பிறை தேடும் இரவிலே.. விவாகரத்து கொடுத்த வலி.. கண்ணீர் வடித்த சைந்தவி.. இசைக் கச்சேரியில் நடந்த சோகம்!

பிறை தேடும்

இந்த நிலையில் இசைக்கச்சேரியில் இருவரும் இணைந்து "பிறை தேடும் இரவிலே" பாடலை ஒன்றாக சேர்ந்து பாடி இருக்கின்றனர். சைந்தவியும் ஜிவி பிரகாஷ் குமாரும் இணைந்து பாடிய எல்லா பாடல்களுமே மிகப்பெரிய ஹிட் அடித்த நிலையில் மயக்கம் என்ன படத்தில் இருவரும் இணைந்து பாடிய பிறை தேடும் பாடல் ரசிகர்களிடம் மிகப்பெரிய வரவேற்பை பெற்றது. அதற்குக் காரணம், மிகவும் வலிமையான ஒரு மனைவி, தன்னுடைய கணவனை எந்த இடத்திலும் விட்டுக் கொடுக்காமல் அவனது லட்சியத்திற்காக போராடுவாள் என்பதை கருவாக வைத்து அந்த பாடலை அந்த படத்தின் இயக்குநர் செல்வராகவன் காட்சிப்படுத்தியிருந்தார். அதனாலேயே அந்த பாடல் ரசிகர்களிடம் மிகவும் கனெக்ட் ஆனது.

கண்ணில் கண்ணீர்.. 

இந்த நிலையில் விவகாரத்திற்கு பிறகு இருவரும் இந்த பாடலை இணைந்து பாடியிருப்பது குறித்து

ரசிகர்கள் பல்வேறு விதமான கமெண்ட்களை சமூக வலைத்தளங்களில் பதிவிட்டு வருகின்றனர்.

அதில் பயனர் ஒருவர், பிறை தேடும் பாடலைப் பாடும் பொழுது இருவரது கண்ணிலும் கண்ணீர் வந்திருப்பதாக பதிவிட்டு இருக்கிறார்.

இன்னொரு பதிவர், விவாகரத்திற்கு பிறகு பிறை தேடும் பாடலைப் பாடுவது மிகவும் கடினமான ஒன்று என்று பதிவிட்டு இருக்கிறார்.

மற்றொருவர், பிறை தேடும் பாடலை சைந்தவியும் ஜிவி பிரகாஷும் இணைந்து பாடுவதை கேட்பது எப்போதுமே தன்னுடைய ஃ பேவரைட் நிகழ்களில் ஒன்று என்று பதிவிட்டு இருக்கிறார்.

இந்த நிகழ்வு தன்னுடைய பேவரைட் என்று குறிப்பிட்டு இருக்கிறார் அத்தோடு தன்னுடைய உடைந்த இதயத்தையும் அதில் இணைந்து இருக்கிறார்.

முன்னதாக விவாகரத்து ஜிவி பிரகாஷ்குமார் வெளியிட்ட அறிக்கை பின்வருமாறு:

இது குறித்து அவர்கள் வெளியிட்டு இருக்கும் அறிக்கையில், “ ஒருவருக்கொருவர் மேல் இருக்கும் பரஸ்பர மரியாதையை பேணுவதின் வாயிலாக, எங்களின் மன அமைதி மற்றும் முன்னேற்றத்திற்காக, நீண்ட யோசனைகளுக்கு பிறகு, 11 வருட திருமணவாழ்க்கையை முடித்துக்கொண்டு,

அவரவர் பாதைகளில் செல்ல முடிவெடுத்து இருக்கிறோம். எங்களது இந்த தனிப்பட்ட மாற்றத்தை ஊடகங்கள், ரசிகர்கள், நண்பர்கள் புரிந்துகொண்டு, எங்களது தனிப்பட்ட விவகாரத்திற்கு மதிப்பளிக்குமாறு அன்புடன் கேட்டுக்கொள்கிறோம்.” என்று குறிப்பிட்டு இருந்தார்.

பொறுப்பு துறப்பு, இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் பேட்டியில் பேசிய நபரின் தனிப்பட்ட கருத்துக்கள் ஆகும். எங்கள் நோக்கம் தகவல்களை வழங்குவது மட்டுமே. இந்த தகவல்களுக்கும் ஹிந்துஸ்தான் தமிழ் இணையதளத்திற்கும் சம்பந்தம் கிடையாது.