ராபர், பெருசு, ஸ்வீட்ஹார்ட், வருணன்.. நாளை மார்ச் 14 உங்களை குஷிப்படுத்த காத்திருக்கும் படங்களின் முழு லிஸ்ட் இதோ!

மேலும் படிக்க | Soundarya: 6 ஏக்கர் நில பஞ்சாயத்து..ஸ்கெட்ச் போட்டு கொலை செய்தாரா மோகன்பாபு? செளந்தர்யா கணவர் அறிக்கை சொல்வதென்ன?

ஸ்வீட்ஹார்ட்

ஸ்வைத் எஸ்.சுகுமார் எழுதி இயக்கி உள்ள காதல் நகைச்சுவைத் திரைப்படம் 'ஸ்வீட்ஹார்ட்'. இதில் ரியோ ராஜ், கோபிகா ரமேஷ், ரெடின் கிங்ஸ்லி உள்ளிட்டோர் முக்கிய கதாபாத்திரங்களில் நடித்துள்ளனர். இப்படத்தை யுவன் சங்கர் ராஜா தயாரித்துள்ளது மட்டுமின்றி அவரே இப்படத்திற்கு இசையமைத்துள்ளார். படத்தின் ஒளிப்பதிவு பாலாஜி சுப்பிரமணியம், எடிட்டிங் தமிழ் அரசன் செய்துள்ளார். இப்படம் நாளை (மார்ச் 14) திரையரங்குகளில் ரிலீஸ் ஆகிறது.

வருணன்

தண்ணீர் சேமிப்பை மையமாகக் கொண்டு ஜெயவேல்முருகன் இயக்கத்தில் உருவாகியிருக்கும் படம் 'வருணன்'. இதில், துஷ்யந்த் ஜெயபிரகாஷ், கேப்ரியல்லா ஜோடியாக நடித்துள்ளனர். யாக்கை பிலிம்ஸ் தயாரித்திருக்கும் இப்படத்தில் ராதா ரவி, சரண்ராஜ், ஷங்கர்நாக் விஜயன், ஹரிபிரியா, ஜீவா ரவி, மகேஷ்வரி மற்றும் பலர் நடித்துள்ளனர். போபோ சஷி இசையமைத்துள்ளார். ராம சந்தோஷ் ஒளிப்பதிவு செய்துள்ளார். இப்படமும் நாளை (மார்ச் 14) திரையரங்குகளில் வெளியாகிறது.

மேலும் படிக்க | சிறகடிக்க ஆசை சீரியல் மார்ச் 13 எபிசோட் : மீனாவை சீண்டி பார்க்கும் விஜயா.. அண்ணாமலை கொடித்த ஐடியா.. நடக்கப் போவது என்ன?

மாடன் கொடை விழா

தங்கப்பாண்டி இயக்கத்தில் கிராமத்து கதையை மையமாக கொண்ட படமாக உருவாகி உள்ளது ‘மாடன் கொடை விழா’ திரைப்படம். இப்படத்தை சிவப்பிரகாசம் உதயசூரியன் தயாரித்து உள்ளார். இப்படத்தை தேனாண்டாள் பிலிம்ஸ் நிறுவனம் வெளியிடுகிறது. இப்படம் மார்ச் 14ம் தேதி திரையரங்குகளில் வெளியாக உள்ளது.

மேலும் படிக்க | நேரத்துக்கு கொள்ளி வைக்கும் சோடியல் மீடியா.. காதல் கைகூடலன்னா பரவாயில்ல.. அப்பா அம்மாவ மட்டும்' - நீலிமா ராணி பேச்சு!

கொஞ்சம் காதல் கொஞ்சம் மோதல்

காதல் கதையை மையமாகக் கொண்டு கே.ரங்கராஜ் இயக்கத்தில் உருவாகியிருக்கும் படம் 'கொஞ்சம் காதல் கொஞ்சம் மோதல்'. ஸ்ரீகாந்த் ஹீரோவாக நடித்துள்ள இப்படத்தில் அவருக்கு ஜோடியாக பூஜிதா நடித்துள்ளார். இப்படத்தை வி மாணிக்கம் தயாரித்துள்ளார். நளினி, டெல்லி கணேஷ், சாம்ஸ், சிங்கம் புலி உள்ளிட்டோர் முக்கிய கதாபாத்திரத்தில் நடித்துள்ள இப்படம் மார்ச் 14 அன்று திரைக்கு வருகிறது.