தமிழ் செய்திகள்  /  Entertainment  /  Five Years Of Ispade Rajavum Idhaya Raniyum Movie

Ispade Rajavum Idhaya Raniyum: ‘அன்பு.. எந்த புள்ளியில் வெறுப்பாக மாறுகிறது’.. இஸ்பேட் ராஜாவும் இதய ராணியும்

Aarthi Balaji HT Tamil
Mar 14, 2024 10:23 PM IST

5 Years of IRIR Movie: இஸ்பேட் ராஜாவும் இதய ராணியும் படம் வெளியாகி இன்றுடன் ( மார்ச் 14 ) 5 ஆண்டுகள் நிறைவடைக்கிறது.

இஸ்பேட் ராஜாவும் இதய ராணியும்
இஸ்பேட் ராஜாவும் இதய ராணியும்

ட்ரெண்டிங் செய்திகள்

'' அன்பு எந்த புள்ளியில் வெறுப்பாக மாறுகிறது ” என்ற ஒரு கேள்வியுடன் தான் ‘ இஸ்பேட் ராஜாவும் இதய ராணியும் ’ படம் தொடங்குறது.

“ நாம் சேர்த்து வைத்த அத்தனை அழகான நினைவுகளையும் அது மறக்க வைக்கிறது. 

பிரிவோ, ஏமாற்றமோ, வலியோ கிடையாது, நிராகரிப்பு தாங்க முடியாத ஈகோ தான் அது. ஈகோ இருக்கிற இடத்துல அன்புக்கு இடமே கிடையாது ” என்ற வசனம் தான் படத்தின் டாப் நாச் டயலாக்.

படத்தின் தலைப்பிலேயே காதல் வகையை சேர்ந்த படம் என்பது தான் என்பது தெளிவாகத் தெரிகிறது. இந்த காதல் கதையின் நாயகன் மற்றும் நாயகியின் குணாதிசயங்களைப் பற்றிய குறிப்பையும் இது தருகிறது - கௌதம் ( ஹரிஷ் கல்யாண் ) கோபம் குணம் கொண்டவர். 

அவர் ஒரு விஷயத்தை சரியாக கையாளப்படாவிட்டால் மிகவும் ஆபத்தானவர். தாரா ( ஷில்பா மஞ்சுநாத் ) பணக்கார குடும்பத்தை சேர்ந்தவர். முழு மனதுடன் அவரின் வாழ்க்கையை காதலிக்கிறார்.

குழந்தை பருவத்தில் இன்னும் சிக்கலில் இருந்து மீண்டு வராத கௌதம், கோப மேலாண்மை பிரச்னையால் அவதிப்படுகிறார். அவனைக் கவனித்துக் கொள்ள அவனது தந்தையும் நண்பர்களும் இருந்த போதிலும், அவர் எப்போதும் தனது வாழ்க்கையில் ஒரு சிறப்பு இல்லாததை உணர்கிறார். 

அவர் எதிர்பாராத பல சூழ்நிலைகளில் தாராவை சந்திக்கிறார். இருவரும் ஒருவரையொருவர் வெறித்தனமாக காதலிக்க ஆரம்பித்துவிடுகிறார்கள்.

நன்றாக சென்று கொண்டு இருந்த காதலில் விரிசல் விழுந்ததை போல், தாராவிற்கு வீட்டில் மாப்பிள்ளை பார்த்துவிடுகிறார். தனது வருங்கால கணவருடனான நிச்சயதார்த்தத்தை கைவிடும்படி தனது பெற்றோரை சமாதானப்படுத்துவதில் கடினமான நேரத்தை தாரா சந்திக்கிறார்.

ஆனால் கௌதமின் ஆக்ரோஷமான மற்றும் அதீத உடைமை நடத்தை தான் அவளுக்கு விஷயங்களை மேலும் மோசமாக்குகிறது. இருவரும் தங்கள் சிறிய சண்டைகளுக்குப் பிறகு ஒருவரையொருவர் மன்னிக்கிறார்கள். இருப்பினும், அவர்களில் ஒருவர் உறவு செயல்படப் போவதில்லை என்பதை புரிந்துகொள்கிறார். அவர்களால் ஒன்றாக வாழ்க்கை நடத்த முடியுமா? என்பதே படத்தின் கதையாகும் .

”காதல் எப்போது வெறுப்பாக மாறுகிறது? ஒரு காதலனைக் கொலையாளியாக மாற்ற எது தூண்டுகிறது? ”என்ற வசனம் நம்மை ஒரு முறை சிந்திக்க வைக்கும்.

கௌதம் மற்றும் தாரா உடனான உறவை முறித்து கொள்ளும் போது, ​​அவன் அவளைப் பின் தொடர்ந்து தொந்தரவு செய்கிறான். தாரா தன் காதலை தேடி செல்வது ரசிக்கும் படியாக இருந்தது.

அதற்கு பிறகு தான் எண்ணம் எப்படி இருக்கிறது என்பதை புரிந்து கொண்டு தாராவை விட்டு விலகி பயணம் செய்யக் கிளம்பிவிடுவார். ஆனால் உன்னை அவ்வளவு எளிதாக நான் விட்டுவிட மாட்டேன் என சொல்லி பல நாட்கள் கழித்து தாரா, கவுதமை தேடி செல்லும் காட்சி அர்ப்புதமாக இருக்கும். 

Google News: https://bit.ly/3onGqm9 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.

IPL_Entry_Point

டாபிக்ஸ்