கங்குவா சூர்யா கெட்டப்பில் வந்த ரசிகர்..பேண்ட் வாத்தியங்களுடன் வேற லெவல் கொண்டாட்டம்! முதல் ஷோ பார்த்தவர்கள் கருத்து
கங்குவா படத்தை பார்க்க களியக்காவிளையில் கங்குவா சூர்யா கெட்டப்பில் வந்த ரசிகர் பலருக்கும் சர்ப்ரைஸ் கொடுத்துள்ளார். அதிகாலையிலேயே பேண்ட் வாத்தியங்கள் முழங்க படத்தின் ரிலீஸுக்கு ரசிகர்கள் வேற லெவல் கொண்டாட்டம் வெளிப்படுத்தியுள்ளனர்.
சூர்யா ரசிகர்கள் ஆவலுடன் எதிர்பார்த்த கங்குவா படம் உலகம் முழுவதும் இன்று வெளியாகியுள்ளது. 980 நாள்கள் கழித்து தங்களது அபிமான ஹீரோவை திரையில் காண ரசிகர்களை அதிகாலை முதலே திரையரங்குகளில் குவிந்து கொண்டாட்டத்தில் ஈடுபட்டனர்.
கங்குவா படத்துக்கு முதல் காட்சி தமிழ்நாட்டில் காலை 9 மணிக்கு தொடங்கியபோதிலும், அண்டை மாநிலங்கலான கேரளா, கர்நாடகா, ஆந்திராவில் அதிகாலை காட்சியை திரையிடப்பட்டது. இதனால் அதிகாலையில் பேண்ட் வாத்தியங்கள் முழங்க, பட்டாசுகளை வெடித்து ரசிகர்கள் வேற லெவல் கொண்டாட்டத்தில் ஈடுபட்டனர்.
கங்குவா கெட்டப்பில் வந்த ரசிகர்
கன்னியாகுமரி மாவட்டம் களியக்காவிளை பகுதி அருகே கேரள பார்டரை ஒட்டி அமைந்திருக்கும் திரையரங்கில் கங்குவா படம் அதிகாலை 4 மணி காட்சி திரையிடப்பட்டது. இதையடுத்து படத்தை காண குவிந்த ஆயிரக்கணக்கான ரசிகர்கள் பேன்ட் இசையத்து, ஆட்டம் பாட்டம் என கொண்டாட்டத்தில் ஈடுபட்டனர். தொடர்ந்து படம் தொடங்குவதற்கு முன் பட்டாசுகள் வெடித்து தள்ளினர்.