எதிர்நீச்சல் சீரியல் மார்ச் 8 எபிசோட்: மூட்டை முடிச்சுடன் வீட்டை விட்டு வெளியேறும் பெண்கள்.. எதிர்நீச்சல் சீரியல்..

வீட்டை விட்டு வெளிய போங்க

இதைக் கேட்ட ஆதி குணசேகரனின் அம்மா விசாலாட்சி, வீட்டில் உள்ள பெண்களிடம் சென்று, இந்த வீட்டு பெரிய மனுசியா நான் சொல்றேன். நீங்க எல்லாரும் இந்த வீட்டை விட்டு வெளியே போங்க என கத்துகிறார். இதையடுத்து, ஈஸ்வரி, ரேணுகா, நந்தினி, ஜனனி என 4 பேரும் தன்னுடைய பொருட்களை பேக் செய்து வெளியே வந்தனர்.

உள்ளே- வெளியே

ஆதி குணசேகரன் வீட்டு வாசலில் காலை வைக்கும் போதே பெண்கள் வீட்டை விட்டு வெளியேறினர். மேலும், இந்த வீட்டில் நாங்கள் இருக்கும் கடைசி நாள் இது தான். இனிமேல் நடக்கப்போகும் மாற்றம் எல்லாம் உள்ளே இருந்து இல்ல வெளியே இருந்து தான் என சபதம் எடுக்கின்றனர். இதுகுறித்த ப்ரோமோவை சன் டிவி வெளியிட்டுள்ளது.

மேலும் படிக்க: அண்ணன் பக்கம் சாய்ந்த சக்தி.. கோவத்தில் பெண்கள்.. எதிர்நீச்சல் சீரியல்

பெண்களை குற்றம் சொன்ன சக்தி

முன்னதாக, டீக்கடையில் நடந்த அவமானத்தில் இருந்த சக்தியிடம் வீட்டார் கேள்விகளை அடுக்க, சக்தி எதற்குமே பிடி கொடுக்காமல் பேசினான். அதுமட்டுமல்ல, எந்த ஒரு பிரச்சினையாக இருந்தாலும் இந்த வீட்டின் பெண்கள் ஒன்றாக கூடி, அதை அலசுவது தான் பிரச்சினை உருவாவதற்கு காரணம் என்று ஒரே போடாக போட்டான். தற்போது கூட ஈஸ்வரியின் பிரச்சினைக்காகதான் நீங்கள் எல்லோரும் சேர்ந்து உருட்டிக் கொண்டிருக்கிறீர்கள் என்று கேட்டான். இதைக் கேட்டு அனைவரும் அதிர்ச்சியின் உச்சத்திற்கே சென்றனர்.

சக்தியிடம் கெஞ்சும் ஆதி குணசேகரன்

இதையடுத்து கோயிலில் சக்தியை ஆதி குணசேகரன் சந்திக்கிறார். அப்போது நான் தற்போது பரோலில் வந்திருக்கிறேன். என்னை அறிவழகி மரியாதையாக நடத்தி அவளது வீட்டுக்கு கூப்பிடத்தான் செய்கிறாள். ஆனால், எனக்கு அங்கு செல்வதற்கு விருப்பமில்லை. இதனால் நான் நம்முடைய வீட்டில் தங்க வேண்டும் என்று ஆசைப்படுகிறேன்; தயவு செய்து அதற்கு அனுமதி வாங்கி தருவாயா என்று கேட்டார்.

மேலும் படிக்க: பார்கவி விவகாரத்தில் அடிமட்டத்திற்கு இறங்கிய அறிவக்கரசி.. எதிர்நீச்சல் சீரியல்

அண்ணனுக்காக பேசிய சக்தி

இதைக் கேட்டு கண்கலங்கிய சக்தி, உடனே வீட்டுக்குச் சென்று வீட்டு பெண்களிடம், இது குணசேகரன் வீடு, அப்படி இருக்கும் பொழுது, அவர் இங்கு வருவதற்கு முழுமையாக உரிமை இருக்கிறது என்றான்.அது சலசலப்பில் முடிந்தது. மேலும் ஆதி குணசேகரன் வீட்டிற்கு வந்தால் நாங்கள் முக்கிய முடிவு எடுக்க நேரிடம் என்றும் கூறினர்