This Week OTT: விடுமுறை நாட்களை வைப் செய்ய வரும் ஓடிடி ரிலீஸ்.. ஹைப்பை ஏற்றும் ஓடிடி ரிலீஸ் லிஸ்ட்

மேலும் படிக்க| குட் பேட் அக்லி படம் 2 மணி நேரம் ரோலர் கோஸ்டர்.. புகழ்ந்து தள்ளிய புரொடியூசர்

காஃப் (Khauf)

திகில் த்ரில்லர் வலைத் தொடராக உருவாகியுள்ள 'காஃப்' வரும் வெள்ளிக்கிழமை, ஏப்ரல் 18 ஆம் தேதி அமேசான் பிரைம் வீடியோ ஓடிடி தளத்தில் ஸ்ட்ரீம் செய்யப்பட உள்ளது. இந்த தொடரில் மோனிகா பவர், சாம் தர்ரங், அபிஷேக் கபூர் மற்றும் ரதாஜ் சவுகான் ஆகியோர் முக்கிய கதாபாத்திரங்களில் நடித்துள்ளனர். சமீபத்தில் வெளியான காஃப் டிரெய்லரில் புதிரான தீவிரமான திகில் காட்சிகள் உள்ளன. சூர்யா பாலகிருஷ்ணன் இயக்கியுள்ள இது தொடரின் மீதான ஆர்வம் மக்களிடம் அதிகரித்துள்ளது.

தி லாஸ்ட் ஆஃப் அஸ் சீசன் 2 (The Last of Us Season 2 )

பிரபல வெப் சீரிஸான தி லாஸ்ட் ஆஃப் அஸ் 2வது சீசன் ஜியோ ஹாட்ஸ்டாரில் வெளியாகியுள்ளது. இந்த தொடரின் இரண்டாவது சீசனின் முதல் எபிசோட் இந்த திங்கட்கிழமை (ஏப்ரல் 14) ஜியோ ஹாட்ஸ்டார் ஓடிடியில் அறிமுகமானது. மே 26 வரை ஒவ்வொரு திங்கட்கிழமையும் ஹாட்ஸ்டார் ஓடிடியில் ஒரு எபிசோட் வெளியாகும். இந்த சர்வைவல் த்ரில்லர் தொடரில் பெட்ரோ காஸ்டல் மற்றும் பெல்லா ராம்சே ஆகியோர் முக்கிய கதாபாத்திரங்களில் நடித்துள்ளனர். லாஸ்ட் ஆஃப் அஸ் தொடரில் கிரேக் மாசின் நடித்துள்ளார்.

மேலும் படிக்க| குட் பேட் அக்லி படத்திற்கு 7 நாட்கள் கெடு.. வழக்கு தொடுத்த இளையராஜா ..

லாக் அவுட் (Logout)

சைபர் த்ரில்லர் திரைப்படமான 'லாக் அவுட்' இந்த வெள்ளிக்கிழமை, ஏப்ரல் 18 ஆம் தேதி ஜீ5 ஓடிடியில் ஸ்ட்ரீம் செய்யப்பட உள்ளது. இது திரையரங்குகளில் அல்லாமல் ஓடிடியில் நேரடி ஸ்ட்ரீமிங்கில் இறங்குகிறது. மறைந்த நடிகர் இர்ஃபான் கானின் மகன் பாபில் கான் இந்த படத்தில் முக்கிய கதாபாத்திரத்தில் நடித்துள்ளார். இப்படத்தை அமித் கோலானி இயக்கியுள்ளார். ஏப்ரல் 18 முதல் ஜீ5 தளத்தில் இந்த இந்தி படத்தை பார்க்கலாம்.

மேரே ஹஸ்பண்ட் கி பீவி (Mere Husband Ki biwi)

பாலிவுட் காதல் நகைச்சுவை படம் மேரே ஹஸ்பண்ட் கி பீவி. இது ஏப்ரல் 18 ஆம் தேதி ஜியோ ஹாட்ஸ்டார் ஓடிடி தளத்தில் ஸ்ட்ரீமிங் செய்யப்படும். இப்படத்தில் அர்ஜுன் கபூர், பூமி பெட்னேகர், ரகுல் ப்ரீத் சிங் ஆகியோர் முக்கிய கதாபாத்திரங்களில் நடித்துள்ளனர். பிப்ரவரி 21 அன்று திரையரங்குகளில் வெளியான இப்படம் பாக்ஸ் ஆபிஸில் தோல்வியை சந்தித்தது. மேரே ஹஸ்பண்ட் கி பீவி படத்தை முடாசர் அஜீஸ் இயக்கினார்.

தாவீத் (David)

மலையாள அதிரடி திரைப்படமான தாவீத் ஏப்ரல் 18 ஆம் தேதி ஜீ5 ஓடிடியில் ஸ்ட்ரீம் செய்யப்பட உள்ளது. கோவிந்த் விஷ்ணு இயக்கத்தில் ஆண்டனி வர்கீஸ், லிசோமோல் ஜோஸ், மோ இஸ்மாயில் உள்ளிட்டோர் நடித்துள்ள படம் 'மோ இஸ்மாயில்'. இப்படம் பிப்ரவரி 14-ம் தேதி திரையரங்குகளில் வெளியானது. இரண்டு மாதங்கள் கழித்து, இப்போது ஏப்ரல் 18 ஆம் தேதி, டேவிட் படம் ஜீ5 ஓடிடிக்கு வரும்.

மேலும் படிக்க| ஓடிடி பக்கம் வந்த காதல் புரட்சிப் படம்.. காதல் என்பது பொது உடைமை படத்தை எந்த ஓடிடியில் பார்க்கலாம்?

மற்ற ஓடிடி வெளியீடு

இந்தப் படங்களைத் தவிர, மனமே (Maname)என்ற தெலுங்கு படம் ஜியோ சினிமாவில் ஏப்ரல் 14 ஆம் தேதி வெளியானது. இன்று, தி கிளாஸ் டோம் என்ற ஆங்கிலத் தொடர் இன்று நெட்பிளிக்ஸில் வெளியாகிறது. நாளை ஏப்ரல் 16 ஆம் தேதி தி ஸ்டோலன் கேர்ள் என்ற ஆங்கிலத் தொடர் ஜியோ ஹாட்ஸ்டாரில் வெளியாகிறது. ஏப்ரல் 17 ஆம் தேதி ரான்சம் கென்யான் என்ற ஆங்கில தொடர் நெட்பிளிக்ஸில் வெளியாகிறது.

ஏப்ரல் 18 ஆம் தேதி கன்னடத் திரைப்படமான விஷ்ணுப்பிரியா அமேசான் பிரைம் வீடியோவில் வெளியாகிறது. ஆங்கில வலைத்தொடரான லா அண்ட் ஆர்டர் சீசன் 5 ஜியோ ஹாட்ஸ்டாரில் வெளியாகிறது. தி வே ஐ சீ இட் என்ற ஆங்கில படம் ஜியோ ஹாட்ஸ்டாரிலும், ஐ ஹாஸ்ட்டேஜ் ஆங்கில படம் நெட்பிளிக்ஸிலும், தி நாட் வெரி கிராண்ட் டூர் என்ற ஆங்கிலத் தொடரின் முதல் சீசன் அமேசான் பிரைம் வீடியோவில் வெளியாகிறது.