HBD S.P.Jananathan : சாமானிய மக்கள் வழியாக திரையில் சர்வதேச அரசியலை பேசியவர்! இயக்குனர் எஸ்.பி.ஜனநாதன் பிறந்த தினம்!

அதனைத் தொடர்ந்து 'ஈ', தமிழ் சினிமாவில் குறிப்பிட்டு பேச வேண்டிய படம், போராளியாக பசுபதி கலக்கியிருப்பார். கதை நடக்கும் பின்னணியே வித்யாசமாக இருப்பதுடன், ஜீவா மற்றும் நயன்தாராவுக்கு நல்ல பெயரை எடுத்துக்கொடுத்த படம். ஏழை மக்களின் உயிரை பன்னாட்டு மருந்து நிறுவனங்கள் எப்படி பயன்படுத்திக்கொள்கின்றன. வளரும் நாடுகள், இந்தியா போன்ற மக்கள்தொகை அதிகம் உள்ள நாடுகளின் மக்கள் சர்வதேச மாஃபியாக்கள் மூலம் எப்படி சூறையாடப்படுகிறார்கள் என்பதையெல்லாம் படம் பிடித்து காட்டியது.

'பேராண்மை', குறிப்பாக ஜெயம் ரவிக்கு ஒரு நல்ல பெயரை வாங்கிக்கொடுத்த படம். வளரும் நாடுகளின் வளர்ச்சியை சர்வதேச கூலிப்படைகள் மூலம் உலகில் ஆதிக்கம் செலுத்தும் நாடுகள் எவ்வாறு நாசம் செய்கின்றன என்பதை பேசிய படம். 'புறம்போக்கு என்கிற பொதுவுடைமை' ஆகிய படங்களை இயக்கியுள்ளார் எஸ்.பி.ஜனநாதன்.

காதலை மட்டுமே பார்த்துக்கொண்டிருந்த தமிழ் ரசிகர்கள் இதுபோன்ற படங்களை ரசித்ததுடன், கொண்டாடவும் செய்தார்கள். இதுபோன்ற படங்கள் பிற்காலத்தில் அரசியல் மற்றும் நாட்டின் பிரச்னைகளை பேசிய படங்களுக்கு ஆரம்ப காலத்தில் ஒரு டிரண்ட் செட்டராக அமைந்தது.

தமிழ் சினிமா ஹீரோ வொர்ஷிப் அதாவது சினிமாவில் நடிக்கும் கதாநாயகர்களை கடவுளாக பார்க்கும் பழக்கம் நீண்ட நாட்களாக இருந்து வந்த ஒன்றுதான். இதுபோன்ற படஙகள் மக்களுக்கு இந்த கதாநாயக வழிபாடுகளுக்கெல்லாம் முற்றுப்புள்ளி வைப்பதாக அமைந்தது.

இவை அனைத்துமே புரட்சிகர கருத்துகளை உள்ளடக்கியவை. இந்தப் படங்கள் போக தன்னிடம் உதவி இயக்குநராக பணிபுரிந்த கல்யாண் இயக்கத்தில் வெளியான 'பூலோகம்' படத்துக்கு வசனங்கள் எழுதியவர்.

இவர் திருமணம் செய்துகொள்ளவில்லை. படங்கள் இயக்கியது மட்டுமன்றி, தமிழ்த் திரைப்பட இயக்குநர்கள் சங்கத்தில் பொறுப்பில் இருந்தவர் எஸ்.பி.ஜனநாதன். இயக்குநர் சங்கத்துக்கு பல்வேறு விஷயங்களை முன்னெடுத்தவர் என்ற பெருமை அவருக்கு உண்டு.

தமிழ் சினிமாவின் முக்கியமான படங்களை கொடுத்துவிட்டு, காலத்திற்கும் அவற்றின் மூலம் நம் சந்ததியினருக்கு பாடம் கற்றுக்கொடுக்க கூறிவிட்டு அவர் 2021ம் ஆண்டு மார்ச் 14ம் தேதி நம்மைவிட்டு பிரிந்துவிட்டார். அவரது பிறந்த நாளில் அவர் குறித்து பகிர்ந்துகொள்வதில் ஹெச்.டி.தமிழ் பெருமிதம் கொள்கிறது.