Animal 3rd day Collection: அனிமல் திரைப்படத்தின் 3ஆம் நாள் வசூல் எவ்வளவு தெரியுமா?
அனிமல் திரைப்படத்தின் மூன்றாம் நாள் வசூல் குறித்த தகவல் கசிந்துள்ளது.
அனிமல் திரைப்படம் உலகளவில் மூன்றாம் நாளில் முந்நூறு கோடி ரூபாயைத் தாண்டி வசூல் செய்துள்ளது.
தெலுங்கில் விஜய்தேவரகொண்டாவை வைத்து அர்ஜூன் ரெட்டி என்னும் மிகப்பெரிய ஹிட் படத்தைத் தந்தவர், இயக்குநர் சந்தீப் ரெட்டி வங்கா. இவர் தனது சொந்த தயாரிப்பு நிறுவனத்தின் மூலம் பிரபல பாலிவுட் நடிகர் ரன்பீர் கபூரை வைத்து பேன் இந்திய அளவில் இயக்கிய படம் தான், அனிமல். இப்படத்தில் ராஷ்மிகா மந்தனா, பிரினீதி சோப்ரா, அனில் கபூர், திரிப்தி டிமிரி, ஷக்தி கபூர், பாபி தியோல் ஆகியப் பலர் நடித்துள்ளனர்.
இந்தப் படமானது தந்தைக்கும் மகனுக்கும் இடையிலான பாசப்பிணைப்பை மையமாக வைத்து உருவாகியுள்ளது. குறிப்பாக, தந்தைக்காக மகன் மிருகமாக மாறும் கதையைக்கொண்டு உருவாகியுள்ளது. படத்திற்கு மத்திய தணிக்கை வாரியம் ஏ சான்றிதழ் தந்துள்ளது. அனிமல் படமானது மொத்தமாக 3 மணி நேரம் 21 நிமிடங்கள் ஓடக்கூடியது.
இப்படம் தெலுங்கு, தமிழ், மலையாளம், கன்னடம், இந்தி என 5 மொழிகளில் டிசம்பர் 1ஆம் தேதி உலகமெங்கும் வெளியானது. இப்படத்தின் முக்கிய வில்லனாக நடிகர் சன்னி தியோலின் சகோதரன் பாபி தியோல் நடித்திருக்கிறார்.
இந்நிலையில் இப்படத்தின் முதல் நாள் வசூல் ரூ.116 கோடி ஆகும். இரண்டாம் நாள் மொத்தமாக 236 கோடி ரூபாயை வசூலித்துள்ளது. இந்நிலையில் அனிமல் திரைப்படம் மூன்றாம் நாளில் 356 கோடி ரூபாயை உலகளவில் வசூல் செய்துள்ளது.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
