவி மனைவி ஆர்த்தி
ஜெயம் ரவி - ஆர்த்தி தம்பதியனருக்கு போட்டோகிராபராக மாறிய தளபதி விஜய், அவர்களின் க்யூட்டான ரெமாண்டிக் தருணத்தை புகைப்படமாக எடுத்துள்ளார். இது பற்றிய ரகசியத்தை ஜெயம் ரவி மனைவி ஆர்த்தி பகிர்ந்துள்ளார். அத்துடன் ஜெயம் ரவியிடம் பிடித்த விஷயம், பிடிக்காதவை பற்றியும் ரசிகர்களிடம் உரையாடியுள்ளார்.
தமிழ் சினிமாவில் இளம் ஹீரோவாக இருப்பவர் ஜெயம் ரவி. இவர் 2009இல் ஆர்த்தி என்பவரை திருமணம் செய்தார். ஜெயம் ரவி - ஆர்த்தி தம்பதியனருக்கு இரண்டு மகன்கள் உள்ளார்கள்.
இதையடுத்து ஜெயம் ரவி மனைவி ஆர்த்தி இன்ஸ்டா ஸ்டோரியில், கணவர் ரவியுடன் இருக்கும் க்யூட் புகைப்படம் ஒன்றை பகிர்ந்துள்ளார். இதற்கு லைக்குகள் குவிந்த நிலையில், இந்த புகைப்படத்தின் ரகிசியத்தையும் பகிர்ந்துள்ளார்.
விஜய் எடுத்த புகைப்படம்
ஜெயம் ரவி சிரித்தவாறு இருக்க அவரது மடியில், ஆர்த்தி அமர்ந்து தனது வாயை மூடியவாறு வெட்க புன்னகை உதிர்ப்பது போல் இருக்கும் இந்த புகைப்படத்தை தளபதி விஜய் தான் கிளிக் செய்துள்ளாராம். எங்கு, எப்போது என்பதை தெரிவிக்கவில்லை என்றாலும், சரியான ரெமாண்டிக் தருணத்தில் இந்த புகைப்படம் க்ளிக் செய்யப்பட்டிருக்கிறது. அனைவரின் கண்களையும் கவர்ந்த இந்த புகைப்படம் குறித்த இந்த ரகசியம் இது என்ற ஆர்த்தி தெரிவித்துள்ளார்.