Fighter worldwide box office: ஃபைட்டர் உலகளாவிய பாக்ஸ் ஆபிஸ் வசூல் ரூ.300 கோடியை தாண்டி சாதனை!
Fighter worldwide box office collection day 11: ஹிருத்திக் ரோஷன், தீபிகா படுகோனே, அனில் கபூர் நடித்த ஃபைட்டர் தொடர்ந்து கல்லா கட்டி வருகிறது; வார இறுதியில் வசூல் இன்னும் அதிகரித்துள்ளது.
தீபிகா படுகோனே மற்றும் ஹிருத்திக் ரோஷன் ஆகியோரின் முதல் கூட்டணியான ஃபைட்டர், அனில் கபூர் நடித்தது, தொடர்ந்து வசூலில் சாதனை படைத்து வருகிறது. திரைப்பட வர்த்தக ஆய்வாளர் மனோபாலா விஜயபாலனின் கூற்றுப்படி, ஃபைட்டர் வெள்ளிக்கிழமை ரூ. 15.19 கோடி வசூலித்த பின்னர் சனிக்கிழமை ரூ. 18.46 கோடியை வசூலித்தது. சித்தார்த் ஆனந்த் இயக்கிய இப்படம் வியாழக்கிழமை ரூ.9.75 கோடி வசூலித்தது.
ஃபைட்டர் உலகளாவிய பாக்ஸ் ஆபிஸ் வசூல்
மனோபாலா விஜயபாலனின் கூற்றுப்படி, ஃபைட்டரின் உலகளாவிய பாக்ஸ் ஆபிஸ் வசூல் இப்போது ரூ. 306.16 கோடியாக உள்ளது. இதுகுறித்து அவர் தனது ட்விட்டர் பக்கத்தில், "ஹிருத்திக் ரோஷன் மற்றும் தீபிகா படுகோனேவின் ஃபைட்டர் ரூ. 300 கோடி ரூபாய் மைல்கல்லை தாண்டியுள்ளது. இந்த உயரடுக்கு கிளப்பில் நுழையும் ஆண்டின் முதல் திரைப்படம் ஆனது. முதல் நாள் ரூ.36.04 கோடி. இரண்டாம் நாள் ரூ.64.57 கோடி. மூன்றாம் நாள் ரூ.56.19 கோடி. நான்காம் நாள் ரூ.52.74 கோடி. 5-வது நாள் ரூ.16.33 கோடி. ஆறாம் நாள் ரூ.14.95 கோடி. 7-வது நாள்: ரூ.11.70 கோடி. 8-வது நாள் ரூ.10.24 கோடி. 9-வது நாள் ரூ.9.75 கோடி. நாள் 10: ரூ.15.19 கோடி. நாள் 11 ரூ.18.46 கோடி. மொத்தம் ரூ.306.16 கோடி." வசூலித்துள்ளது.
ஃபைட்டர்
ஸ்குவாட்ரன் லீடர் ஷம்ஷேர் பதானியா (ஹிருத்திக் ரோஷன்), ஸ்குவாட்ரன் லீடர் மினால் ரத்தோர் (தீபிகா படுகோனே) மற்றும் குரூப் கேப்டன் ராகேஷ் ஜெய் சிங் (அனில் கபூர்) மற்றும் அவர்களின் இந்திய விமானப்படை (ஐ.ஏ.எஃப்) பிரிவான ஏர் டிராகன்ஸ் - தேசத்திற்காக பாடுபடுகிறார்கள். இப்படத்தின் படப்பிடிப்பு முதன்மையாக இந்தியாவில் உள்ள விமான தளங்களில் நிஜ சுகோய், இந்திய போர் விமானங்களை வைத்து படமாக்கப்பட்டுள்ளது. தீபிகா, ஹிருத்திக் மற்றும் அனில் தவிர, கரண் சிங் குரோவர் மற்றும் அக் ஷய் ஓபராய் ஆகியோரும் ஃபைட்டர் படத்தில் நடித்துள்ளனர்.
ஃபைட்டர் தீபிகா படுகோனே மற்றும் ஹிருத்திக் ரோஷனின் முதல் கூட்டணியைக் குறிக்கிறது. 2008 ஆம் ஆண்டின் பச்னா ஏ ஹசீனோ மற்றும் 2023 ஆம் ஆண்டின் பிளாக்பஸ்டர் பதான் படங்களுக்குப் பிறகு சித்தார்த் ஆனந்துடன் தீபிகாவின் மூன்றாவது படம் இதுவாகும், இதில் ஷாருக் கான் மற்றும் ஜான் ஆபிரகாம் இணைந்து நடித்திருந்தனர். ஹிருத்திக் ரோஷன் மற்றும் சித்தார்த் ஆனந்த் ஆகியோர் பேங் பேங் (2014) மற்றும் 2019 அதிரடி திரைப்படமான வார் போன்ற ப்ராஜெக்ட்களுக்குப் பிறகு மீண்டும் இணைந்துள்ளனர்.
இந்துஸ்தான் டைம்ஸின் ஃபைட்டர் திரைப்பட விமர்சனத்தின் ஒரு பகுதி பின்வருமாறு, “ஹிருத்திக் ரோஷன் மற்றும் தீபிகா படுகோனே ஆகியோர் சிறந்த போர் விமானிகளாக நடிக்கும் இந்தியாவின் முதல் வான்வழி அதிரடி படம் இது, ஃபைட்டர் ஒரு அதிவேக அனுபவத்தை உருவாக்குகிறது மற்றும் சமமாக ஈர்க்கக்கூடியதாக இருக்கிறது.” என்று குறிப்பிட்டுள்ளது.
டாபிக்ஸ்