Box office today: முட்டி மோதிய படங்கள்.. கோதாவில் வசூல் மன்னன் யார்? - பாக்ஸ் ஆபிஸ் வசூல் விபரம்

கடந்த செப்டம்பர் 27 ஆம் தேதி வெளியான இந்த திரைப்படம் இந்திய அளவில் 143 கோடி ரூபாய் வசூல் செய்திருக்கிறது. உலகளவில் பார்க்கும் போது அதிலிருந்து 60 கோடி அதிகரித்து மொத்தமாக 203 கோடி ரூபாய் வசூல் செய்திருக்கிறது.

மெய்யழகன் வசூல்

'96' பட புகழ் சி பிரேம் குமார் இயக்கத்தில் நடிகர் கார்த்தி, அரவிந்த் சாமி உள்ளிட்டோர் முக்கிய கதாபாத்திரத்தில் நடித்துள்ள திரைப்படம் மெய்யழகன். இப்படம் செப்டம்பர் 27 அன்று திரையரங்குகளில் வெளியாகி நல்ல பெயரை பெற்று வருகிறது.

இந்த திரைப்படம் இந்திய அளவில் இந்தியாவில் 3.6 கோடி ரூபாயும், உலகளவில் பார்க்கும் போது அதில் இருந்து சில லட்சங்கள் மற்றும் அதிகரித்து, உலகளவில் 4 கோடி மட்டுமே வசூல் செய்திருக்கிறது.

நந்தன் வசூல்

தமிழ்நாட்டில் பலரும் படித்து முன்னேறி சமூக பாகுபாடுகளை கடந்து வருகின்றனர். ஆனால், ஒருபுறம் எத்தனை நாகரிக மாற்றங்கள் ஏற்பட்டிருந்தாலும், இன்னமும் சிந்தனையிலும் ரத்தத்திலும் சாதிய பாகுபாடுகள் ஊறிப்போய் உள்ளனர். அவர்கள் அனைத்து மனிதர்களையும் சமமாக பார்க்க பழகுவதே இல்லை.

அத்துடன் வரும் தலைமுறையினரையும் பழக விடுவதில்லை. இந்தக் கருத்தை மையமாக வைத்து வெளியான திரைப்படம் நந்தன். இரா.சரவணன் இயக்கிய இந்த திரைப்படத்தின் நாயகனாக சசிகுமார் நடித்திருந்தார். இந்த திரைப்படம் திரைப்படம் உலகளவில் 1.14 கோடி ரூபாய் மட்டுமே வசூல் செய்திருக்கிறது.

லப்பர் பந்து வசூல்

தமிழ் சினிமாவில் கிரிக்கெட்டை மையமாக வைத்து பல படங்கள் வெளியாகி உள்ளது. ஆனல் அவை அனைத்தும் வெற்றி பெற்றதா? என கேள்வி எழுப்பினால், பதில் சொல்வது சந்தேகம் தான். அதே போல் ஒரு சில கிரிக்கெட் படங்கள் எந்த எதிர்பார்ப்பும் இல்லாமல் ரிலீஸாகி ஹிட்டான வரலாறும் இருக்கிறது.

அந்த வகையில் பெரிய எதிர்பார்ப்பு எதுவும் இல்லாமல் வெளியான சமீபத்திய ரிலீஸ் லப்பர் பந்து. முதலில் இப்படத்திற்கு தமிழ்நாட்டில் 200 திரையரங்குகள் மட்டுமே ஒதுக்கப்பட்டு இருந்தது. ஆனால் ரசிகர்களிடம் கிடைக்கும் வரவேற்பால் படிபடியாக உயர்ந்து 300 திரையரங்குகளில் தற்போது ஒடிக் கொண்டு இருப்பதாக சொல்லப்படுகிறது. மக்களிடம் பெரும் வரவேற்பை பெற்று வரும் லப்பர் பந்து திரைப்படம் 11. 75 கோடி ரூபாய் வசூல் செய்து இருக்கிறது.

இப்படத்தை மறைந்த நடிகரும் அரசியல்வாதியுமான விஜயகாந்துக்கு அர்ப்பணித்திருக்கிறார் இப்படத்தின் இயக்குநர் தமிழரசன் பச்சமுத்து.

கோட் வசூல்

நடிகர் விஜய் நடிப்பில் செப்டம்பர் 5 ஆம் தேதி திரையரங்குகளில் பெரும் ஆரவாரத்திற்கும் கொண்டாட்டங்களுக்கும் மத்தியில் வெளியான திரைப்படம், தி கிரேட்டஸ்ட் ஆஃப் ஆல் டைம். 25 வது நாளை தொட்டு இருக்கும் இந்த திரைப்படம் உலக அளவில் 450 கோடி ரூபாயும், இந்தியாவில் 250 கோடி ரூபாயும் வசூல் செய்து இருக்கிறது.