Jailer2Announcement: அலப்பறை கிளப்புறோம்.. பொங்கலில் தீ பொங்க ஜெயிலர் 2 அறிவிப்பு.. அதே குழுவுடன் இணைந்த ரஜினி!
Jailer2Announcement: அலப்பறை கிளப்புறோம்.. பொங்கலில் தீ பொங்க ஜெயிலர் 2 அறிவிப்பு.. அதே குழுவுடன் இணைந்த ரஜினி குறித்துப் பார்க்கலாம்.
Jailer2Announcement: நடிகர் ரஜினிகாந்த் நடிப்பில், நெல்சன் இயக்கத்தில், 2023ஆம் ஆண்டு, ஆகஸ்ட் 10ஆம் தேதி வெளியான திரைப்படம், ஜெயிலர். இப்படத்தில் மோகன் லால், சிவ ராஜ்குமார், ஜாக்கி ஷெராஃப், ரம்யா கிருஷ்ணன், வசந்த் ரவி, தமன்னா, விநாயகன் உள்ளிட்டப் பலர் நடித்திருந்தனர். இப்படத்திற்கு அனிருத் இசை அமைத்திருந்தார். பாடல்கள் மற்றும் தீம் மியூசிக் ஆகியவை பெரியளவில் ஹிட் ஆகின.
இந்நிலையில் படம் வெளியாகி 25 நாட்களைக் கடந்தபின்னும் வசூலில் இந்தியா முழுக்க ஜெயிலர் சக்கைப்போடுபோட்டது. ஜெயிலர் படம் குறித்து, சினிமா ஆய்வாளர் மனோபாலா விஜயன் தனது டிவிட்டர் பக்கத்தில், உலகளவில் ஜெயிலர் திரைப்படம் 650 கோடி ரூபாய் வசூல் சாதனைப்புரிந்துள்ளது எனத் தெரிவித்தார். அதேபோல், Sacnilk.com, ஜெயிலர் திரைப்படம் இந்தியா முழுமைக்கும் அனைத்து மொழிகளிலும் ரூ.343 கோடி வசூல் செய்துள்ளது என சுட்டிக்காட்டியுள்ளது.
முன்னதாக, இந்தி, கன்னடம், தெலுங்கு ஆகிய மொழிகளில் மொழிமாற்றம் செய்யப்பட்ட இப்படம், முதல் நாளில் அனைத்து மொழிகளிலும் சேர்த்து இந்தியாவில் ரூ.48.35 கோடி வசூலித்துள்ளது. 1 வாரத்தில் ஜெயிலர் இந்தியாவில் அனைத்து மொழிகளிலும் ரூ.235.85 கோடி சம்பாதித்தது. 2வது வாரத்தில் தமிழில் ரூ.62.95 கோடி வசூலித்தது; 3வது வாரத்தில் ரூ.29.75 கோடியும், 4வது வாரத்தில் மேலும் ரூ.13.01 கோடியும் ஜெயிலர் திரைப்படம் வசூலித்துள்ளது.