மனுஷி பட விவகாரம்: கோர்ட்டுக்கு போன வெற்றிமாறன்.. சென்சார் போர்டுக்கு குட்டு வைத்த உத்தரவு..

இது சரியல்ல

“சினிமா எடுப்பது பேச்சுரிமை மற்றும் கருத்துரிமையின் ஒரு பகுதி. சினிமா தயாரிப்பாளர்கள் ஏற்கனவே பல சிரமங்களை சந்திக்கிறார்கள். எந்தப் பகுதிகள் எதிர்ப்புக்குரியது என்பதை குறிப்பிடாமல் முழுப் படத்திற்கும் சான்றிதழ் மறுத்து, மீண்டும் முழுப் படத்தையும் எடுக்கச் சொல்வது சரியல்ல,” என்று நீதிபதி கூறினார்.

அவகாசம் தந்த கோர்ட்

எதிர்ப்புக்குரிய பகுதிகளின் பட்டியலை வழங்கவோ அல்லது வெற்றிமாறனுடன் படத்தைப் பார்த்து எந்தக் காட்சிகள் எதிர்ப்புக்குரியது என்பதை சுட்டிக்காட்டவோ CBFC-க்கு ஜூன் 16 ஆம் தேதி வரை அவகாசம் வழங்கப்பட்டது.

மேலும் படிக்க| ஆர்சிபி வெற்றிக் கொண்டாட்ட ஊர்வலம்: கூட்ட நெரிசல் உயிரிழப்பிற்கு கமல்ஹாசன் இரங்கல்!

சென்சார் சான்றிதழ் மறுத்ததற்கான காரணம்

CBFC-யின் ஆய்வுக்குழு மற்றும் திரையிடல் குழு, ஐந்து காரணங்களுக்காக படத்திற்கு சான்றிதழ் வழங்க பரிந்துரைக்கவில்லை என்று நீதிபதியிடம் தெரிவிக்கப்பட்டது. 'மனுஷி' படம் மாநிலத்தின் ஒருமைப்பாட்டிற்கு எதிரானது, அவமதிக்கும் காட்சிகள் உள்ளன, அரசாங்கக் கொள்கைகளைப் பழிவாங்கும் வகையில் உள்ளது, வடக்கு-தெற்கு பிரிவினைக்கு வழிவகுக்கும் ஸ்டீரியோடைப் காட்சிகள் உள்ளன, நாட்டின் நலனுக்கு எதிரான காட்சிகள் உள்ளன என்று CBFC கூறியதாக தெரிவிக்கப்பட்டது.

தெளிவாக கூற வேண்டும்

இந்தக் கூற்று குறித்து CBFC-யின் பதிலை ஜூன் 11 ஆம் தேதிக்குள் தர வேண்டும் என நீதிபதி உத்தரவிட்டார். “இந்த முடிவுகள் அகநிலை அல்ல, படத்தின் பல்வேறு காட்சிகளில் இருந்து தெளிவாகத் தெரியும் உண்மைச் சார்ந்தவை. எனவே, படத்தின் எந்தப் பகுதிகளை எடிட் செய்ய வேண்டும் என்பதை தெளிவாகத் தெரிவிக்க வேண்டும்,” என்று நீதிபதி கூறினார்.

மேலும் படிக்க| 'நான் இப்படி எல்லாம் படம் எடுத்தா எப்போவோ சினிமாவ விட்டு போயிருப்பேன்' ஷாக் கொடுத்த புஷ்பா டைரக்டர்

'மனுஷி' படம் பற்றி

வெற்றிமாறன் தயாரித்த 'மனுஷி' படத்தை கோபி நாயினார் இயக்கியுள்ளார். ஆண்ட்ரியா ஜெரேமியா முக்கிய வேடத்தில் நடித்துள்ளார். நாசர், தமிழ், ஹக்கிம் ஷா, பாலாஜி சக்திவேல் ஆகியோரும் நடித்துள்ளனர். இளையராஜா இசையமைத்துள்ளார். கடந்த ஆண்டு ஏப்ரலில் விஜய் சேதுபதி படத்தின் டிரைலரை வெளியிட்டார். 'மனுஷி' படம் பயங்கரவாதியாக சந்தேகிக்கப்படும் ஒரு பெண்ணின் காவல் துன்புறுத்தலைக் காட்டுகிறது.