Director Sandeep Reddy Vanga: வாழ்க்கையை மாற்றிய அர்ஜூன் ரெட்டி.. உருகும் பான் இந்தியா இயக்குநர்..
Director Sandeep Reddy Vanga: அர்ஜூன் ரெட்டி திரைப்படம் என் வாழ்க்கையை மாற்றிய கேம் சேஞ்சர் படமாக எப்போதும் இருக்கும் என இயக்குநர் சந்தீப் ரெட்டி வங்கா சமீபத்தில் அளித்த பேட்டியில் கூறியுள்ளார்.
Director Sandeep Reddy Vanga: தெலுங்கு இயக்குனர் சந்தீப் ரெட்டி வங்கா, தான் இயக்கிய படங்கள் மூலம் பான் இந்தியா ரேஞ்சில் ஸ்டார் இயக்குனராக மாறியுள்ளார். அவர் தனது முதல் படமான அர்ஜுன் ரெட்டி (2017) மூலம் அவர், இந்திய அளவில் பெரும் தாக்கத்தை ஏற்படுத்தினார்.
சந்தீப் ரெட்டி வங்கா
அந்த படத்தின் மூலம் சந்தீப் பிளாக்பஸ்டர் ஹிட் அடித்தார். அதே படம் பாலிவுட்டில் கபீர் சிங் என்ற பெயரில் ரீமேக் செய்யப்பட்டு வெற்றி பெற்றது. 2023 ஆம் ஆண்டில், சந்தீப் அனிமல் படம் மூலம் பாக்ஸ் ஆபிஸின் உச்சத்திற்கு சென்றார். இந்த படங்களின் மூலம் நாட்டின் தலைசிறந்த இயக்குனர்கள் பட்டியலில் இடம் பிடித்தார்.
இந்நிலையில், இயக்குநர் சந்தீப் ரெட்டி வங்கா சமீபத்தில் பங்கேற்ற பேட்டி ஒன்றில் அவரது வாழ்க்கையையே மாற்றிய படமான அர்ஜூன் ரெட்டி குறித்து மனம் திறந்து பேசுகிறார். மேலும் படத்தை பற்றிய மறக்க முடியாத நினைவுகளை பகிர்ந்து கொண்டார்.
மேலும் படிக்க: அர்ஜூன் ரெட்டி டைரக்டரின் அடுத்த படைப்பு என்ன தெரியுமா?
கேம் சேஞ்சிங் படம்
அந்தப் பேட்டியில், "அர்ஜுன் ரெட்டி படத்தின் டீசர் வெளியான அன்று, மிகப்பெரிய வரவேற்பு கிடைத்தது, அதே நாளில், எங்கள் வாழ்க்கை மாறியது போலும் உணர்ந்தோம்" என்றார். மேலும், "உங்கள் வாழ்க்கையில் கேம் சேஞ்சராக மாறிய படம் எது?" என்று கேட்கப்பட்டது. அப்போது, சற்றும் யோசிக்காமல், "அர்ஜுன் ரெட்டி தான் என் வாழ்வில் எப்போதும் கேம் சேஞ்சராக இருப்பார்" என்று சந்தீப் ரெட்டி வங்கா கூறினார். மேலும் டீசர் வெளியானதை நினைவு கூர்ந்த அவர். "அர்ஜுன் ரெட்டி டீசர் 2017 பிப்ரவரி 14 அன்று வெளியிடப்பட்டது. எனக்கும் விஜய் தேவரகொண்டாவிற்கும் இது ஒரு கேம் சேஞ்சிங் நாளாக இருந்தது.
