40 Years Of Vidhi: நீதிமன்றத்தால் தோலுரித்த படம்.. பட்டித் தொட்டியெங்கும் கொடி பறந்த பாடல்கள்

ஜெய்சங்கர் வக்கீல் டைகர் தயாநிதியாக தன் அழுத்தமான நடிப்பை பதிவு செய்திருப்பார். மனோரமா பட்டம்மாவாக தான் வரும் காட்சிகளில் வழக்கம்போல் நகைச்சுவையை வெளிடுத்தியிருப்பார். நீதிமன்ற காட்சிகளுக்காகவே இந்த படம் வெள்ளி விழா கண்டது குறிப்பிடத்தக்கது.

பிளாஸ்பேக் காட்சியாக பள்ளியில் சிறுவன் சுரேஷ் பரிசு வாங்குவதில் ஆரம்பித்து பழைய வாழ்க்கைக்குள் போகும் படம். பணக்கார வீட்டு பிள்ளையான ராஜா ராதாவை துரத்தி துரத்தி காதலிப்பான். முதலில் ராஜாவை தவிர்க்க முயலும் ராதா ஒரு கட்டத்தில் அவனையே காதலிக்கத் துவங்குவாள். 

ராதா ராஜாவை நம்பி தன்னையே அவனிடம் இழந்து விடுவாள். ஆனால் அதன் பின் ராஜா ராதாவை திருமணம் செய்ய மறுத்து விடுவான் . இதனால் கடும் மன உளைச்சலில் இருந்த ராதாவிற்கு தான் கற்பமடைந்திருப்பது தெரியவரும். இதையடுத்து ராதா பிரபல வக்கீலான சகுந்தலாவிடம் செல்வாள்.

அந்த காலத்தில் சிவாஜியின் பராசக்தி நீதிமன்ற காட்சியை பார்த்திருந்த ரசிகர்களுக்கு விதி படத்தின் நீதிமன்ற காட்சி புதுவிதமாக அமைந்தது. இன்றும் சொல்லப்போனால் இந்த நீதிமன்ற காட்சிக்காகவே 'விதி' திரைப்படத்தின் ஆடியோ கேசட்டுகள் பட்டி தொட்டியெல்லாம் ஒலித்த வண்ணம் இருந்தது. 

ஒரு கட்டத்தில் வீட்டு விஷேசங்களில் குழாய் கட்டி பாட்டு போடுவதை போன்று இந்த படத்தின் ஆடியோ ஒலிபரப்பட்டது என்பதை இப்போது சொன்னால் நம்ப முடிகிறதா?

நீதிமன்றத்தில் ராஜாவின் அப்பா டைகர் தயாநிதியே ராஜாவிற்காக வாதாடுவார். நீதிமன்றத்தில் ராஜா ராதா தன்னை மயக்கி தன்னிடம் தவறாக நடந்து கொண்டதாக அப்பாவி போல் பேசுவான். அப்போது ஊடகங்கள் பொதுமக்களிடம் கருத்துகேட்பதுபோல் வரும் காட்சியில் ராதாதான் மானங்கெட்டவள். 

என் பெண்ணாக இருந்தால் கழுத்தை நெறித்து கொன்றிருப்பேன் என்று என்று ஆண்கள் பேசுவர். ஆனால் அப்போது ராதா பயின்ற டைப்ரைட்டிங் இன்ஸ்டிடியூட் பெண்கள் ராதாவின் துணிச்சல் யாருக்கு வரும் தண்டவாளத்தில் தலை வைக்காமல் கோர்டில் நிற்பவளுக்கு ஆதரவு தெரிவிக்க வேண்டும் என்பர்.

அதைத்தொடர்ந்த நீதிமன்ற காட்சியில் சகுந்தாலா பட்டம்மாவின் வாயிலிருந்து ராஜாவின் உண்மை முகத்தை வெளிக்கொணர்வாள். அடுத்தடுத்த காட்சிகளில் சாட்சிகளின் வாதப்பிரதிவாதங்கள் அனல் பறக்கும் வகையில் இருக்கும்.

திருமணத்திற்கு முன் ஆணும் பெண்ணும் இணைந்து உடலுறவு கொண்டால் அதற்கான தண்டனையும் அவமானமும் பெண்ணுக்கு மட்டும் தான் தவறு செய்த ஆண்கள் தப்பித்து விடுகிறார்கள். இன்பத்தில் பங்கு கொள்ளும் ஆண்கள் பாவத்தில் மட்டும் ஏன் பங்கு கொள்வதில்லை என்று உலுக்கி எடுப்பார் சகுந்தலா.

ஒரு கட்டத்தில் தான் வளர்க்கும் வளர்ப்பு மகளின் தாய் நானே என்றும் தந்தை டைகர் தயாநிதிதான் என்பதையும் நீதிமன்றத்தில் தைரியமாக வெளிப்படுத்துவாள் சகுந்தலா.

அந்த காலத்தில் பெண்களிடையே இந்த நீதிமன்ற காட்சிகள் பெரும் வரவேற்பை பெற்றது. அந்த படத்தில் ஒரே காட்சியில் வரும் பாக்கியராஜ் உங்களுக்கு தெரிந்த பத்தினி பெயரை சொல்லுங்கள் என்ற ஒற்றை கேள்வியில் அந்த காலத்தில் வீடுகளில் இருந்த பெண்கள் குறித்த ஆண்களின் பார்வையை பளிச்சென வெளிப்படுத்தி இருப்பார்.

நீதிமன்றத்தின் இறுதிக்காட்சியில் மகனை எப்படியேனும் வழக்கில் இருந்து விடுவிக்க வேண்டும் என்பதை விட தான் சகுந்தலாவிடம் தோற்றுவிட கூடாது என்ற ஆவேசத்தில் ராதாவிடம் உடலுறவின் போது என்ன நடந்தது எப்படி நடந்தது என்று எல்லை மீறி கேள்வி கேட்பார்.

இதில் தயங்கி பதற்றமடைவார் ராதா . அதற்கு பதிலடி கொடுக்கும் வகையில் சகுந்தலா தயாநிதியே சாட்சி கூண்டில் ஏற்றி உங்கள் மகன்தான் ராஜா என்பதற்கு என்ன சாட்சி என்று கேள்வி கேட்பார். அது மட்டும் அல்லாமல் ராதா ராஜாவுடன் பேசியதை ரகசியமாக பதிவு செய்த டேப்ரெக்கார்டை நீதிமன்றத்தில் வெளியிடுவார்.

ஆனால் நீதிமன்றம் ராதாவை திருமணம் செய்ய உத்தரவிடும். இதையடுத்து செய்தியாளர்களிடம் பேசும் ராதா நீங்கள் ராஜாவை கல்யாணம் செய்வீர்களா என்று கேட்கும் போது நிச்சயமாக இல்லை. என் வயிற்றில் இருக்கும் குழந்தைக்கு அப்பா யார் என்று தெரிய வேண்டும் என்ற ஒரே காரணத்திற்காகத்தான் வழக்கு தொடர்ந்தேன் என்பாள்.

தன்னை ஏமாற்றியவனைத்தான் பெண்கள் திருமணம் செய்து கொள்ள வேண்டும் என்ற சமூகத்தின் பொதுப்புத்தியில் இருந்து விலகி நிற்பாள் ராதா.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9