HT OTT SPL: வயிறு குலுங்க சிரிக்க வைக்கும் ஜாக்கி சானும், ஜான் செனாவும்!

இவர்கள் இருவருமே தங்களது துறைகளில் உலகறிய பிரபலமானவர்கள். ஜாக்கி சான் நகைச்சுவையுடன் கூடிய சண்டைக் காட்சிகளில் நடித்து அனைவரையும் ரசிக்க வைக்கும் ஆகச் சிறந்த கலைஞன்.

ஜான் சீனாவும் திரைப்படத் துறைக்கு வந்துவிட்ட நிலையில், இவர்கள் இருவரும் இணைந்து நடித்துள்ள படம் தான் Hidden Strike.

Expend4bles, Need for Speed, Act of Valor என சிறந்த வெற்றிப் படங்களை இயக்கிய Scott Waugh தான் இந்தப் படத்தின் இந்தப் படத்தை இயக்கியுள்ளார்.

ஐக்கிய அரபு அமீரகம் மற்றும் பல நாடுகளில் ஜூலை 6 2023 அன்றும், அமெரிக்காவிலும் சர்வதேச அளவிலும் நெட்ஃபிக்ஸ் வழியாக ஜூலை 28 அன்றும் Hidden Strike வெளியிடப்பட்டது.

இந்த படம் முதலில் ஜாக்கி சான் மற்றும் சில்வெஸ்டர் ஸ்டாலோன் ஆகியோரின் நடிப்பில் உருவாக திட்டமிடப்பட்டிருந்தது. ஆனால் ஸ்டாலோன் பின்வாங்கி அவருக்கு பதிலாக ஜான் செனாவால் நியமிக்கப்பட்டார். இது 2018 ஆம் ஆண்டில் சீனாவில் பல்வேறு இடங்களில் படமாக்கப்பட்டது.

Ex-Baghdad, Project X, Project X-Traction, and SNAFU என பல பெயர்கள் யோசிக்கப்பட்டு இறுதியில் தான் Hidden Strike என டைட்டில் வைக்கப்பட்டது.

நெட்பிளிக்ஸ் உலகம் முழுவதும் அதிகம் பார்க்கப்பட்ட படங்களில் ஒன்றாக மாறிப்போனது. இதில் குறிப்பிடத்தக்க விஷயம் என்னவென்றால் விளம்பரம் கூட நெட்பிளிக்ஸ் பெரிதாக செய்யவில்லை என்பது தான்.

இது 2 வாரங்களுக்கு நெட்ஃபிளிக்ஸில் அமெரிக்கா மற்றும் உலகளவில் நம்பர் 1 திரைப்படமாக இருந்தது. வெளியான முதல் 28 நாட்களில் உலகளவில் 56.8 மில்லியன் பார்வைகளைப் பதிவு செய்தது.

உலகின் மிகவும் ஆபத்தான சாலைகளில் ஒன்றில் பயணிக்கும் இரண்டு முன்னாள் வீரர்கள் பல்வேறு சவால்களையும் ஆபத்தையும் எதிர்கொள்கின்றனர். அதிலிருந்து எப்படி தப்பிக்கிறார்கள் என்பதே கதை.

ஜான் செனா, ஜாக்கி சான் ஆகியோர் சிறந்த நடிப்பை வழங்கியிருக்கின்றனர். பல இடங்களில் வயிறு குலுங்க சிரிக்க வைக்கின்றனர். ஜாக்கி சானின் சிக்னேச்சர் சண்டைக் காட்சிகளும் ரசிகர்களுக்காக உருவாக்கப்பட்டிருக்கிறது.

Nathan Furst இசை படத்திற்கு தேவையானதை செய்திருக்கிறது. ஜாக்கி சான், ஜான் செனாவின் ரசிகர்கள் நீங்கள் என்றால் இந்தப் படத்தை கட்டாயம் ஒரு முறை பார்க்கலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9