உற்சாகம் தந்த ரெஸ்பான்ஸ்
ஆபீஸ் டெஸ்க்டாப்பில் எடிட்டிங் முடித்த பிறகு, அன்று இரவு 7 மணிக்கு என்டர் பட்டனை க்ளிக் செய்து டீசரை வெளியிட்டோம். இரண்டு மணி நேரத்தில், தொலைபேசி வாழ்த்து செய்திகளால் நிரம்பி வழிந்தது. அப்போதுதான் படம் எங்கே போகப் போகிறது என்று உணர்ந்தோம். படத்தை விட டீசர் எங்களுக்கு மிகப் பெரிய உற்சாகத்தை தந்தது. அர்ஜுன் ரெட்டி என்றென்றும் எனக்கு ஒரு கேம் சேஞ்சிங் படம்" என்று சந்தீப் ஒரு அறிக்கையில் தெரிவித்துள்ளார். அன்றே வாழ்க்கை மாறிப் போனதாகத் தோன்றியது என்றும் அவர் கூறினார்.
மேலும் படிக்க: அடித்து தூள் கிளப்பும் அனிமல் திரைப்படத்தின் வசூல்..
அர்ஜூன் ரெட்டி ரிலீஸ்
அர்ஜுன் ரெட்டி படத்தை சந்தீப் ரெட்டி வங்கா இயக்கினார். அந்தப் படத்தின் மூலம் அவர் ஒரு சிறப்பான திரைப்படத் இயக்குநர் என்று முத்திரை குத்தப்பட்டார். தனது முதல் படத்திலேயே தனது திறமையை உலகிற்கு அறிமுகப்படுத்தினார். அதே ரேஞ்சில் இப்படம் பிளாக்பஸ்டர் ஆனது. இந்த படத்தை சந்தீப்பின் சகோதரர் பிரனய் ரெட்டி வாங்கா தயாரித்தார். அர்ஜுன் ரெட்டி ஆகஸ்ட் 25, 2017 அன்று திரையரங்குகளில் வெளியிடப்பட்டது. அத்தோடு நில்லாமல் இவரது கபீர் சிங் மற்றும் அனிமல் பாலிவுட்டில் பிளாக்பஸ்டர் ஆக மாறியது.
ஸ்பிரிட்..
தற்போது சந்தீப் ரெட்டி வாங்கா ரெபெல் ஸ்டார் பிரபாஸுடன் இணைந்து ஸ்பிரிட் படத்தை இயக்கி உள்ளார். ரசிகர்கள் மத்தியில் படத்திற்கு மிகப்பெரிய கிரேஸ் உள்ளது. "ஷாஹித் கபூர் மற்றும் ரன்பீர் கபூருக்கு இவர் ஏற்கனவே வாழ்க்கையில் மிகப்பெரிய வெற்றியைக் கொடுத்தது போல பிரபாஸுக்கும் கொடுக்கப்படும் என்று நினைக்கிறீர்களா?" என்று சந்தீப்பிடம் கேட்கப்பட்டது.
ரூ. 2000 கோடி தேவை
அப்போது, பிரபாஸ் மிகப்பெரிய வெற்றியைக் கொடுக்க ரூ .2,000 கோடி தேவை என்றும், அதைப் பற்றி இப்போது எதுவும் சொல்ல முடியாது என்றும் சந்தீப் கூறினார். "இது ஒரு கடினமான கேள்வி. பாகுபலி 2 படத்தை கடக்க ரூ.2,000 கோடி வசூலிக்க வேண்டும். ஆனால் நான் நிச்சயமாக படத்தை ஈர்க்கும்படியாக செய்வேன். அது சுவாரஸ்யமாக இருக்கும்" என்கிறார் சந்தீப். வியாபாரம் பற்றி பிறகு பார்ப்போம்" என்றார்.
போலீஸாக பிரபாஸ்
ஸ்பிரிட்டில் பிரபாஸ் ஒரு நேர்மையான போலீஸ் அதிகாரியாக நடிப்பார் என்று சந்தீப் முன்பு கூறியிருந்தார். இப்படம் ஒரு தீவிரமான ஆக்ஷன் படமாக இருக்கும். ஏற்கனவே ஸ்கிரிப்ட் வேலைகள் எல்லாம் முடிந்தது, விரைவில் படப்பிடிப்பு தொடங்கவுள்ளது என்றார்.
Malavica Natarajan
