Director Shankar: அப்பவே நான் அப்படி பாஸ்.. 90ஸ்களிலேயே ஒரு பாடலுக்கு ரூ. 2 கோடி செலவழித்த ஷங்கர்.. எந்த பாடல் தெரியுமா?
Director Shankar: கேம் சேஞ்சர் படத்தில் பாடலுக்கு மட்டும் ரூ. 75 கோடி செலவழித்திருப்பதாக கூறப்படும் நிலையில், இதற்கு பல்வேறு விமர்சனங்களும் எழுந்து வருகின்றன. ஆனால் 90ஸ்களிலேயே ஒரு பாடலுக்கு ரூ. 2 கோடி செலவழித்துள்ளார் இயக்குநர் ஷங்கர்.
பிரமாண்ட இயக்குநர் ஷங்கர் முதல் முறையாக இயக்கியிருக்கும் நேரடி தெலுங்கு படமான கேம் சேஞ்சர் வெளியாகி ரசிகர்கள் மத்தியில் நேர்மறையான விமர்சனங்களை பெற்று வருகிறது. படம் முதல் நாளில் ரூ. 47 கோடிக்கு மேல் வசூலித்துள்ளது.
ரூ. 350 கோடிக்கு மேல் பட்ஜெட்டில் உருவாகியிருக்கும் கேம் சேஞ்சர் தெலுங்கு, தமிழ், இந்தி ஆகிய மொழிகளில் பான் இந்தியா படமாக வெளியாகியுள்ளது. ராம் சரண், கியாரா அத்வானி, அஞ்சலி, எஸ்.ஜே. சூர்யா உள்பட பலர் நடித்துள்ள அரசியல் த்ரில்லர் படமான கேம் சேஞ்சர் படத்தின் பாடல்கள் மட்டும் ரூ. 75 கோடிக்கு மேல் பட்ஜெட்டில் உருவாகியுள்ளதாக கூறப்படுகிறது.
அத்துடன் படத்தில் இடம்பெறும் Lyraanaa என்ற பாடல் இன்ப்ரா ரெட் கேமரா தொழில்நுட்பத்தில் எடுக்கப்பட்டது. இந்தியாவில் இந்த டெக்னாலஜி கேமராவை பயன்படுத்தி எடுக்கப்பட்ட முதல் பாடலாகவும் இது அமைந்துள்ளது. இதையடுத்து பாடலுக்கு மட்டுமே மிக பெரும் தொகை செலவு செய்யப்பட்டிருக்கும் நிலையில், அந்த பணத்தில் ஒரு தரமான படமே உருவாக்கிடலாம் என சமூக வலைத்தளங்களில் பல்வேறு விவாதங்கள் நடைபெற்றன.