HBD Soori : ‘பரோட்டா, புஷ்பா கொடுத்த பிரபலம்!’ காமெடி நடிகர் சூரி பிறந்த தினம் இன்று!

அதற்கு பின் வந்த படங்களில் எல்லாம் கதாநாயகர்களுடன் வரும் காமெடி நண்பர் ஆனார். சிவகார்த்திக்கேயன் - சூரி காம்பினேஷனுக்கு மக்கள் மத்தியில் நல்ல வரவேற்பு கிடைக்க, இருவரும் சேர்ந்து நடித்த வருத்தப்படாத வாலிபர் சங்கம், சீமராஜா உள்ளிட்ட படங்கள் இருவருக்கும் நீங்கா புகழை பெற்றுக்கொடுத்தன.

காமெடி நடிகர்கள் மற்றும் குணச்சித்திர நடிகர்களுக்கெல்லாம் கிடைக்கும் ஒரு வாய்ப்பு அவர்கள், அனைத்து தரப்பு சூப்பர் ஸ்டார் முதல் சாதாரண நடிகர் வரை யாருடன் வேண்டுமானாலும் எளிதாக நடித்து விட முடியும். அந்த வகையில் ரஜினிகாந்த் வரை நடித்து தனது கெரியரில் ஒரு நல்ல கிராஃபை வைத்துள்ளவர்தான் சூரி.

சூரியின் உண்மை பெயர் ராமலக்ஷ்மணன் முத்துசாமி. 1977ம் ஆண்டு ஆகஸ்ட் 27ம் தேதி மதுரையில் பிறந்தார். பரோட்டா காமெடியில் நடித்து புகழ்பெற்றதால் பரோட்டா சூரி என்ற அடையாளமும் உள்ளது. 1977ம் ஆண்டு சூரி மதுரையில் இருந்து சென்னைக்கு குடிபெயர்ந்தார். 

நடிகராக வேண்டும் என்ற லட்சியத்தில் சென்னை வந்த அவர், தனது கனவை நிறைவேற்றிக்கொள்ள பணம் வேண்டும் என்பதற்காக கிளீனர் வேலையை செய்தார். இவர் வின்னர் போன்ற படங்களில் காமெடி நடிகர்களுடன் துணை நடிகராக மிகச்சிறிய வேடங்களில் தான் முதலில் நடிக்க துவங்கினார்.

பின்னர் தனது திறமையால் கொஞ்சம் கொஞ்சமாக வளர்ந்து, முக்கிய மற்றும் பிரபல காமெடி நடிகர் ஆனார். எதார்த்தமான இவரின் காமெடிகள் மக்களை கவர்வதாக இருந்தது. அதுவே இவருக்கு அதிக புகழையும் பெற்று தந்தது. காமெடி மட்டுமின்றி குணச்சித்திர வேடங்களிலும் நடித்து கலக்கினார். இவரது காமெடிகள் பல மீம்கள் தயாரிக்க உதவியது.

பாண்டிய நாடு, ரஜினி முருகன், ஜில்லா, சாமி 2, வேலைன்னு வந்துட்ட வெள்ளக்காரன் உள்ளிட்ட படங்களில் நடித்துள்ளார். வேலன்னு வந்துட்டா வெள்ளைக்காரன் படத்தில் புஷ்பா புருஷன் என்ற காமெடி மிகப்பிரபலமானது. 

சாதாரண பின்புலத்தில் இருந்து, சினிமா ஆசையில் சென்னை வந்து தன் உழைப்பால் முன்னேறியவர். இன்று பிறந்த நாள் காணும் பரோட்டா சூரியை ஹெச்.டி. தமிழ் வாழ்வில் எல்லா நலன்களும், வளங்களும் பெற்று வாழ வாழ்த்துகிறது.