Game Changer Box Office: முதல் நாளிலேயே முடிந்த ஆட்டம்.. பாதியாய் குறைந்த வசூல்.. கேம் சேஞ்சர் பாக்ஸ் ஆபிஸ் நிலவரம்..
தமிழ் செய்திகள்  /  பொழுதுபோக்கு  /  Game Changer Box Office: முதல் நாளிலேயே முடிந்த ஆட்டம்.. பாதியாய் குறைந்த வசூல்.. கேம் சேஞ்சர் பாக்ஸ் ஆபிஸ் நிலவரம்..

Game Changer Box Office: முதல் நாளிலேயே முடிந்த ஆட்டம்.. பாதியாய் குறைந்த வசூல்.. கேம் சேஞ்சர் பாக்ஸ் ஆபிஸ் நிலவரம்..

Malavica Natarajan HT Tamil
Jan 12, 2025 07:45 AM IST

Game Changer Box Office: இயக்குநர் ஷங்கரின் நேரடி தெலுங்கு திரைப்படமாக வெளியாகியுள்ள கேம் சேஞ்சர் வெளியான 2ம் நாளிலேயே பெரும் வசூல் சரிவை சந்தித்துள்ளது.

Game Changer Box Office: முதல் நாளிலேயே முடிந்த ஆட்டம்.. பாதியாய் குறைந்த வசூல்.. கேம் சேஞ்சர் பாக்ஸ் ஆபிஸ் நிலவரம்..
Game Changer Box Office: முதல் நாளிலேயே முடிந்த ஆட்டம்.. பாதியாய் குறைந்த வசூல்.. கேம் சேஞ்சர் பாக்ஸ் ஆபிஸ் நிலவரம்..

கிட்டத்தட்ட நான்கு வருட தாமதத்துக்குப் பின் இந்த கேம் சேஞ்சர் படம் ரிலீஸ் ஆகியுள்ளது. கேம் சேஞ்சர் உலகம் முழுவதும் 6600 க்கும் மேற்பட்ட திரையரங்குகளில் வெளியிடப்பட்டு ரூ .223 கோடி முதல் நாள் இலக்குடன் பாக்ஸ் ஆபிஸில் நுழைந்துள்ளது.

பாக்ஸ் ஆபிஸ் வசூல்

படங்களின் பாக்ஸ் ஆபிஸ் வசூல் நிலவரங்களை கணித்து கூறும் Sacnilk.com வெளியிட்டுள்ள தகவல்படி, ராம் சரண் மற்றும் இயக்குநர் ஷங்கரின் கூட்டணியில் உருவான கேம் சேஞ்சர் திரைப்படம் 2ம் நாள் வசூலில் பின் தங்கியுள்ளது.

தெலுங்கில் முதல் நாள் 41.25 கோடியாக இருந்த வசூல், 2ம் நாளே 12.7 கோடியாக குறைந்துள்ளது. அதேபோல, தமிழில் முதல் நாள் 2.12 கோடியாக இருந்த வசூல் 2ம் நாளில் 1.7 கோடி ரூபாயாக சரிந்துள்ளது.

மொத்தமாக பார்க்கும் போது கேம் சேஞ்சர் படம் இந்திய அளவில் 2ம் நாழ் 72.5 கோடி ரூபாய் வசூலை பெற்றுள்ளது. மேலும் உலகளவில் பார்க்கும் போது 2ம் நாளான நேற்று 80.1 கோடி ரூபாய் வசூலை பெற்றுள்ளது.

காலியாக இருக்கும் தியேட்டர்கள்

பொதுவாகவே, படம் வெளியான முதல் நாள் அந்தப் படத்திற்கு கிடைக்கும் வரவேற்பை பொறுத்து தான் அதன் வசூல் நிலவரம் ஏறுமா இறங்குமா என்பதை கணிக்க முடியும். அந்த வகையில், ஷங்கரின் திரைப்படத்திற்கு தமிழ் மற்றும் தெலுங்கு மொழிகளில் ஓவர் ஹைப் கொடுத்திருந்த நிலையில், படம் வெளியான சமயத்தில் பெரிதான வரவேற்பு இல்லை. முதல் நாள் மதியத்திற்கு மேலே, பெரும்பாலான தியேட்டர்கள் குறைவான ரசிகர்களையே கொண்டிருந்தது.

மெகா பட்ஜெட் படம்

ராம் சரண் மற்றும் கியாரா அத்வானியுடன், கேம் சேஞ்சர் படத்தில் அஞ்சலி, சமுத்திரக்கனி, எஸ்.ஜே. சூர்யா மற்றும் ஸ்ரீகாந்த் ஆகியோர் முக்கிய வேடங்களில் நடிக்கின்றனர். ரூ.400 கோடிக்கும் அதிகமான பட்ஜெட்டில் உருவாகியுள்ள இந்தப் படத்தின் பாடல்களுக்கு தமன் இசையமைத்துள்ளார். ஷங்கர் படத்தின் பாடல்களுக்காக மட்டும் ரூ.75 கோடி செலவிடப்பட்டது.

இயக்குநர் கார்த்திக் சுப்புராஜ் இப்படத்திற்கான கதையை எழுதியுள்ளார். இந்தப் படம் தெலுங்கு, தமிழ், கன்னடம், மலையாளம் மற்றும் இந்தி மொழிகளில் வெளியாகவுள்ளது. 2021 இல் தொடங்கிய படப்பிடிப்பு 2024 இல் நிறைவடைந்தது.

கேம் சேஞ்சர் கதை

கேம் சேஞ்சர் படத்தில் ராம் சரண் ராம் நந்தனாக நடித்துள்ளார். ஐ.ஏ.எஸ். தேர்வில் வெற்றி பெற்ற பின் மாவட்ட ஆட்சியராக நியமிக்கப்பட்டு, செல்வாக்கு மிக்க அரசியல்வாதிகளுடன் மோதுகிறார். "மதுரையின் கலெக்டர் ஒருவரின் வாழ்க்கையில் நடந்த உண்மை சம்பவத்தை அடிப்படையாகக் கொண்டு கார்த்திக் சுப்புராஜ் இந்த படத்தின் கதையை எழுதியுள்ளார்.

அரசியல்வாதிகள் மற்றும் மாவட்ட ஆட்சியருக்கு இடையே நடந்த சம்பவங்களை இயக்குனர் ஷங்கர் பிரமாண்டமாக திரையில் கொண்டு வந்துள்ளார்" என்று இந்த படத்தின் விளம்பரப்படுத்தலின் போது எஸ்.ஜே.சூர்யா கூறியிருந்தார்.

Whats_app_banner

டாபிக்ஸ்

தமிழ்த் திரைப்பட செய்திகள், டிவி தொடர்கள், OTT செய்திகள், திரைப்பட விமர்சனங்கள், பாலிவுட், ஹாலிவுட் படங்கள் தொடர்பான சமீபத்திய அப்டேட்களை, பொழுதுபோக்கு பிரிவில் பார்க்கலாம்.