Kaavaalaa Song: காவாலா பாட்டுக்கு டான்ஸ் ஆடி அசத்திய ஜப்பான் நாட்டு தூதர்!
”செவ்வாய்க்கிழமை நிலவரப்படி இப்படம் உலகம் முழுவதும் 416 கோடி ரூபாய் வசூலித்து உள்ளது”
ஜெயிலர் படத்தை நெல்சன் திலீப்குமார் இயக்கி உள்ளார். முத்துவேல் பாண்டியனாக, ரஜினிகாந்தின் கதாபாத்திரங்கள் ஜெயிலரில் ஒரு புதிய சாதனை படைத்து இருக்கிறது.
இப்படத்தில் மோகன் லால், சிவராஜ்குமார், ஜாக்கி ஷெராப் ஆகியோர் கெஸ்ட் ரோலில் நடித்துள்ளனர். ரஜினியின் மனைவியாக ரம்யா கிருஷ்ணா நடித்துள்ளார். தமன்னா மற்றும் சுனில் முக்கிய வேடங்களில் நடித்துள்ளனர். ஜெயிலர் படத்தை சன் பிக்சர்ஸ் தயாரித்துள்ளது.
சூப்பர் ஸ்டார் ரஜினிகாந்தின் ஜெயிலர் திரைப்படம் பாக்ஸ் ஆபிஸில் சாதனை செய்து வருகிறது. படம் வெளியாகி ஆறு நாட்களில் இப்படம் 100 கோடி கிளப்பில் நுழைந்தது. செவ்வாய்க்கிழமை நிலவரப்படி இப்படம் உலகம் முழுவதும் 416 கோடி ரூபாய் வசூலித்து உள்ளது.
ஜெயிலர் படம், கமல் ஹாசனின் பரபரப்பான பிளாக் பஸ்டர் திரைப்படமான விக்ரம் படத்தின் ஆல் டைம் வசூலை வெறும் ஆறே நாட்களில் முறியடித்துள்ளது.
இந்த நிலையில் படத்தில் இடம்பெற்றுள்ள காவாலா பாடல் மிகப்பெரிய அளவில் வைரல் ஆன நிலையில் பலரும் காவலா பாடலுக்கு டான்ஸ் ஆடி சமூகவலைத்தளங்களில் வீடியோ பதிவிட்டு வருகின்றனர். நிலையில் காவாலா பாடலுக்கு ஜப்பான் நாட்டின் தூதர் ஹிரோஷி சுசுகி பிரபல யூடியூபர் மாயோ சென் உடன் நடனமாடும் வீடியோ சமூக வலைத்தளங்களில் வைரல் ஆகி வருகிறது.
இந்தியாவுக்கு பிறகு நடிகர் ரஜினி காந்த்திற்கு அதிக அளவில் ஜப்பானில் ரசிகர்கள் உள்ளது குறிப்பிடத்தக்கது.
டாபிக்ஸ்