டாப் கியரில் செல்லும் வசூல்.. ரிப்பீட் ஆடியன்ஸால் நிறம்பும் கல்லா! நான் ஸ்டாப் கொண்டாட்டத்தில் அமரன் டீம்
ராணுவ வீரரின் பயோபிக்காக சிவகார்த்திகேயன் நடித்த அமரன் படம் வெளியான 8 நாட்களில் உலகம் முழுவதும் 180 கோடி ரூபாய் வசூலைக் குவித்துள்ளது.
ராணுவத்தில் வீரமரணம் அடைந்த மேஜர் முகுந்த் வரதராஜனின் வாழ்க்கை வரலாற்றை மையமாகக் கொண்டு உருவாக்கப்பட்டு இருக்கும் திரைப்படம் தான் அமரன். முகுந்த்தாக சிவகார்த்திகேயன் நடித்திருக்கும் நிலையில், அவரது மனைவி இந்துவாக நடிகை சாய் பல்லவி நடித்து இருக்கிறார். ராஜ் குமார் பெரிய சாமி இயக்கத்தில் உருவாக்கப்பட்டு இருக்கும் இந்தப் படத்தை கமல்ஹாசன் தயாரித்து இருக்கிறார்.
வசூலில் கெத்து காட்டும் அமரன்
அமரன் திரைப்படம் தீபாவளி பண்டிகை பண்டிகையன்று அக்டோபர் 31ம் தேதி திரையரங்குகளில் வெளியானது. இந்தப் படம் வெளியாகும் முன்னரே ப்ரீ புக்கிங்கில் அதிக வசூலைப் பெற்ற நிலையில், வெளியான 6 நாட்களிலும் மக்களிடம் நல்ல வரவேற்பு கிடைத்துள்ளது.
இதனால் படத்தின் பாக்ஸ் ஆபிஸ் கலெக்ஷனும் நாளுக்கு நாள் அதிகரித்துள்ளது. படம் வெளியாகி 6 நாட்கள் நிறைவடைந்த நிலையில், இந்தப் படம் தமிழ்நாட்டில் மட்டும் நேற்று ரூ. 3.99 கோடி ரூபாய் வசூலைப் பெற்று இதுவரை மொத்தமாக ரூ. 92.69 கோடி வசூலைப் பெற்றுள்ளது.