தான் உனக்கு நண்பன் கிடையாது என்று கயலிடம் சொன்ன சரவணவேலு.. ஷாக் ஆன எழில்.. கயல் சீரியல் இன்றைய அப்டேட்

இன்றைய எபிசோட்:

கயல் சீரியலில் கதையின் நாயகியான ‘கயல்’, தனது சொந்த ஊருக்கு திருமணத்துக்குப் பின் வந்திருக்கிறார். உடன், கயலின் கணவர் எழில் இருக்கிறார். அப்போது, கயலை சிறு வயதில் காதலித்த சரவண வேலு அங்கிருக்கும் கோயிலில் தன் வாழ்நாளில் ஒரு முறையாவது ஊரை விட்டுச்சென்ற கயலை பார்க்க வேண்டும் என்று பிரார்த்திக்கிறார். அந்த தருணம் பார்த்து, கயல் தனது பூர்வீக ஊருக்கு வருகிறார். கயல் வருகை தந்ததை அறிந்து, கயலின் தந்தையிடம் கடன் கொடுத்தவர்கள் வந்து பணம் கேட்கிறார்கள்.

அப்போது கயல் தனது தந்தை வாங்கிய கடனை ஒரு வருடத்துக்குள் கட்டிவிடுவதாக உறுதியளிக்கிறார். அப்போது சரவண வேலு, தன் சிறுவயது காதலி கயலுக்கு ஆதரவாக ஊர் மக்களை எதிர்த்துப்பேசுகிறார். இந்நிலையில், கயலிடம் ஒரு கோயிலில் வைத்து பேசும் சரவண வேலு, ‘ உனக்கு ஒன்னு என்றால் தன்னால் தாங்கிக்கொள்ளமுடியாது என்று அன்னிக்கு தான் தெரிஞ்சுகிட்டேன்’ எனச் சொல்கிறார். இதைப் பார்த்து கயலிலின் கணவர் எழில் ஷாக் ஆகிறார்.

மனகுமுறலுடன் இருக்கும் பெரியப்பா:

அப்போது, கயலின் பெரியப்பா நடந்த உண்மை எல்லாம் சொல்லி கயலிடம் சரண்டர் ஆவேன் என தனது மனைவியிடம் பேச, அதற்கு அவர், ‘நடந்ததை எல்லாம் சொன்னால் கயல் சும்மாவிட்டுவிடுவாரா’ பதிலுரைக்கிறார்.

அப்போது சரவணவேலு தான் யார் தெரியுமா என கயலிடம் கேட்கிறார். கயல் சரவணவேலை பார்த்து ’எனது ஃபிரெண்ட்’ என்கிறாள். அதற்கு அவன் தான் அவ்வாறு இல்லவே இல்லை என்று மறுக்கிறான். இதனால் கயலும் கயலின் கணவரும் அதிர்ச்சியடைகின்றனர். இந்நிலையில் நவம்பர் 28ஆம் தேதி கயல் சீரியலில் என்ன நடக்கும் என்பதைப் பொறுத்திருந்து பார்ப்போம்.

முந்தைய எபிசோடு:

கல்யாணம் முடிந்த கையோடு, தனது சொந்த ஊருக்கு வந்த கயல், தன்னை நெருங்கி வந்த பிரச்னைகளை எல்லாம் சமாளித்து எழிலுடன் நேரத்தைச் செலவழிக்க விரும்புகிறார்.

இதனால், தனக்கு உதவி செய்ய வந்த சரவண வேலுவையே டிரைவராக்கி ஊரை சுற்றிக் காண்பிக்குமாறு கூறுகிறார். கயலை கல்யாணம் செய்வது தான் தன் வாழ்நாள் லட்சியம் என பல வருடங்களாக ஒருதலைக் காதலுடன் காத்திருந்த சரவண வேலுவிற்கு இது கோபத்தை ஏற்படுத்தினாலும், அவன் அதை கயலுக்காக ஏற்றுக் கொள்கிறான்.

பின், காரில் ஊரைச் சுற்றி வரும் கயல், எழிலுடன் பல சேட்டைகள் செய்கிறார். காரில் எழிலும், கயலும் நின்று கொன்டு ஊரைச் சுற்றிப் பார்த்து சந்தோஷப்பட்டு வருகின்றனர்.

கயலுக்கு உதவுவதுபோல் வந்து வந்த சரவணவேலுவின் எண்ணம்:

ஆனால், கயலுக்கு உதவுவதுபோல் வந்த சரவண வேலு, கயலை எப்படியாவது எழிலிடம் இருந்து பிரிக்க வேண்டும். தான் இத்தனை நாள் காத்திருந்த கயலை எப்படியாவது அடைய வேண்டும் என்ற வஞ்சத்தில் இருக்கிறான். இதையடுத்து, இன்னும் ஒரே வாரத்திற்குள் கயலிடமிருந்து எழிலை பிரிப்பதாகவும் மனதிற்குள் சவால்விட்டுக் கொள்கிறான். அதற்கான வேலைகளைப் படிப்படியாக செய்யத்தொடங்குகிறான். கயல் திருமணம் ஆனவர் என்பதை அவரது தாயும், உடன் பக்கபலமாக இருக்கும் நண்பர்கள் எடுத்துரைத்தாலும் அதை சரவணவேலு ஏற்றுக்கொள்ளவில்லை.