கல்யாணம் வேணாம்.. உறவுகளை விரும்புகிறேன்.. ரிலேஷன்ஷிப் மட்டும் போதும் - ஸ்ருதிஹாசன் ஷேரிங்ஸ்

இது எனது சொந்த சிந்தனை தான். என்னை சுற்றி பல வெற்றிகரமான, மகிழ்ச்சியான மற்றும் அழகான திருமண தம்பதிகள் இருக்கிறார்கள். குறிப்பாக எனது நண்பர்களில் பலரும் உள்ளார்கள். ஆனால் இது என்னுடைய விருப்பத்தை பாதிக்கவில்லை" என்றார்

தொடர்ந்து பேசிய அவர், "காதல் என்பது இந்த உலகில் சக்தி வாய்ந்தது மட்டுமல்லாமல். அது உங்களை இயக்கும் வல்லமை கொண்டதாக உள்ளது. காதல் என்பது நீங்கள் செய்யும் வேலையிடம், உங்கள் குழந்தையிடம் அல்லது வளர்ப்பு பிராணிகளிடம் என எப்படி வேண்டுமானாலும் இருக்கலாம்.

ஹார்ட் ப்ரேக்குகள் என்பது ரிலேஷன்ஷிப் மூலமாக மட்டும் வருவதில்லை. 110 முறைக்கு மேல் ஹார்ட் பிரேக் அப்புகளை சந்தித்துள்ளேன். இதை பற்றி நாம் தான் சிந்தித்து சரி செய்ய வேண்டும். இதனால் மற்றவருக்கு பாதிப்பு ஏற்படாதவாறு நமக்கு நாமே பிக்ஸ் செய்து கொள்ள வேண்டும். இதுபோன்ற தருணங்களில் நமக்கு நாமே பேசி கொண்டு பிரச்னைகளில் இருந்து விடுபட முயற்சிக்க வேண்டும். என்னதான நண்பர்கள், மருத்துவர்கள் இருந்தாலும் நான் அதைத்ததான் செய்வேன். புத்தாண்டுக்கென தனியாக தீர்மானங்கள் எதுவும் நான் நான் எடுப்பதில்லை"

இவ்வாறு அவர் கூறினார்.

ரிலேஷன்ஷிப் குறித்து கோபமடைந்த ஸ்ருதி

சமூக வலைத்தளங்களில் ஆக்டிவ் ஆக இருக்கும் ஸ்ருதிஹாசன் ஒரு முறை இன்ஸ்டா லைவ் வந்தபோது, ரசிகர் ஒருவர் அவரது ரிலேஷன்ஷிப் ஸ்டேட்டஸ் குறித்து கேட்டார். அதற்கு கோபமான ஸ்ருதிஹாசன், “ இந்த கேள்விக்கு பதிலளிப்பதில் எனக்கு மகிழ்ச்சி இல்லைதான். ஆனால்...நான் இப்போது சிங்களாக இருக்கிறேன். வேறு ஒருவருடன் மிங்கிளாக தயாராக இருக்கிறேன்.

நான் என்னுடைய வேலையை மட்டும் பார்த்துக்கொண்டிருக்கிறேன். வாழ்க்கையை சந்தோஷமாக கழித்துக்கொண்டிருக்கிறேன்.. போதுமா” என்று பேசினார். இதன் மூலம் அவர், டூடுல் கலைஞர், ஓவியரான சாந்தனு ஹசாரிகாவுடனான எனபவருடன் உறவில் இருந்து வந்த ஸ்ருதிஹாசன், அவரை பிரேக் அப் செய்திருப்பதை உறுதி செய்தார்.

ஸ்ருதிஹாசன் படங்கள்

ஸ்ருதிஹாசன் தற்போது லோகேஷ் கனகராஜ் இயக்கத்தில் சூப்பர் ஸ்டார் ரஜினிகாந்துடன் இணைந்து கூலி படத்தில் நடித்து வருகிறார். இது தவிர பிரபாஸுடன் இணைந்து பிரசாந்த் நீல் இயக்கத்தில் சலார் 2 படத்திலும் நடித்து வருகிறார். ஆங்கிலம் மற்றும் தமிழில் உருவாகும் சென்னை ஸ்டோரி என்ற படத்திலும் நடிக்கிறார். அத்துடன் தெலுங்கு மற்றும் தமிழில் உருவாகி வரும் டகோயிட்: ஏ லவ் ஸ்டோரி என்ற படத்திலும் நடித்துள்ளார்.